ಮತಯಂತ್ರದ ಕಂಟ್ರೋಲ್ ಜಖಂಗೊಳಿಸಿದ ಕಾಂಗ್ರೆಸ್ ಏಜೆಂಟ್

ಯಾದಗಿರಿ: ಲೋಕಸಭೆ ಚುನಾವಣೆಯ ಮೂರನೇ ಹಂತದ ಮತದಾನ ದೇಶದೆಲ್ಲೆಡೆ ನಡೆದಿದ್ದು, ಹಲವೆಡೆ ಸಣ್ಣಪುಟ್ಟ ಘಟನೆ ಹೊರತುಪಡಿಸಿ ಬಹುತೇಕ ಶಾಂತಿಯುತವಾಗಿ ನಡೆದಿದೆ.

ಆದರೆ ಯಾದಗಿರಿಯಲ್ಲಿ ಮತದಾನ ಕೇಂದ್ರದೊಳಗಿದ್ದ ಕಾಂಗ್ರೆಸ್ ಏಜೆಂಟ್ ಎಲೆಕ್ಟ್ರಾನಿಕ್ ಮತಯಂತ್ರದ ಕಂಟ್ರೋಲ್ ಯುನಿಟ್ ಅನ್ನೇ ಜಖಂಗೊಳಿಸಿದ್ದಾನೆ.

ಕಾಂಗ್ರೆಸ್ ಎಜೇಂಟ್ ಗುರುನಾಥನಿಂದ ಮತಗಟ್ಟೆ ಕೇಂದ್ರದಲ್ಲಿಯೇ Evm ಯಂತ್ರದ ಕಂಟ್ರೋಲ್ ಯುನಿಟ್ ಜಖಂಗೊಂಡಿದೆ. ಇದರಿಂದ ಕೆಲ ಕಾಲ ಮತದಾನ ಸ್ಥಗಿತಗೊಂಡಿತ್ತು.


ಯಾದಗಿರಿ ಜಿಲ್ಲೆಯ ಸುರಪುರ ತಾಲೂಕಿನ ಕರಿಬಾವಿ ಗ್ರಾಮದ ಮತಗಟ್ಟೆ ಕೇಂದ್ರ 31 ರಲ್ಲಿ ಘಟನೆ ನಡೆದಿದ್ದು ಮತಗಟ್ಟೆ ಕೇಂದ್ರದಲ್ಲಿ ಬಿಜೆಪಿ ಕಾರ್ಯಕರ್ತರು ಬಿಜೆಪಿ ಪರ ಮತ ಹಾಕು ಎಂದು ಹೇಳುತ್ತಿದ್ದಕ್ಕೆ ಕೋಪಗೊಂಡು ಕಾಂಗ್ರೆಸ್ ಏಜೆಂಟ್ ಗುರುನಾಥ್ ಈ ಕೃತ್ಯ ಎಸಗಿದ್ದಾನೆ.

ಕೆಲ ಗಂಟೆ ನಂತರ ಹೊಸ ಕಂಟ್ರೋಲ್ ಯುನಿಟ್ ಅಳವಡಿಸಿದ್ದು, ನಂತರ ಮತದಾನ ಮುಂದುವರಿದಿದೆ. ಸ್ಥಳಕ್ಕೆ ಸುರಪುರ ಪೊಲೀಸರ ಭೇಟಿ,
ಪರಿಶೀಲನೆ ನಡೆಸಿದ್ದು, ಏಜೆಂಟ್‌ನನ್ನು ವಶಕ್ಕೆ ಪಡೆದಿದ್ದಾರೆ.