* ಶ್ರೀಕಾಂತ ಅಕ್ಕಿ ಕೊಪ್ಪಳ
ರಾಜ್ಯದಲ್ಲೀಗ ಪ್ರತಿ ಪಕ್ಷದ ನಾಯಕ, ಮಾಜಿ ಸಿಎಂ ಸಿದ್ದರಾಮಯ್ಯ ಎಲ್ಲಿಂದ ಸ್ಪರ್ಧೆ ಮಾಡುತ್ತಾರೆ ಎನ್ನುವುದೇ ದೊಡ್ಡ ಸುದ್ದಿಯಾಗಿದ್ದು ಚರ್ಚೆಗೆ ಗ್ರಾಸ ಒದಗಿಸಿದೆ. ಕೋಲಾರ ಸೇಫ್‌ ಅಲ್ಲಎಂದು ಎಐಸಿಸಿ ವರಿಷ್ಠ ರಾಹುಲ್‌ ಗಾಂಧಿಯವರು ಸಿದ್ದುಗೆ ಹೊಸದಿಲ್ಲಿಯ ಸಭೆಯಲ್ಲಿ ಹೇಳಿದ್ದಾರೆ ಎಂದ ಬಳಿಕ ಮತ್ತೆ ವರುಣಾ ಇಲ್ಲವೇ ಜಿಲ್ಲೆಯ ಕುಷ್ಟಗಿ ವಿಧಾನಸಭಾ ಕ್ಷೇತ್ರದತ್ತ ಸಿದ್ದು ಬರಬಹುದು ಎಂಬ ಲೆಕ್ಕಾಚಾರಗಳು ರಾಜಕೀಯ ವಲಯದಲ್ಲಿ ಶುರುವಾಗಿವೆ.ಮತ್ತೊಮ್ಮೆ ಅಧಿಕಾರಕ್ಕೆ ಬರುವ ಉಮೇದಿನಲ್ಲಿ ಕಾಂಗ್ರೆಸ್‌ ಇದೆ.
ಕುಷ್ಟಗಿಯತ್ತ ಮುಖ?
ಕಳೆದ ತಿಂಗಳು ಕುಷ್ಟಗಿ ಶಾಸಕ ಅಮರೇಗೌಡ ಬಯ್ಯಾಪೂರ ಜನ್ಮ ದಿನಾಚರಣೆ ಅಂಗವಾಗಿ ಕುಷ್ಟಗಿಯಲ್ಲಿಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದ ಸಿದ್ದರಾಮಯ್ಯನವರಿಗೆ ಕುಷ್ಟಗಿ ಕ್ಷೇತ್ರದಲ್ಲಿಸ್ಪರ್ಧೆ ಮಾಡಿ ಎಂದು ಅವರ ಅಭಿಮಾನಿಗಳು, ಹಿತೈಷಿಗಳು, ಸ್ವತಃ ಶಾಸಕ ಬಯ್ಯಾಪೂರ ಬಹಿರಂಗವಾಗಿ ಆಹ್ವಾನ ಮಾಡಿದ್ದರು. ಆದರೆ, ಪ್ರೀತಿಯ ಮನವಿಯನ್ನು ನಯವಾಗಿಯೇ ತಿರಸ್ಕರಿಸಿದ್ದ ಸಿದ್ದು ತಾವು ಕುಷ್ಟಗಿಯಿಂದ ಸ್ಪರ್ಧಿಸುವುದಿಲ್ಲಎಂದು ಹೇಳಿದ್ದರು.
