ಮಹಾರಾಷ್ಟ್ರ ಮತ್ತು ಹರಿಯಾಣ ಮಹಾ ಸಮರದಲ್ಲಿ ಯಾರಿಗೆ ಜಯ?

ಹೊಸದಿಲ್ಲಿ: ಬಹು ನಿರೀಕ್ಷಿತ ಮಹಾರಾಷ್ಟ್ರ ಮತ್ತು ಹರಿಯಾಣ ವಿಧಾನಸಭಾ ಚುನಾವಣೆಯಲ್ಲಿ ಯಾರಿಗೆ ಬಹುಮತ ಸಿಗಲಿದೆ ಎಂಬುದು ಸಾಕಷ್ಟು ಕುತೂಹಲಕ್ಕೆ ಕಾರಣವಾಗಿದೆ.

ಕೊನೆ ಕ್ಷಣದಲ್ಲಿ ರದ್ದಾಯ್ತು ಸೋನಿಯಾ ಹರಿಯಾಣ ರ‍್ಯಾಲಿ, ಟ್ವೀಟ್ ಅಳಿಸಿದ ಕಾಂಗ್ರೆಸ್

ಮಹಾರಾಷ್ಟ್ರದಲ್ಲಿ 288 ಕ್ಷೇತ್ರಗಳ ಪೈಕಿ ಬಿಜೆಪಿ ಹಾಗೂ ಶಿವಸೇನೆ ಒಳಗೊಂಡ ಎನ್‌ಡಿಎ ಮೈತ್ರಿಕೂಟದ ಪರ ಮತದಾರರು ಒಲವು ವ್ಯಕ್ತಪಡಿಸುತ್ತಾರಾ ಕಾದು ನೋಡಬೇಕು.

ಹರಿಯಾಣದ 90 ಕ್ಷೇತ್ರಗಳ ಪೈಕಿ ಬಿಜೆಪಿ ಹಾಗೂ ಕಾಂಗ್ರೆಸ್‌ ಎಷ್ಟು ಸ್ಥಾನಗಳನ್ನು ಹಂಚಿಕೊಳ್ಳಲಿದೆ ಎಂಬುದು ನಿಗೂಢವಾಗಿದೆ.

ಮತದಾನೋತ್ತರ ಸಮೀಕ್ಷೆಗೆ ಪೂರ್ಣ ನಿರ್ಬಂಧ ಹೇರಿದ ಚುನಾವಣಾ ಆಯೋಗ

ಪ್ರತಿಪಕ್ಷಗಳಿಗೆ ಪ್ರಧಾನಿ ಸವಾಲು: ಮಹಾರಾಷ್ಟ್ರದಲ್ಲಿ ಪ್ರಚಾರ ಕಣಕ್ಕಿಳಿದ ಮೋದಿ

ಲೋಕಸಮರ ಫಲಿತಾಂಶಕ್ಕೆ ಸಾಮ್ಯತೆ
2004, 2009 ಮತ್ತು 2014ರಲ್ಲೂ ಸಹ ಈಗಿನಂತೆಯೇ ಲೋಕಸಭಾ ಚುನಾವಣೆಯ ಬೆನ್ನಲ್ಲೇ ಮಹಾರಾಷ್ಟ್ರ­ದಲ್ಲಿ ವಿಧಾನಸಭಾ ಚುನಾವಣೆ ನಡೆದಿತ್ತು. ವಿಶೇಷವೆಂದರೆ, ಪ್ರತಿಬಾರಿಯೂ ಮಹಾರಾಷ್ಟ್ರ ವಿಧಾನಸಭೆ ಮತಸಮರದ ಫಲಿತಾಂಶವು ಲೋಕಸಮರದ ಫಲಿತಾಂಶದ ಬಹುತೇಕ ಸಾಮ್ಯತೆ ಹೊಂದಿರುವುದನ್ನು ಕಾಣ­ಬಹುದು. ಈ ಬಾರಿಯೂ ಇದು ಪುನರಾವರ್ತನೆಯಾಗುವ ಎಲ್ಲಾ ಸಾಧ್ಯತೆಗಳಿವೆ.

ಉಮರ್ ಖಾಲಿದ್ ಹತ್ಯೆ ಯತ್ನದ ಆರೋಪಿ ಹರಿಯಾಣ ವಿಧಾನಸಭಾ ಚುನಾವಣೆಗೆ ಶಿವಸೇನಾ ಅಭ್ಯರ್ಥಿ

ಫಡ್ನವಿಸ್, ಖಟ್ಟರ್ ನಾಯಕತ್ವಕ್ಕೇ ಒಲವು: ಚುನಾವಣೆ ಘೋಷಣೆಯಾಗುತ್ತಿದ್ದಂತೆ ನಡೆದ ಸಮೀಕ್ಷೆಯೊಂದರ ವರದಿಗಳು ಹಾಲಿ ಮುಖ್ಯಮಂತ್ರಿಗಳ ಬಗ್ಗೆ ಜನರ ಒಲವು ಇರುವುದಾಗಿ ದೃಢಪಡಿಸಿತ್ತು.

ಮಹಾರಾಷ್ಟ್ರದಲ್ಲಿ ಹಾಲಿ ಸಿಎಂ ದೇವೇಂದ್ರ ಫಡ್ನವಿಸ್‌ ಅವರೇ ಮತ್ತೊಮ್ಮೆ ಸರಕಾರದ ಸಾರಥ್ಯ ವಹಿಸ­ಬೇಕೆಂದು 37% ಜನರು ಒಲವು ತೋರಿದ್ದಾರೆ. 5% ಜನರು ಉದ್ಧವ್‌ ಠಾಕ್ರೆ ಸಿಎಂ ಆಗಬೇಕೆಂದು ಅಭಿಪ್ರಾಯಪಟ್ಟಿದ್ದಾರೆ. ಹರಿಯಾಣದಲ್ಲಿ ಹಾಲಿ ಸಿಎಂ ಮನೋಹರ್‌ ಲಾಲ್‌ ಖಟ್ಟರ್‌ ಅವರೇ ಮತ್ತೆ ಸಿಎಂ ಆಗಬೇಕೆಂದು 40% ಜನರು ಅಭಿಪ್ರಾಯಪಟ್ಟಿದ್ದಾರೆ. ಮಾಜಿ ಸಿಎಂ ಹಾಗೂ ಕಾಂಗ್ರೆಸ್‌ ನಾಯಕ ಭೂಪಿಂದರ್‌ ಸಿಂಗ್‌ ಬಗ್ಗೆ 20% ಜನರು, ಜನನಾಯಕ ಜನತಾ ಪಕ್ಷದ ಮುಖಂಡ ದುಷ್ಯಂತ್‌ ಸಿಂಗ್‌ ಚೌತಾಲಾ ಬಗ್ಗೆ 14% ಜನ ಒಲವು ವ್ಯಕ್ತಪಡಿಸಿದ್ದಾರೆ.