ಸಿದ್ದರಾಮಯ್ಯ ಬಗ್ಗೆ ರೋಷನ್‌ ಬೇಗ್‌ ಹೇಳಿದ್ದು ಸತ್ಯ: ಎಚ್‌ ವಿಶ್ವನಾಥ್‌

ಬೆಂಗಳೂರು: ಲೋಕಸಭಾ ಚುನಾವಣೆಯಲ್ಲಿ ಕಾಂಗ್ರೆಸ್‌ ಪಕ್ಷಕ್ಕೆ ಹಿನ್ನಡೆಯಾದರೆ ಅದಕ್ಕೆ ಸಿದ್ದರಾಮಯ್ಯ ನೇರ ಕಾರಣ ಎಂದು ಕಾಂಗ್ರೆಸ್‌ ಶಾಸಕ ರೋಷನ್‌ ಬೇಗ್‌ ಹೇಳಿರುವುದು ಸತ್ಯ ಎಂದು ಜೆಡಿಎಸ್‌ ರಾಜ್ಯಾಧ್ಯಕ್ಷ ಎಚ್‌. ವಿಶ್ವನಾಥ್‌ ತಿಳಿಸಿದ್ದಾರೆ.

ಬೆಂಗಳೂರಿನಲ್ಲಿ ಸುದ್ದಿಗಾರರೊಂದಿಗೆ ಎಚ್‌ ವಿಶ್ವನಾಥ್‌ ಮಾತನಾಡಿದರು.

ಸಿದ್ದರಾಮಯ್ಯ ಫ್ಲಾಪ್‌ ಸ್ಟಾರ್‌ ಎಂದು ನಾನು ಬಾಯಿ ಬಿಟ್ಟು ಹೇಳುವುದಿಲ್ಲ. ಕೊನೆಗಾಲದಲ್ಲಿ ಅವರಿಗೆ ಸತ್ಯ ತಿಳಿಯುತ್ತದೆ. ಈ ರೀತಿಯ ಹೇಳಿಕೆಗಳನ್ನು ಧೈರ್ಯವಾಗಿ ನೀಡಿರುವ ರೋಷನ್‌ ಬೇಗ್‌ಗೆ ಅಭಿನಂದನೆ ಸಲ್ಲಿಸುತ್ತೇನೆ ಎಂದು ವಿಶ್ವನಾಥ್‌ ಹೇಳಿದರು.

ರೋಷನ್‌ ಬೇಗ್‌ ಹೇಳಿಕೆ ಈಗ ಕಾಂಗ್ರೆಸ್‌ನಲ್ಲಿ ಮಾತ್ರವಲ್ಲ, ಮೈತ್ರಿ ಕೂಟದಲ್ಲಿ ಬಿರುಗಾಳಿ ಎಬ್ಬಿಸಿದೆ.

ಕೊನೆಗಾದರೂ ವಾಸ್ತವ ಸ್ಥಿತಿ ಬಹಿರಂಗವಾಗಿದೆ. ರೋಷನ್‌ ಬೇಗ್‌ ಹೇಳಿರುವುದರಲ್ಲಿ ಎಲ್ಲವೂ ಸತ್ಯವಾಗಿದೆ ಎಂದು ರೋಷನ್‌ ಬೇಗ್‌ ಪರವಾಗಿ ವಿಶ್ವನಾಥ್‌ ಬೆಂಬಲ ಸೂಚಿಸಿದರು.