ಜೆಡಿಎಸ್‌ ಜತೆ ಮೈತ್ರಿ: ಕಹಿ ನುಂಗಿಕೊಂಡಿದ್ದೇನೆ ಎಂದ ಡಿಕೆಶಿ

ಬೆಂಗಳೂರು: ಜೆಡಿಎಸ್ ಜತೆಗಿನ ಮೈತ್ರಿ ಸಂಬಂಧ ಕಾಂಗ್ರೆಸ್ ನಾಯಕ ಡಿ.ಕೆ. ಶಿವಕುಮಾರ್ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.

ರಾಜ್ಯದಲ್ಲಿ ಜಾತ್ಯತೀತ ಸರಕಾರ ಇರಬೇಕೆಂಬ ಸದಾಶಯದಿಂದ ಎಐಸಿಸಿ ಅಧ್ಯಕ್ಷ ರಾಹುಲ್ ಗಾಂಧಿ ಅವರು ಮೈತ್ರಿ ನಿರ್ಣಯ ಕೈಗೊಂಡಿದ್ದಾರೆ ಎಂದು ಅವರು ತಿಳಿಸಿದ್ದಾರೆ.


ಆದರೆ, 1980ರ ದಶಕದಿಂದಲೂ ಗೌಡರ ಜತೆ ಸೆಣಸಾಡುತ್ತಿದ್ದೇನೆ. ಕೆಲವೊಮ್ಮೆ ಸೋತಿದ್ದರೆ, ಇನ್ನೂ ಕೆಲವೊಮ್ಮೆ ಗೆದ್ದಿದ್ದೇನೆ. ಪರಸ್ಪರ ಎಷ್ಟೇ ರಾಜಕೀಯ ದ್ವೇಷವಿದ್ದರೂ, ದೇಶ ಹಾಗೂ ಪಕ್ಷದ ಹಿತಾಸಕ್ತಿಯಿಂದ ಮೈತ್ರಿಯ ಕಹಿಯನ್ನು ನುಂಗಿಕೊಂಡಿದ್ದೇನೆ. ಇದು ನನ್ನ ಕರ್ತವ್ಯ' ಎಂದು ಸುದ್ದಿಸಂಸ್ಥೆಗೆ ನೀಡಿದ ಸಂದರ್ಶನದಲ್ಲಿ ಡಿಕೆಶಿ ಹೇಳಿಕೊಂಡಿದ್ದಾರೆ.