ಅರ್ಥಶಾಸ್ತ್ರದ ಗಂಧ ಗಾಳಿ ಗೊತ್ತಿಲ್ಲದ ರಾಹುಲ್‌: ಗೋವಿಂದ ಕಾರಜೋಳ

ಕಲಬುರಗಿ: ಅರ್ಥಶಾಸ್ತ್ರ ಗಂಧ ಗೊತ್ತಿಲ್ಲದ ರಾಹುಲ್ ಗಾಂಧಿ ವಾರ್ಷಿಕ 72000 ರೂ. ಕೊಡುತೀವಿ ಅಂತಿದ್ದಾರೆ. ಅದು ಹೇಗೆ ಸಾಧ್ಯ. ಬಜೆಟ್‌ಗಿಂತ ಹೆಚ್ಚುವರಿ ಮೊತ್ತ ಇದಕ್ಕಾಗಿ ಬೇಕಾಗುತ್ತದೆ ಎಂದು ಬಿಜೆಪಿ ನಾಯಕ ಗೋವಿಂದ ಕಾರಜೋಳ ಟೀಕಿಸಿದ್ದಾರೆ.

ಕಲಬುರಗಿಯಲ್ಲಿ ಸುದ್ದಿಗಾರರೊಂದಿಗೆ ಗೋವಿಂದ ಕಾರಜೋಳ ಮಾತನಾಡಿದರು.

ಇಂತಹ ಕನಸಿಗೆ ಬಲಿಯಾಗಬೇಡಿ. ಮಹಾಘಟಬಂದನ್ ನಲ್ಲಿರೋ ಊನವಾಗಿರುವ ನಾಯಕರಿಗೆ ಯಾರಿಗೂ ಪ್ರಧಾನಿ ಆಗುವ ಯೋಗ್ಯತೆ ಇಲ್ಲ ಎಂದರು.

ಕಾಂಗ್ರೆಸ್ ಸುಡುವ ಮನೆ ಅಷ್ಟೆ ಅಲ್ಲ ಬಾಬಾ ಸಾಹೇಬ ಮತ್ತು ಜಗಜೀವನ ರಾಂ ಅವರಿಗೆ ಅನ್ಯಾಯ ಮಾಡಿದೆ. ಕಾಂಗ್ರೆಸ್ ನಿಂದ ದಲಿತರಿಗೆ ಅನ್ಯಾಯವಾಗಿದೆ ಎಂದು ಹೇಳಿದರು.

ಕಾಂಗ್ರೆಸ್ ಬರಕಾಸ್ತು ಮಾಡಿ ಎಂದು ಖುದ್ದು ಗಾಂಧೀಜಿ ಹೇಳಿದ್ದರು ಎಂದು ಮಾಜಿ ಸಚಿವ, ವಿಧಾನಸಭೆಯ ಬಿಜೆಪಿ ಪಕ್ಷದ ಉಪ ನಾಯಕ ಗೋವಿಂದ ಕಾರಜೋಳ ಹೇಳಿದರು.