ಮಲ್ಲಿಕಾರ್ಜುನ ಖರ್ಗೆಗೆ ಹೀನಾಯ ಸೋಲು, ಗೆಲುವಿನ ನಗು ಬೀರಿದ ಉಮೇಶ್‌ ಜಾಧವ್‌

ಕಲಬುರಗಿ: ಬರೊಬ್ಬರಿ 11 ಬಾರಿ ಗೆದ್ದು ಬಂದಿದ್ದ ಕಾಂಗ್ರೆಸ್‌ ಹಿರಿಯ ನಾಯಕ ಮಲ್ಲಿಕಾರ್ಜುನ ಖರ್ಗೆ ತಮ್ಮ ಸೋಲಿಲ್ಲದ ಸರದಾರ ಶ್ರೇಯಾಂಕವನ್ನು ಕಳೆದುಕೊಂಡಿದ್ದಾರೆ. ಕಾಂಗ್ರೆಸ್‌ನಿಂದ ಬಂಡಾಯವೆದ್ದು ಬಿಜೆಪಿ ಸೇರಿ ಖರ್ಗೆ ವಿರುದ್ಧ ತೊಡೆ ತಟ್ಟಿದ್ದ ಡಾ. ಉಮೇಶ್‌ ಜಾಧವ್‌ 85 ಸಾವಿರ ಮತಗಳ ಅಂತರದಿಂದ ಗೆಲುವಿನ ನಗೆ ಬೀರಿದ್ದಾರೆ.

ರಾಜ್ಯದಲ್ಲಿ ತೀವ್ರ ಕುತೂಹಲ ಮೂಡಿಸಿರುವ ಕ್ಷೇತ್ರಗಳ ಪೈಕಿ ಕಲಬುರಗಿ ಕ್ಷೇತ್ರವೂ ಒಂದಾಗಿತ್ತು. ಸ್ವತಃ ನರೇಂದ್ರ ಮೋದಿ ಅವರೇ ಜಾಧವ್‌ ಪರ ಪ್ರಚಾರ ನಡೆಸಿರುವುದು ಕಲಬುರಗಿ ಕ್ಷೇತ್ರಕ್ಕೆ ಹೆಚ್ಚಿನ ಪ್ರಾಶಸ್ತ್ಯ ಸಿಕ್ಕಂತಾಗಿದೆ.

Mandya, Hassan Tumkuru Result 2019: ಮಂಡ್ಯ, ಹಾಸನ, ತುಮಕೂರಿನ ತಾಜಾ ಸ್ಥಿತಿಗತಿ: ಇಲ್ಲಿ ನೋಡಿ.

Karnataka Results 2019: ಕರ್ನಾಟಕದ 28 ಕ್ಷೇತ್ರಗಳಲ್ಲಿ ಏನಾಗಿದೆ?: ಮುಖ್ಯಾಂಶಗಳು ಇಲ್ಲಿವೆ

Lok Sabha Elections Result: ದೇಶಾದ್ಯಂತ ಹೇಗಿದೆ ಹವಾ?: ಮುಖ್ಯಾಂಶಗಳು ಇಲ್ಲಿವೆ

ಲೋಕಸಭೆ ಚುನಾವಣೆ ಫಲಿತಾಂಶ: ಎಲ್ಲೆಡೆ ಏನೇನಾಯ್ತು? ಇಲ್ಲಿ ನೋಡಿ

ಕರ್ನಾಟಕ ರಿಸಲ್ಟ್: ಮತದಾರರ ಒಲವು ದೋಸ್ತಿಗೋ, ಕಮಲಕ್ಕೋ?

ನಗರದ ಗುಲ್ಬರ್ಗ ವಿಶ್ವವಿದ್ಯಾಲಯದಲ್ಲಿ ಮತ ಎಣಿಕೆ ನಡೆದಿದೆ. ಹನ್ನೊಂದು ಸಲ ನಿರಂತರವಾಗಿ ಆಯ್ಕೆಯಾಗಿರುವ ಮಲ್ಲಿಕಾರ್ಜುನ ಖರ್ಗೆ ಅವರಿಗೆ ಇದೊಂದು ಮಹಾ ಸವಾಲಿನ ಚುನಾವಣೆಯಾಗಿತ್ತು. ಕೈ ಪಕ್ಷದ ಶಾಸಕರಾಗಿದ್ದ ಡಾ. ಜಾಧವ್‌ ರಾಜೀನಾಮೆ ನೀಡಿ ಅವರ ವಿರುದ್ಧ ತೊಡೆ ತಟ್ಟಿರುವುದು ಕದನ ಕುತೂಹಲ ಮತ್ತಷ್ಟು ಹೆಚ್ಚಿಸಿತ್ತು. ಒಂದಕ್ಕೆ ರಾಜೀನಾಮೆ ನೀಡಿ ಇನ್ನೊಂದನ್ನು ಗೆಲ್ಲಬೇಕೆಂದೇ ಬಿಜೆಪಿ ಹುರಿಯಾಳು ಆಗಿರುವ ಜಾಧವ್‌ಗೂ ಇದು ಅಗ್ನಿಪರೀಕ್ಷೆ ದಿನವಾಗಿತ್ತು. ಖರ್ಗೆ ವಕೀಲರಾಗಿದ್ದರೆ, ಜಾಧವ್‌ ವೈದ್ಯರು.

ದೊಡ್ಡ ಮಟ್ಟದ ಉಮೇದು, ಕುತೂಹಲ, ನಿರೀಕ್ಷೆ ಮತ್ತು ಕೌತುಕವನ್ನು ಗುಲ್ಬರ್ಗ ಲೋಕಸಭೆ ಕ್ಷೇತ್ರ ಉಂಟು ಮಾಡಿತ್ತು. ಕಾಂಗ್ರೆಸ್‌ ನಾಯಕ ಮಲ್ಲಿಕಾರ್ಜುನ ಖರ್ಗೆ ಲೋಕಸಭೆಯಲ್ಲಿ ಪ್ರಧಾನಿ ಮೋದಿ ಅವರನ್ನು ಮಾತಿನಲ್ಲಿ ಕಟ್ಟಿ ಹಾಕುವ ಛಾತಿ ಹೊಂದಿದ್ದಾರೆ.