ಆದರೆ, ಸಿದ್ದು ಅತ್ಯಾಪ್ತ ಬಣದಲ್ಲಿರುವ ಸತೀಶ ಜಾರಕಿಹೊಳಿ ಅವರು ಮಾತ್ರ ಪ್ರತಿ ವಾರಕ್ಕೊಮ್ಮೆ ಕುಷ್ಟಗಿ ಕ್ಷೇತ್ರಕ್ಕೆ ಭೇಟಿ ನೀಡಿ ಗಮನ ಸೆಳೆಯುತ್ತಿದ್ದಾರೆ. ಕಳೆದ ಚುನಾವಣೆಯಲ್ಲಿಸಿದ್ದರಾಮಯ್ಯ ಬಾದಾಮಿಯಿಂದ ನಿಂತಾಗ ಅವರ ಗೆಲುವಿಗೆ ಹೆಗಲು ಕೊಟ್ಟು ನಿಂತಿದ್ದರು. ಹೀಗಾಗಿ ಈ ಬಾರಿ ಕೊನೆ ಗಳಿಗೆಯಲ್ಲಿಸಿದ್ದು ಕುಷ್ಟಗಿಗೆ ಬಂದರೂ ಬರಬಹುದು ಎಂಬ ಲೆಕ್ಕಾಚಾರದೊಂದಿಗೆಯೇ ಸಿದ್ದು ಪರ ಸತೀಶ ಜಾರಕಿಹೊಳಿ ಕುಷ್ಟಗಿ ಕ್ಷೇತ್ರದಲ್ಲಿಸೈಲೈಂಟ್‌ ಆಗಿ ಕೆಲಸ ಮಾಡುತ್ತಿದ್ದಾರೆ ಎಂಬ ಮಾತುಗಳು ರಾಜಕೀಯ ವಲಯದಲ್ಲಿವೆ.
ಜಾರಕಿಹೊಳಿಗೆ ಹೆಚ್ಚಿನ ಒಲವು:
ಶನಿವಾರ ಕುಷ್ಟಗಿ ತಾಲೂಕಿನ ತಾವರಗೇರಾದಲ್ಲಿ ಶಾಲಾ ಮಕ್ಕಳಿಗೆ ಸತೀಶ್‌ ಜಾರಕಿಹೊಳಿ ಫೌಂಡೇಶನ್‌ನಿಂದ ಡೆಸ್ಕ್‌ ವಿತರಿಸಲಾಗಿದೆ. ತನ್ನ ಕ್ಷೇತ್ರ ಬಿಟ್ಟು ಕುಷ್ಟಗಿಯಲ್ಲಿಸತೀಶ್‌ ಜಾರಕಿಹೊಳಿ ಡೆಸ್ಕ್‌ ವಿತರಣೆ ಮಾಡಿರುವ ಹಿಂದೆ ರಾಜಕೀಯ ಲಾಭದ ಲೆಕ್ಕಾಚಾರ ಇಲ್ಲ ಎಂಬುದನ್ನು ಅಲ್ಲಗಳೆಯುವಂತಿಲ್ಲ. ಇಲ್ಲದಿದ್ದರೇ ಒಂದು ವೇಳೆ ಕುಷ್ಟಗಿ ಕ್ಷೇತ್ರದ ಮೇಲೆ ಜಾರಕಿಹೊಳಿಗೆ ಯಾಕೆ ಹೆಚ್ಚಿನ ಒಲವಿದೆ ಎಂಬ ಪ್ರಶ್ನೆಗಳು ಮೂಡಿವೆ.
ಕುಷ್ಟಗಿಯಲ್ಲಿ ಸಿದ್ದು ಸೇಫ್‌!
ಜಿಲ್ಲೆಯ ಪೈಕಿ ಕೊಪ್ಪಳ ವಿಧಾನಸಭಾ ಕ್ಷೇತ್ರಕ್ಕೆ ಸಿದ್ದು ಬರ್ತಾರೆ ಎನ್ನುವ ಮಾತುಗಳಿದ್ದವು. ಆದರೀಗ ಕೊಪ್ಪಳಕ್ಕಿಂತ ಸಿದ್ದುಗೆ ಕುಷ್ಟಗಿ ಸೇಫ್‌ ಎನ್ನುವ ಲೆಕ್ಕಾಚಾರಗಳಿವೆ. ಇಲ್ಲಿ ಕುರುಬರು ಸೇರಿ ಅಹಿಂದ ವರ್ಗದ ಮತಗಳು ಹೆಚ್ಚಿವೆ. ಜತೆಗೆ ಸಿದ್ದು ಅಭ್ಯರ್ಥಿಯಾದರೇ ಕುಷ್ಟಗಿಯಲ್ಲಿ ಬಿಜೆಪಿ ಅಭ್ಯರ್ಥಿಯಾಗಿರುವ ದೊಡ್ಡನಗೌಡ ಪಾಟೀಲ್‌ ಕೊನೆ ಗಳಿಗೆಯಲ್ಲಿ ಸ್ಪರ್ಧೆಯಿಂದ ಹಿಂದೆ ಸರಿದು ಸಿದ್ದು ಪರ ಕೆಲಸ ಮಾಡಲಿದ್ದಾರೆ ಎಂಬ ಮಾತುಗಳಿವೆ. ಹೀಗಾಗಿ ರಾಜ್ಯದಲ್ಲಿಸಿದ್ದುಗೆ ಕುಷ್ಟಗಿಯೇ ಸೇಫ್‌ ಎನ್ನಲಾಗುತ್ತಿದೆ.
