ಗಾಂಧಿನಗರದಲ್ಲಿ ದಿನೇಶ್‌ ಗುಂಡೂರಾವ್‌ಗೆ ಸೋಲು : ವಿಕ ಓದುಗರ ಅಭಿಮತ

ಬೆಂಗಳೂರು: ಸ್ಯಾಂಡಲ್‌ವುಡ್‌ ತಾಣ ಗಾಂಧಿನಗರದಲ್ಲಿ ಬಿಜೆಪಿ ಅಭ್ಯರ್ಥಿ ಸಪ್ತಗಿರಿ ಗೌಡ ಅವರಿಗೆ ಅಣ್ಣಮ್ಮ ದೇವಿ ಹರಸುತ್ತಾಳೆ ಎಂದು ವಿಕ ಓದುಗರು ಅಭಿಪ್ರಾಯಿಸಿದ್ದಾರೆ.

'ಸ್ಯಾಂಡಲ್‌ವುಡ್‌ ತಾಣ ಗಾಂಧಿನಗರದಲ್ಲಿ ಗೆಲ್ಲೋದ್‌ ಯಾರು?' ಎಂಬ ಪ್ರಶ್ನೆಯೊಂದಿಗೆ ಗುರುವಾರ ಸಂಜೆ 5 ಗಂಟೆಯಿಂದ 6 ಗಂಟೆಯ ವರೆಗೆ ನಡೆಸಲಾದ ಫೇಸ್‌ಬುಕ್‌ ಲೈವ್‌ನಲ್ಲಿ 1000 ಮಂದಿ ಪ್ರತಿಕ್ರಿಯಿಸಿದ್ದು, 369 ಮಂದಿ ವಾವ್‌ ಇಮೋಜಿ ಕ್ಲಿಕ್‌ ಮಾಡುವ ಮೂಲಕ ಬಿಜೆಪಿ ಅಭ್ಯರ್ಥಿ ಸಪ್ತಗಿರಿ ಗೌಡ ಗೆಲ್ಲುತ್ತಾರೆ ಎಂದಿದ್ದಾರೆ.


ಜೆಡಿಎಸ್‌ ಅಭ್ಯರ್ಥಿ ಪರ 319 ಹ್ಹ ಹ್ಹ ಹ್ಹ ಇಮೋಜಿಗಳು ವ್ಯಕ್ತವಾಗಿದ್ದು, ರನ್ನರ್‌ಅಪ್‌ ಆಗಲಿದ್ದಾರೆ ಎಂದಿದ್ದಾರೆ. ಇನ್ನು ಹಾಲಿ ಶಾಸಕ ದಿನೇಶ್‌ ಗುಂಡೂರಾವ್‌ ಪರ ನೀರಸ ಪ್ರತಿಕ್ರಿಯೆ ವ್ಯಕ್ತವಾಗಿದ್ದು, ಕೇವಲ 270 ಲವ್‌ ಇಮೋಜಿಗಳು ಬಂದಿವೆ.

ಕಳೆದ ನಾಲ್ಕು ಚುನಾವಣೆಗಳಲ್ಲಿ ಮೇಲುಗೈ ಸಾಧಿಸಿರುವ ಕಾಂಗ್ರೆಸ್‌ಗೆ ಈ ಬಾರಿ ಅಣ್ಣಮ್ಮ ದೇವಿ ಕೈ ಕೊಡುತ್ತಾಳಾ? ಸತತ ಗೆಲುವಿಗೆ ಸಪ್ತಗಿರಿಗೌಡ ಬ್ರೇಕ್‌ ಹಾಕುತ್ತಾರಾ? ಇವರಿಬ್ಬರಿಗೆ ಪೈಪೋಟಿ ನೀಡುತ್ತಿರುವ ವಿ.ನಾರಾಯಣಸ್ವಾಮಿ ಗೆಲುವು ಸಾಧಿಸುತ್ತಾರಾ? ಎಂದು ತಿಳಿಯಲು ಮೇ 15 ಚುನಾವಣೆ ಫಲಿತಾಂಶ ಪ್ರಕಟಗೊಳ್ಳಬೇಕಷ್ಟೇ.