Exit Poll Results: ಮಹಾರಾಷ್ಟ್ರ, ಹರಿಯಾಣದ ಎಲ್ಲ ಸಮೀಕ್ಷೆಗಳಲ್ಲೂ ಬಿಜೆಪಿಗೆ ಸ್ಪಷ್ಟ ಬಹುಮತ

ಹೊಸದಿಲ್ಲಿ: ಲೋಕಸಭಾ ಚುನಾವಣೆಯಲ್ಲಿ ಅಭೂತಪೂರ್ವ ಯಶಸ್ಸು ಗಳಿಸಿ ಎರಡನೇ ಬಾರಿಗೆ ಅಧಿಕಾರದ ಚುಕ್ಕಾಣಿ ಹಿಡಿದಿರುವ ಬಿಜೆಪಿ ನೇತೃತ್ವದ ಎನ್‌ಡಿಎ ಮೈತ್ರಿಕೂಟ ಈಗ ಮತ್ತೆರಡು ರಾಜ್ಯದ ವಿಧಾನಸಭಾ ಚುನಾವಣೆಯಲ್ಲೂ ಮೋಡಿ ಮಾಡುವ ನಿರೀಕ್ಷೆ ಇದೆ.

ಮಹಾರಾಷ್ಟ್ರ ಮತ್ತು ಹರಿಯಾಣ ವಿಧಾನಸಭೆ ಚುನಾವಣೆಗೆ ಸೋಮವಾರ ಮತದಾನ ಪೂರ್ಣಗೊಂಡಿದೆ. ಯಾರಿಗೆ ಬಹುಮತ ಸಿಗಲಿದೆ ಎಂಬ ಅಂದಾಜು ಮತಗಟ್ಟೆ ಸಮೀಕ್ಷಾ ವರದಿಗಳಿಂದ ಲಭ್ಯವಾಗಿದೆ.

ಬಹುತೇಕ ಎಲ್ಲ ಸಮೀಕ್ಷೆಗಳು ಕೂಡ ಕೇಸರಿ ಪಕ್ಷದ ಪರವಾಗಿಯೇ ಬಂದಿದೆ.

ಅಚ್ಚರಿ ಎಂದರೆ ಎರಡೂ ರಾಜ್ಯದಲ್ಲಿ ಬಿಜೆಪಿ ಭಾರಿ ಬಹುಮತದೊಂದಿಗೆ ಅಧಿಕಾರಕ್ಕೇರಲಿದೆ ಎಂದು ಸಮೀಕ್ಷಾ ವರದಿಗಳಿಂದ ತಿಳಿದುಬಂದಿದೆ.

ಮಹಾರಾಷ್ಟ್ರದಲ್ಲಿ ಒಟ್ಟು 288 ವಿಧಾನಸಭಾ ಕ್ಷೇತ್ರಗಳ ಪೈಕಿ ಬಿಜೆಪಿ ಮತ್ತು ಶಿವಸೇನೆ ಮೈತ್ರಿಕೂಟ 200ಕ್ಕೂ ಹೆಚ್ಚು ಸ್ಥಾನದಲ್ಲಿ ಜಯ ಗಳಿಸಲಿದೆ ಎಂದು ಸಮೀಕ್ಷಾ ಫಲಿತಾಂಶ ಹೇಳಿದೆ.

ಹರಿಯಾಣದಲ್ಲಿ ಬಿಜೆಪಿ ಮೈತ್ರಿ ಕೂಟಕ್ಕೆ 60ಕ್ಕೂ ಹೆಚ್ಚು ಸ್ಥಾನ ದಕ್ಕುವುದು ಪಕ್ಕಾ ಎಂದು ಸಮೀಕ್ಷಾ ವರದಿಗಳು ನಿಖರ ಮಾಹಿತಿ ನೀಡಿವೆ.