ಅಂದುಕೊಂಡಂತೆ ಸಿದ್ದು ಕುಷ್ಟಗಿ ವಿಧಾನಸಭಾ ಕ್ಷೇತ್ರಕ್ಕೆ ಬಂದರೇ ಕಲ್ಯಾಣ ಕರ್ನಾಟಕದ 22 ಕ್ಷೇತ್ರಗಳಲ್ಲಿ ಕಾಂಗ್ರೆಸ್‌ ಗೆಲುವಿಗೆ ಸಹಕಾರಿಯಾಗಲಿದೆ ಎಂಬ ಲೆಕ್ಕಾಚಾರವೂ ಇದೆ. ಇನ್ನೂ, ಇಲ್ಲಿನ ಹಾಲಿ ಶಾಸಕ ಅಮರೇಗೌಡ ಬಯ್ಯಾಪೂರ್‌, ಸಿದ್ದರಾಮಯ್ಯನವರು ಕುಷ್ಟಗಿಗೆ ಬಂದರೇ ಹೆಚ್ಚಿನ ಮತಗಳ ಅಂತರದಲ್ಲಿಗೆಲ್ಲಿಸಿ ಕೊಡುವೆವು. ಆದರೆ, ಅವರೇ ಈ ಹಿಂದೆಯೇ ನಾನು ಕುಷ್ಟಗಿ ವಿಧಾನಸಭಾ ಕ್ಷೇತ್ರಕ್ಕೆ ಬರುವುದಿಲ್ಲಎಂದಿದ್ದಾರೆ ಎಂದು ಹೇಳಿದ್ದಾರೆ.
ರಾಜ್ಯದಲ್ಲೀಗ ಪ್ರತಿ ಪಕ್ಷದ ನಾಯಕ, ಮಾಜಿ ಸಿಎಂ ಸಿದ್ದರಾಮಯ್ಯ ಎಲ್ಲಿಂದ ಸ್ಪರ್ಧೆ ಮಾಡುತ್ತಾರೆ ಎನ್ನುವುದೇ ದೊಡ್ಡ ಸುದ್ದಿಯಾಗಿದ್ದು ಚರ್ಚೆಗೆ ಗ್ರಾಸ ಒದಗಿಸಿದೆ. ಕೋಲಾರ ಸೇಫ್‌ ಅಲ್ಲಎಂದು ಎಐಸಿಸಿ ವರಿಷ್ಠ ರಾಹುಲ್‌ ಗಾಂಧಿಯವರು ಸಿದ್ದುಗೆ ಹೊಸದಿಲ್ಲಿಯ ಸಭೆಯಲ್ಲಿ ಹೇಳಿದ್ದಾರೆ ಎಂದ ಬಳಿಕ ಮತ್ತೆ ವರುಣಾ ಇಲ್ಲವೇ ಜಿಲ್ಲೆಯ ಕುಷ್ಟಗಿ ವಿಧಾನಸಭಾ ಕ್ಷೇತ್ರದತ್ತ ಸಿದ್ದು ಬರಬಹುದು ಎಂಬ ಲೆಕ್ಕಾಚಾರಗಳು ರಾಜಕೀಯ ವಲಯದಲ್ಲಿ ಶುರುವಾಗಿವೆ.ಮತ್ತೊಮ್ಮೆ ಅಧಿಕಾರಕ್ಕೆ ಬರುವ ಉಮೇದಿನಲ್ಲಿ ಕಾಂಗ್ರೆಸ್‌ ಇದೆ.
ಕುಷ್ಟಗಿಯತ್ತ ಮುಖ?
