ಮುಖ್ಯಮಂತ್ರಿ ಸಿದ್ದರಾಮಯ್ಯ 20 ಕೋಟಿ ಆಸ್ತಿ ಒಡೆಯ

ಮೈಸೂರು: ಮುಖ್ಯಮಂತ್ರಿ ಸಿದ್ದರಾಮಯ್ಯ ಒಟ್ಟು 20.36 ಕೋಟಿ ರೂ. ವೌಲ್ಯದ ಆಸ್ತಿಯನ್ನು ಹೊಂದಿದ್ದಾರೆ. 2013ರ ಚುನಾವಣೆಯಲ್ಲಿ ಸಿದ್ದರಾಮಯ್ಯ ಅವರು 13.61 ಕೋಟಿ ರೂ. ಆಸ್ತಿ ಘೋಷಣೆ ಮಾಡಿದ್ದರು. ಈ ಬಾರಿಯ ಚುನಾವಣೆಯಲ್ಲಿ ಸಿದ್ದರಾಮಯ್ಯ ಅವರ ಆಸ್ತಿ 6.75 ಕೋಟಿ ರೂ. ಹೆಚ್ಚಾಗಿದೆ.


ಸಿದ್ದರಾಮಯ್ಯ ಅವರು ಚಾಮುಂಡೇಶ್ವರಿ ಕ್ಷೇತ್ರದಿಂದ ಸ್ಪರ್ಧೆ ಮಾಡಲಿದ್ದು ಶುಕ್ರವಾರ ನಾಮಪತ್ರ ಸಲ್ಲಿಸಿದರು. ಈ ಸಂದರ್ಭ ಅವರು 4, 71, 54,358 ರೂ. ಚರಾಸ್ತಿ, 15, 65,00,00 ರೂ. ವೌಲ್ಯದ ಸ್ಥಿರಾಸ್ತಿ, ಜೊತೆಗೆ 4,86,32,239 ರೂ. ಸಾಲ ಹೊಂದಿರುವುದಾಗಿ ಚುನಾವಣಾಧಿಕಾರಿಗಳಿಗೆ ಅಫಿಡವಿಟ್ ಸಲ್ಲಿಸಿದ್ದಾರೆ.

ಸಿದ್ದರಾಮಯ್ಯ ಅವರ ಬಳಿ ಇರುವ ನಗದು 2 ಲಕ್ಷ ರೂ. ಪತ್ನಿ ಹೆಸರಿನಲ್ಲಿ 15,000 ರೂ., ಅವಲಂಬಿತರ ಹೆಸರಿನಲ್ಲಿ 5 ಲಕ್ಷ ರೂ. ಇದೆ. ಸಿದ್ದರಾಮಯ್ಯ ಅವರ ಬಳಿ ಬ್ಯಾಂಕ್‌ನಲ್ಲಿರುವ ಡಿಪಾಸಿಟ್ 43,78,149 ರೂ. ಪತ್ನಿ ಬಳಿ ಇರುವ ಡಿಪಾಸಿಟ್ 5,98,766 ರೂ. ಅವಲಂಬಿತರ ಡಿಪಾಸಿಟ್ ಹಣ 1,02,728 ರೂ. ಆಗಿದೆ. ಜೊತೆಗೆ ಪತ್ನಿ ಹೆಸರಿನಲ್ಲಿರುವ ಎಫ್‌ಡಿ 12, 41,093 ರೂ. ಇದೆ.

