ನಿಮ್ಮ ಚೌಕಿದಾರನ ನಮಸ್ಕಾರಗಳು: ಕನ್ನಡದಲ್ಲಿ ಮೋದಿ ಭಾಷಣ

ಚಿತ್ರದುರ್ಗ: ನಿಮ್ಮ ಚೌಕಿದಾರನ ನಮಸ್ಕಾರಗಳು. ಯುಗಾದಿ ಹಬ್ಬದ ಶುಭಾಶಯಗಳು... ಈ ನೆಲದ ಎಲ್ಲ ಮಹಾನೀಯರಿಗೆ ಧನ್ಯವಾದಗಳು, ಲಿ.ಶಿವಕುಮಾರ ಸ್ವಾಮಿಗೆ ನನ್ನ ನಮನಗಳು.

ಹೀಗೆಂದು ಪ್ರಧಾನಮಂತ್ರಿ ನರೇಂದ್ರ ಮೋದಿ ಕನ್ನಡದಲ್ಲಿಯಲ್ಲಿಯೇ ತಮ್ಮ ಭಾಷಣ ಮಾಡಿದರು.

2019 ಲೋಕಸಭಾ ಚುನಾವಣೆಗೆ ವೇಳಾಪಟ್ಟಿ ಘೋಷಣೆಯಾದ ನಂತರ ಇದೇ ಮೊದಲು ಬಾರಿಗೆ ನರೇಂದ್ರ ಮೋದಿ ಕರ್ನಾಟಕದಲ್ಲಿ ಪ್ರಚಾರ ಕೈಗೊಂಡರು.

ಕೋಟೆ ನಾಡು ಚಿತ್ರದುರ್ಗದಲ್ಲಿ ಜನಸ್ತೋಮದ ನಡುವೆ ಮೋದಿ ಪ್ರತಿಪಕ್ಷಗಳ ವಿರುದ್ಧ ಗುಡುಗಿದರು.

ನೆರೆ ದೇಶ ಪಾಕಿಸ್ತಾನವನ್ನು ಮಟ್ಟ ಹಾಕಿದ್ದು ಹೇಗೆ ಎಂಬುದನ್ನು ಜನರ ಮುಂದೆ ವಿವರಿಸಿದರು ಮೋದಿ.

ಚಿತ್ರದುರ್ಗವನ್ನು ಆಕ್ರಮಣ ಮಾಡಿದವರಿಗೆ ಮದಕರಿ ನಾಯಕ, ಒನಕೆ ಓಬವ್ವ ಹೇಗೆ ರಕ್ಷಣೆ ಮಾಡಿದರೋ ಅದೇ ರಿತಿ ನಮ್ಮ ದೇಶವನ್ನು ಈಗ ರಕ್ಷಣೆ ಮಾಡಿಕೊಳ್ಳಬೇಕಿದೆ.

ಚೌಕಿದಾರನ ಜತೆ ನೀವು ಇರುತ್ತೀರಾ ಎಂದು ಪ್ರಧಾನಿ ಮೋದಿ ಮತದಾರರರನ್ನು ಕೋರಿದರು.