ಕಳೆದ ತಿಂಗಳು ಕುಷ್ಟಗಿ ಶಾಸಕ ಅಮರೇಗೌಡ ಬಯ್ಯಾಪೂರ ಜನ್ಮ ದಿನಾಚರಣೆ ಅಂಗವಾಗಿ ಕುಷ್ಟಗಿಯಲ್ಲಿಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದ ಸಿದ್ದರಾಮಯ್ಯನವರಿಗೆ ಕುಷ್ಟಗಿ ಕ್ಷೇತ್ರದಲ್ಲಿಸ್ಪರ್ಧೆ ಮಾಡಿ ಎಂದು ಅವರ ಅಭಿಮಾನಿಗಳು, ಹಿತೈಷಿಗಳು, ಸ್ವತಃ ಶಾಸಕ ಬಯ್ಯಾಪೂರ ಬಹಿರಂಗವಾಗಿ ಆಹ್ವಾನ ಮಾಡಿದ್ದರು. ಆದರೆ, ಪ್ರೀತಿಯ ಮನವಿಯನ್ನು ನಯವಾಗಿಯೇ ತಿರಸ್ಕರಿಸಿದ್ದ ಸಿದ್ದು ತಾವು ಕುಷ್ಟಗಿಯಿಂದ ಸ್ಪರ್ಧಿಸುವುದಿಲ್ಲಎಂದು ಹೇಳಿದ್ದರು.
ಆದರೆ, ಸಿದ್ದು ಅತ್ಯಾಪ್ತ ಬಣದಲ್ಲಿರುವ ಸತೀಶ ಜಾರಕಿಹೊಳಿ ಅವರು ಮಾತ್ರ ಪ್ರತಿ ವಾರಕ್ಕೊಮ್ಮೆ ಕುಷ್ಟಗಿ ಕ್ಷೇತ್ರಕ್ಕೆ ಭೇಟಿ ನೀಡಿ ಗಮನ ಸೆಳೆಯುತ್ತಿದ್ದಾರೆ. ಕಳೆದ ಚುನಾವಣೆಯಲ್ಲಿಸಿದ್ದರಾಮಯ್ಯ ಬಾದಾಮಿಯಿಂದ ನಿಂತಾಗ ಅವರ ಗೆಲುವಿಗೆ ಹೆಗಲು ಕೊಟ್ಟು ನಿಂತಿದ್ದರು. ಹೀಗಾಗಿ ಈ ಬಾರಿ ಕೊನೆ ಗಳಿಗೆಯಲ್ಲಿಸಿದ್ದು ಕುಷ್ಟಗಿಗೆ ಬಂದರೂ ಬರಬಹುದು ಎಂಬ ಲೆಕ್ಕಾಚಾರದೊಂದಿಗೆಯೇ ಸಿದ್ದು ಪರ ಸತೀಶ ಜಾರಕಿಹೊಳಿ ಕುಷ್ಟಗಿ ಕ್ಷೇತ್ರದಲ್ಲಿಸೈಲೈಂಟ್‌ ಆಗಿ ಕೆಲಸ ಮಾಡುತ್ತಿದ್ದಾರೆ ಎಂಬ ಮಾತುಗಳು ರಾಜಕೀಯ ವಲಯದಲ್ಲಿವೆ.
ಜಾರಕಿಹೊಳಿಗೆ ಹೆಚ್ಚಿನ ಒಲವು:
ಶನಿವಾರ ಕುಷ್ಟಗಿ ತಾಲೂಕಿನ ತಾವರಗೇರಾದಲ್ಲಿ ಶಾಲಾ ಮಕ್ಕಳಿಗೆ ಸತೀಶ್‌ ಜಾರಕಿಹೊಳಿ ಫೌಂಡೇಶನ್‌ನಿಂದ ಡೆಸ್ಕ್‌ ವಿತರಿಸಲಾಗಿದೆ. ತನ್ನ ಕ್ಷೇತ್ರ ಬಿಟ್ಟು ಕುಷ್ಟಗಿಯಲ್ಲಿಸತೀಶ್‌ ಜಾರಕಿಹೊಳಿ ಡೆಸ್ಕ್‌ ವಿತರಣೆ ಮಾಡಿರುವ ಹಿಂದೆ ರಾಜಕೀಯ ಲಾಭದ ಲೆಕ್ಕಾಚಾರ ಇಲ್ಲ ಎಂಬುದನ್ನು ಅಲ್ಲಗಳೆಯುವಂತಿಲ್ಲ. ಇಲ್ಲದಿದ್ದರೇ ಒಂದು ವೇಳೆ ಕುಷ್ಟಗಿ ಕ್ಷೇತ್ರದ ಮೇಲೆ ಜಾರಕಿಹೊಳಿಗೆ ಯಾಕೆ ಹೆಚ್ಚಿನ ಒಲವಿದೆ ಎಂಬ ಪ್ರಶ್ನೆಗಳು ಮೂಡಿವೆ.
