ದಿಲ್ಲಿ ಸಿಎಂ ಅರವಿಂದ್‌ ಕೇಜ್ರಿವಾಲ್‌ ಪಾಲಿಗೆ ಡಬಲ್‌ ಸಂಭ್ರಮ: ಪತ್ನಿ ಹುಟ್ಟುಹಬ್ಬಕ್ಕೆ ಗೆಲುವಿನ ಉಡುಗೊರೆ

ಹೊಸದಿಲ್ಲಿ: ದಿಲ್ಲಿ 2020 ಚುನಾವಣೆಯಲ್ಲಿ ಮತ ಎಣಿಕೆ ಮುಂದುವರಿದಿದ್ದರೂ, ಎಎಪಿ ಸರಕಾರ ರಚಿಸುವುದು ಬಹುತೇಕ ಖಚಿತವಾಗಿದೆ. ಇನ್ನು, ದಿಲ್ಲಿ ಸಿಎಂ ಅರವಿಂದ್‌ ಕೇಜ್ರಿವಾಲ್‌ ಸಂಭ್ರಮಕ್ಕೆ ಮತ್ತೊಂದು ಕಾರಣವಿದೆ.

ದೆಹಲಿಯಲ್ಲಿ ಅರವಿಂದ್‌ ಕೇಜ್ರಿವಾಲ್‌ ಮೂರನೇ ಬಾರಿ ಅಧಿಕಾರಕ್ಕೆ ಹಿಡಿಯುತ್ತಿರುವುದು ಒಂದಾದರೆ ಕೇಜ್ರಿವಾಲ್‌ ಪಾಲಿಗೆ ಫೆಬ್ರವರಿ 11 ಮತ್ತೊಂದು ವಿಶೇಷದ ದಿನವಾಗಿದೆ. ಅದು ಕೇಜ್ರಿವಾಲ್‌ ಪತ್ನಿ ಸುನೀತಾ ಕೇಜ್ರಿವಾಲ್‌ರ 54ನೇ ಹುಟ್ಟುಹಬ್ಬ.

ಭಾರತೀಯ ಕಂದಾಯ ಸೇವೆ (ಐಆರ್‌ಎಸ್) ನಲ್ಲಿ ಕೆಲಸ ಮಾಡುತ್ತಿದ್ದ ಸುನೀತಾ ಕೇಜ್ರಿವಾಲ್ ಅವರು 2016 ರಲ್ಲಿ ಸ್ವಯಂ ನಿವೃತ್ತಿ ತೆಗೆದುಕೊಂಡಿದ್ದರು. ಹೊಸದಿಲ್ಲಿಯಲ್ಲಿ ಸುನೀತಾ ಕೇಜ್ರಿವಾಲ್ ತಮ್ಮ ವೃತ್ತಿಜೀವನದಲ್ಲಿ ಆದಾಯ ತೆರಿಗೆ ಮೇಲ್ಮನವಿ ನ್ಯಾಯಮಂಡಳಿಯಲ್ಲಿ ಅವರು ಐಟಿ ಆಯುಕ್ತರಾಗಿ ನೇಮಕರಾಗಿದ್ದರು. ಸುನೀತಾ 20 ವರ್ಷಗಳಿಂದ ಕೇಂದ್ರ ಸರ್ಕಾರದಲ್ಲಿ ಸೇವೆ ಸಲ್ಲಿಸಿದ್ದಾರೆ.

ದಿಲ್ಲಿವಾಲಾಗಳ ಮನಗೆದ್ದ ಕೇಜ್ರಿವಾಲ! ಹ್ಯಾಟ್ರಿಕ್‌ ಗೆಲುವಿನ ವಿಶ್ವಾಸದಲ್ಲಿ ಆಪ್‌ ನಾಯಕ

ಅರವಿಂದ್‌ ಕೇಜ್ರಿವಾಲ್‌ ಪರವಾಗಿ ಪತ್ನಿ ಸುನೀತಾ ಕೇಜ್ರಿವಾಲ್‌ ಸಹ ಚುನಾವಣೆಗೂ ಮುನ್ನ ಪ್ರಚಾರ ಮಾಡಿದ್ದರು. ಈ ಹಿನ್ನೆಲೆ ಕೇಜ್ರಿವಾಲ್‌ಗೆ ಇಂದು ಮೂರನೇ ಬಾರಿ ಸಿಎಂ ಆಗುತ್ತಿರುವ ಜತೆಗೆ ಪತ್ನಿಯ ಹುಟ್ಟುಹಬ್ಬದ ಸಂಭ್ರಮವೂ ಇದೆ. ಅಲ್ಲದೆ, ತನ್ನ ಪರವಾಗಿ ಪ್ರಚಾರ ಮಾಡಿದ್ದ ಸುನೀತಾಗೆ ಗೆಲುವಿನ ಉಡುಗೊರೆ ನೀಡುತ್ತಿದ್ದಾರೆ ಅರವಿಂದ್‌ ಕೇಜ್ರಿವಾಲ್.

ಫಲಿತಾಂಶ

ಫೆಬ್ರವರಿ 8 ರಂದು ಒಂದೇ ಹಂತದಲ್ಲಿ ನಡೆದ ಹೊಸದಿಲ್ಲಿ ಚುನಾವಣೆ ಮತದಾನ ನಡೆದಿತ್ತು. ಈ ಮಹತ್ವದ ಚುನಾವಣೆಗೆ ಸಿಎಂ ಪತ್ನಿಯೂ ಬಿರುಸಿನ ಪ್ರಚಾರ ನಡೆಸಿದ್ದರು. ಈ ಹಿನ್ನೆಲೆ ಹಲವು ಟ್ವೀಟಿಗರು ಸಹ ಸುನೀತಾ ಕೇಜ್ರಿವಾಲ್‌ಗೆ ಟ್ವೀಟ್‌ ಮಾಡಿ, ಹುಟ್ಟುಹ್ಬಬದ ಶುಭಾಶಯ ಕೋರಿದ್ದಾರೆ. ಅಲ್ಲದೆ, ಕೇಜ್ರಿವಾಲ್‌ಗೆ ಡಬಲ್‌ ಸಂಭ್ರಮ, ಹುಟ್ಟುಹಬ್ಬಕ್ಕೆ ಗೆಲುವಿನ ಉಡುಗೊರೆ ಎಂದೂ ಹಲವರು ಟ್ವೀಟ್‌ ಮಾಡಿದ್ದಾರೆ.

ದಿಲ್ಲಿ ಫಲಿತಾಂಶ Live: ರಾಜಧಾನಿಯಲ್ಲಿ ಅರವಿಂದ್‌ ಮೇಲೆ ಮತದಾರರು ಕ್ರೇಜ್‌, ಸ್ಟಾರ್‌ ಆದ ಆಪ್‌ ನಾಯಕ