ಬಿಎಸ್‌ವೈಗೆ ನಿಮ್ಮ ಬಗ್ಗೆ ಸಾಫ್ಟ್‌ ಕಾರ್ನರ್‌: ಮಹತ್ವ ನೀಡಬೇಕಿಲ್ಲ ಎಂದ ಸಿದ್ದು

ಬೆಂಗಳೂರು: ಯಡಿಯೂರಪ್ಪನವರಿಗೆ ಸಿದ್ದರಾಮಯ್ಯ ಮೇಲೆ ಸಾಫ್ಟ್ ಕಾರ್ನರ್ ವಿಚಾರಕ್ಕೆ ಪ್ರತಿಕ್ರಿಯಿಸಿದ ಮಾಜಿ ಸಿಎಂ ಸಿದ್ದರಾಮಯ್ಯ, ಅವರು ರಾಜಕೀಯವಾಗಿ ಮಾತನಾಡಿದ್ದಾರೆ. ಅದೆಲ್ಲಾ ಮಾಮೂಲು, ಅದಕ್ಕೆ ಮಹತ್ವ ಕೊಡುವುದು ಬೇಡ ಎಂದು ಹೇಳಿದರು.

ಸುರೇಶ್‌ ಕುಮಾರ್‌ ಅವರು ಸ್ಪೀಕರ್‌ ಸ್ಥಾನಕ್ಕೆ ನಾಮಪತ್ರ ಸಲ್ಲಿಸುವ ವೇಳೆ ಬಿಜೆಪಿಯ ಬಳಿ ಸಂಖ್ಯಾಬಲವಿದೆ ಎಂದು ಹೇಳಿರುವುದಕ್ಕೆ ಪ್ರತ್ಯುತ್ತರ ನೀಡಿದ ಸಿದ್ದರಾಮಯ್ಯ, ಯಡಿಯೂರಪ್ಪನವರು ಬಹುಮತ ಸಾಬೀತು ಮಾಡಲಾಗದೆ ರಾಜೀನಾಮೆ ನೀಡಿದ್ದಾರೆ. ಇವರ ಬಳಿ ಏನೂ ಇಲ್ಲ ಎಂದರು.

ರಮೇಶ್‌ ಕುಮಾರ್‌ ಒಮ್ಮತದ ಅಭ್ಯರ್ಥಿ, ಇವರ ಗೆಲುವು ಖಚಿತ. ಬಿಜೆಪಿಯವರು ನಾಮಪತ್ರ ವಾಪಸ್ ಪಡೆಯುತ್ತಾರೆ ಎಂದುಕೊಂಡಿದ್ದೇವೆ. ರಮೇಶ್‌ಕುಮಾರ್‌ಗೆ ಸಭಾಧ್ಯಕ್ಷರಾಗಿ ಅನುಭವ ಇದೆ. ಕಾನೂನು ಜ್ಞಾನವಿದೆ. ಐದು ವರ್ಷ ಸಮ್ಮಿಶ್ರ ಸರಕಾರನ್ನು ಚೆನ್ನಾಗಿ ನಡೆಸುತ್ತಾರೆ ಎನ್ನುವ ವಿಶ್ವಾಸವಿದೆ ಎಂದು ಸಿದ್ದರಾಮಯ್ಯ ಹೇಳಿದರು.