ಪತ್ನಿ ಹೆಸರಿನಲ್ಲಿ ಇರುವ ಜೀವವಿಮೆ 4,02,008 ರೂ. ಆಗಿದೆ. ಸಿದ್ದರಾಮಯ್ಯ ಅವರು ಪತ್ನಿ ಪಾರ್ವತಿ ಅವರಿಗೆ 2, 26,15,011 ರೂ. ಸಾಲ, ಡಾ.ಯತೀಂದ್ರ ಸಿದ್ದರಾಮಯ್ಯ ಅವರಿಗೆ 78,000 ರೂ. ಸಾಲ ನೀಡಿದ್ದಾರೆ. ಸಿದ್ದರಾಮಯ್ಯ ಅವರ ಬಳಿ 13, 43, 420 ರೂ. ವೌಲ್ಯದ ಟೊಯೊಟಾ ಇನ್ನೋವಾ ಕಾರು ಇದೆ.

ಉಳಿದಂತೆ ಸಿದ್ದರಾಮಯ್ಯ ಅವರು 10. 50 ಲಕ್ಷ ರೂ. ವೌಲ್ಯದ 350 ಗ್ರಾಂ ಚಿನ್ನ, 90 ಸಾವಿರ ರೂ. ವೌಲ್ಯದ 2 ಕೆಜಿ ಬೆಳ್ಳಿ ಹೊಂದಿದ್ದಾರೆ. ಪತ್ನಿ ಬಳಿ 16, 20,000 ರೂ. ವೌಲ್ಯದ 540 ಗ್ರಾಂ ಚಿನ್ನ, 2,02,500 ರೂ. ಬೆಲೆಯ 4.5 ಕೆಜಿ ಬೆಳ್ಳಿ ಪತ್ನಿಯ ಬಳಿ ಇದೆ. ಅವಲಂಬಿತರ ಬಳಿ 18, 30,000 ರೂ, ವೌಲ್ಯದ 610 ಗ್ರಾಂ ಚಿನ್ನ, 2,13,750 ರೂ. ವೌಲ್ಯದ 5.750 ಕೆಜಿ ಬೆಳ್ಳಿ ಇದೆ.

ಸಿದ್ದರಾಮಯ್ಯ ಅವರ ಬಳಿ 3,90,52, 440 ರೂ. ನಗದು, ಚಿನ್ನ, ಪತ್ನಿ ಬಳಿ 40, 79, 277 ರೂ. ನಗದು ಮತ್ತು ಚಿನ್ನ, ಅವಲಂಬಿತರ ಬಳಿ 40, 22, 641 ರೂ. ನಗದು ಮತ್ತು ವೌಲ್ಯದ ಚಿನ್ನಾಭರಣಗಳಿವೆ.

ಸಿದ್ದರಾಮಯ್ಯ ಹೆಸರಿನಲ್ಲಿ 10 ಲಕ್ಷ ರೂ. ವೌಲ್ಯದ 4 ಎಕರೆ 4 ಗುಂಟೆ ಜಾಗ ಇದೆ. ಕರ್ಮಷಿಯಲ್ ಬಿಲ್ಡಿಂಗ್ ಸೇರಿ 7. 30 ಕೋಟಿ ರೂ. ವೌಲ್ಯದ ಆಸ್ತಿ, ಪತ್ನಿ ಹೆಸರಿನಲ್ಲಿ 7. 20 ಕೋಟಿ ರೂ ವೌಲ್ಯದ ಆಸ್ತಿ, ಅವಲಂಬಿತರ ಹೆಸರಿನಲ್ಲಿ 1.15 ಕೋಟಿ ರೂ. ವೌಲ್ಯದ ಆಸ್ತಿ ಇದೆ.

ಸಿದ್ದರಾಮಯ್ಯ ಸಾಲ 2,59,67,250 ರೂ.ಆಗಿದೆ. ಪತ್ನಿ 2,26, 15, 011 ರೂ. ಸಾಲ ಹೊಂದಿದ್ದಾರೆ. ಸಿದ್ದರಾಮಯ್ಯ ವಿರುದ್ಧ ನ್ಯಾಯಾಲಯದಲ್ಲಿ ಮೊಕದ್ದಮೆ, ಯಾವುದೇ ಎಫ್‌ಐಆರ್ ದಾಖಲಾಗಿಲ್ಲ.