ಮೈಕ್‌ ಮುಂದೆ ಟವಲ್‌ ಹಿಡಿದುಕೊಂಡು ಅಳಬೇಕಾ: ಕುಮಾರಸ್ವಾಮಿಗೆ ಟಾಂಗ್‌ ಕೊಟ್ಟ ರೆಬೆಲ್‌ ಪುತ್ರ ಅಭಿಷೇಕ್‌

ಮಂಡ್ಯ: ಮೈಕ್‌ ಮುಂದೆ ಟವಲ್‌ ಹಿಡಿದುಕೊಂಡು ಅಳುವಂಥ ಜನರು ನಾವಲ್ಲ. ಈ ರೀತಿ ಮಾಡುವ ಅಗತ್ಯವೂ ನಮಗಿಲ್ಲ ಎಂದು ರೆಬೆಲ್‌ ಸ್ಟಾರ್‌ ಅಂಬರೀಷ್‌ ಪುತ್ರ ಅಭಿಷೇಕ್‌ ಟಾಂಗ್ ಕೊಟ್ಟಿದ್ದಾರೆ.

ಸುಮಲತಾ ಮುಖದಲ್ಲಿ ಅಂಬಿ ಸಾವಿನ ನೋವಿನ ಛಾಯೆ ಕಾಣುತ್ತಿಲ್ಲ ಎಂದು ಕುಮಾರಸ್ವಾಮಿ ಲೇವಡಿ ಮಾಡಿದ್ದಕ್ಕೆ ಅಭಿಷೇಕ್‌ ಅಂಬರೀಷ್‌ ನೇರವಾಗಿ ಟಾಂಗ್‌ ಕೊಟ್ಟರು.

ಅವರೆಲ್ಲರೂ ನಾಟಕ ಮಾಡಿ ಮೈಕ್‌ ಮುಂದೆ ಕಣ್ಣೀರು ಸುರಿಸುತ್ತಾರೆ. ಈ ರೀತಿಯ ಆಟ ನಮಗೆ ಬರುವುದಿಲ್ಲ. ಈ ರೀತಿಯ ಡವ್‌ಗಳು ನಮಗೆ ಬರೋದಿಲ್ಲ ಎಂದು ರೆಬೆಲ್‌ಸ್ಟಾರ್‌ ಶೈಲಿಯಲ್ಲಿಯೇ ಅಭಿಷೇಕ್‌ ತಿರುಗೇಟು ನೀಡಿದರು.

ಮೈಕ್‌ ಹಿಡಿದು ಟವಲ್‌ ಹಿಡಿದು ಕಣ್ಣೀರು ಹಾಕುವುದು ಕೆಲವು ಕುಟುಂಬದವರ ಸಂಸ್ಕೃತಿಯಾಗಿದೆ. ಅದು ನಮಗೆ ಬರೋದಿಲ್ಲ. ಸುಮ್ಮನೆ ನಾಟಕ ಆಡುವುದು ನಮ್ಮ ಕುಟುಂಬದ ಯಾರಿಗೂ ಬಂದಿಲ್ಲ, ಬರೋದು ಇಲ್ಲ ಎಂದು ಅಭಿಷೇಕ್‌ ತಿಳಿಸಿದರು.