ವಿಜಯ ಕರ್ನಾಟಕ ಸೋದರ ಸಂಸ್ಥೆ ಟೈಮ್ಸ್ ನೌ ಇಡೀ ಸಮೀಕ್ಷೆಗಳ ಸರಾಸರಿ ಮಾಡಿ ಫಲಿತಾಂಶ ನೀಡಿದ್ದು, ಇದರ ಮಹಾರಾಷ್ಟ್ರದಲ್ಲಿ ಬಿಜೆಪಿಗೆ 213 ಸ್ಥಾನ, ಕಾಂಗ್ರೆಸ್‌ಗೆ 61 ಹಾಗೂ ಇತರರಿಗೆ 14 ಸ್ಥಾನ ದೊರೆಯಲಿದೆ.

ಹರಿಯಾಣದಲ್ಲಿ ಬಿಜೆಪಿಗೆ 66, ಕಾಂಗ್ರೆಸ್‌ಗೆ 13, ಇತರರಿಗೆ 11 ಸ್ಥಾನ ಲಭ್ಯವಾಗಲಿದೆ.

ಮಹಾರಾಷ್ಟ್ರ, ಹರಿಯಾಣ ವಿಧಾನಸಭಾ ಚುನಾವಣೆ ಸಮೀಕ್ಷಾ ವರದಿಗಳು ಇಂತಿವೆ.

ಮಹಾರಾಷ್ಟ್ರ (288, ಬಹುಮತಕ್ಕೆ 145)

ಟೈಮ್ಸ್‌ ನೌ
ಬಿಜೆಪಿ: 130, ಶಿವಸೇನೆ: 100, ಕಾಂಗ್ರೆಸ್‌: 28, ಎನ್‌ಸಿಪಿ: 20, ಇತರ: 10

ಎಬಿಪಿ, ಸಿ ವೋಟರ್‌
ಬಿಜೆಪಿ:150, ಶಿವಸೇನೆ:54, ಕಾಂಗ್ರೆಸ್‌:40, ಎನ್‌ಸಿಪಿ:29, ಇತರ:15

ಸಿಎನ್‌ಎನ್‌ ನ್ಯೂಸ್‌ 18, ಐಪಿಎಸ್‌ಒಎಸ್‌
ಬಿಜೆಪಿ-141, ಶಿವಸೇನೆ:63, ಕಾಂಗ್ರೆಸ್‌:21, ಎನ್‌ಸಿಪಿ:20, ಇತರೆ:4

ಇಂಡಿಯಾ ಟುಡೇ-ಆಕ್ಸಿಸ್‌
ಬಿಜೆಪಿ:100, ಶಿವಸೇನೆ:66, ಕಾಂಗ್ರೆಸ್‌:48, ಎನ್‌ಸಿಪಿ:40, ಇತರ:34

ಜನ್ ಕಿ ಬಾತ್
ಬಿಜೆಪಿ: 135, ಶಿವಸೇನೆ:81, ಎನ್‌ಸಿಪಿ:41, ಕಾಂಗ್ರೆಸ್‌:24, ಇತರ:7

ಹರಿಯಾಣ (90, ಬಹುಮತಕ್ಕೆ 46)

ಟೈಮ್ಸ್‌ ನೌ
ಬಿಜೆಪಿ-71, ಕಾಂಗ್ರೆಸ್‌ - 11, ಇತರ-8

ನ್ಯೂಸ್‌ ಎಕ್ಸ್‌
ಬಿಜೆಪಿ: 77, ಕಾಂಗ್ರೆಸ್‌: 11, ಇತರ:2

ಜನ್‌ ಕಿ ಬಾತ್‌
ಬಿಜೆಪಿ: 52, ಕಾಂಗ್ರೆಸ್‌ 19, ಇತರ:9, ಜೆಜೆಪಿ:9, ಐಎನ್‌ಎಲ್‌ಡಿ:1

ಭಾರತ್‌ವರ್ಷ್‌
ಬಿಜೆಪಿ:47, ಕಾಂಗ್ರೆಸ್‌:23, ಇತರ:20