ಜಿಗಜಿಣಗಿಯವರೇ ರೇಡ್ ಮಾಡಿಸಿದ್ದು: ದೇವಾನಂದ

ವಿಜಯಪುರ: ವಿಜಯಪುರ ಲೋಕಸಭಾ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ರಮೇಶ ಜಿಗಜಿಣಗಿಯವರೇ ಆದಾಯ ತೆರಿಗೆ ದಾಳಿ‌ ಮಾಡಿಸಿದ್ದಾರೆ ಎಂದು ಶಾಸಕ ದೇವಾನಂದ ಚೌಹಾಣ್ ಆರೋಪಿಸಿದ್ದಾರೆ.

ವಿಜಯ ಕರ್ನಾಟಕದೊಂದಿಗೆ ಮಾತನಾಡಿದ ಅವರು, ರಾಜಕೀಯ ಕಾರಣಕ್ಕೆ ನನ್ನ ಅಳಿಯನ ಮನೆ ಮೇಲೆ ಐಟಿ ದಾಳಿ ಮಾಡಿಸಿದ್ದಾರೆ ಎಂದರು.

ದಾಳಿ ವೇಳೆ ನನ್ನ ಅಳಿಯ ರಾಮಚಂದ್ರ ದೊಡಮನಿ ಮನೆಯಲ್ಲಿ ಯಾವುದೇ ಹಣ, ದಾಖಲೆ ಸಿಕ್ಕಿಲ್ಲ. ನಮ್ಮ ಗ್ರಾಮದ ದೇವಪ್ಪ ತದ್ದೆವಾಡಿ ಮನೆಯಲ್ಲಿ ಸ್ವಲ್ಪ ಹಣ ಸಿಕ್ಕಿದೆ. ದೇವಪ್ಪ ಅವರಿಗೂ ನಮಗೂ ಯಾವುದೇ ಸಂಬಂಧವಿಲ್ಲ ಎಂದವರು ತಿಳಿಸಿದ್ದಾರೆ.

ಬಿಜೆಪಿ ಅಭ್ಯರ್ಥಿ ರಮೇಶ್‌ ಜಿಗಜಿಣಗಿ ಕುತಂತ್ರದಿಂದ ಚುನಾವಣೆ ಎದುರಿಸಲು ಹೊರಟಿದ್ದಾರೆ. ಚುನಾವಣೆಯಲ್ಲಿ ಸೋಲಿನ ಭೀತಿಯಿಂದಾಗಿ ಈ ರೀತಿ ಮಾರ್ಗ ಹಿಡಿದು, ನಮ್ಮನ್ನು ಮಾನಸಿಕವಾಗಿ ಕುಗ್ಗಿಸಲು ಯತ್ನಿಸಿದ್ದಾರೆ ಎಂದು ದೇವಾನಂದ ಚವ್ಹಾಣ್‌ ತಿಳಿಸಿದ್ದಾರೆ.