ಕುಷ್ಟಗಿಯಲ್ಲಿ ಸಿದ್ದು ಸೇಫ್‌!
ಜಿಲ್ಲೆಯ ಪೈಕಿ ಕೊಪ್ಪಳ ವಿಧಾನಸಭಾ ಕ್ಷೇತ್ರಕ್ಕೆ ಸಿದ್ದು ಬರ್ತಾರೆ ಎನ್ನುವ ಮಾತುಗಳಿದ್ದವು. ಆದರೀಗ ಕೊಪ್ಪಳಕ್ಕಿಂತ ಸಿದ್ದುಗೆ ಕುಷ್ಟಗಿ ಸೇಫ್‌ ಎನ್ನುವ ಲೆಕ್ಕಾಚಾರಗಳಿವೆ. ಇಲ್ಲಿ ಕುರುಬರು ಸೇರಿ ಅಹಿಂದ ವರ್ಗದ ಮತಗಳು ಹೆಚ್ಚಿವೆ. ಜತೆಗೆ ಸಿದ್ದು ಅಭ್ಯರ್ಥಿಯಾದರೇ ಕುಷ್ಟಗಿಯಲ್ಲಿ ಬಿಜೆಪಿ ಅಭ್ಯರ್ಥಿಯಾಗಿರುವ ದೊಡ್ಡನಗೌಡ ಪಾಟೀಲ್‌ ಕೊನೆ ಗಳಿಗೆಯಲ್ಲಿ ಸ್ಪರ್ಧೆಯಿಂದ ಹಿಂದೆ ಸರಿದು ಸಿದ್ದು ಪರ ಕೆಲಸ ಮಾಡಲಿದ್ದಾರೆ ಎಂಬ ಮಾತುಗಳಿವೆ. ಹೀಗಾಗಿ ರಾಜ್ಯದಲ್ಲಿಸಿದ್ದುಗೆ ಕುಷ್ಟಗಿಯೇ ಸೇಫ್‌ ಎನ್ನಲಾಗುತ್ತಿದೆ.
ಅಂದುಕೊಂಡಂತೆ ಸಿದ್ದು ಕುಷ್ಟಗಿ ವಿಧಾನಸಭಾ ಕ್ಷೇತ್ರಕ್ಕೆ ಬಂದರೇ ಕಲ್ಯಾಣ ಕರ್ನಾಟಕದ 22 ಕ್ಷೇತ್ರಗಳಲ್ಲಿ ಕಾಂಗ್ರೆಸ್‌ ಗೆಲುವಿಗೆ ಸಹಕಾರಿಯಾಗಲಿದೆ ಎಂಬ ಲೆಕ್ಕಾಚಾರವೂ ಇದೆ. ಇನ್ನೂ, ಇಲ್ಲಿನ ಹಾಲಿ ಶಾಸಕ ಅಮರೇಗೌಡ ಬಯ್ಯಾಪೂರ್‌, ಸಿದ್ದರಾಮಯ್ಯನವರು ಕುಷ್ಟಗಿಗೆ ಬಂದರೇ ಹೆಚ್ಚಿನ ಮತಗಳ ಅಂತರದಲ್ಲಿಗೆಲ್ಲಿಸಿ ಕೊಡುವೆವು. ಆದರೆ, ಅವರೇ ಈ ಹಿಂದೆಯೇ ನಾನು ಕುಷ್ಟಗಿ ವಿಧಾನಸಭಾ ಕ್ಷೇತ್ರಕ್ಕೆ ಬರುವುದಿಲ್ಲಎಂದಿದ್ದಾರೆ ಎಂದು ಹೇಳಿದ್ದಾರೆ.