ಲೋಕಸಭೆಯಲ್ಲಿ ನಾರಿ ಶಕ್ತಿ ಜೋರು, 78 ಮಹಿಳಾ ಸಂಸದರ ಆಯ್ಕೆ

ಹೊಸದಿಲ್ಲಿ: ಈ ಬಾರಿ ಸಂಸತ್‌ ಭವನದಲ್ಲಿ ಅತಿ ಹೆಚ್ಚು ನಾರಿ ಶಕ್ತಿ ಹೆಚ್ಚಾಗಲಿದೆ.

ಹಿಂದೆಂದಿಂಗಿಂತಲೂ ಈ ಬಾರಿ ಲೋಕಸಭೆಯಲ್ಲಿ ಅತಿ ಹೆಚ್ಚು ಮಹಿಳಾ ಸಂಸದರು ಕಂಡುಬರಲಿದ್ದಾರೆ.

ಒಟ್ಟು 542 ಲೋಕಸಭಾ ಸದಸ್ಯರ ಪೈಕಿ ಈ ಬಾರಿ 78 ಮಹಿಳೆಯರು ಆಯ್ಕೆಯಾಗಿದ್ದಾರೆ. ಕರ್ನಾಟಕದಿಂದ ಸುಮಲತಾ, ಶೋಭಾ ಕರಂದ್ಲಾಜೆ ಆಯ್ಕೆಯಾಗಿದ್ದಾರೆ.

ಇದು ಈ ಹಿಂದಿನ ಎಲ್ಲ ದಾಖಲೆಗಳನ್ನೂ ಅಳಿಸಿಹಾಕಿದೆ.

1952ರ ನಂತರ ಇದೇ ಮೊದಲ ಬಾರಿಗೆ ಶೇ.14ಕ್ಕಿಂತ ಹೆಚ್ಚು ಮಹಿಳೆಯರು ಲೋಕಸಭೆ ಪ್ರವೇಶಿಸುತ್ತಿದ್ದಾರೆ.

2019ರ ಲೋಕಸಭಾ ಚುನಾವಣೆಯಲ್ಲಿ 724 ಮಹಿಳೆಯರು ಕಣಕ್ಕಿಳಿದಿದ್ದರು. ಈ ಪೈಕಿ 78 ಮಂದಿ ಸಂಸತ್‌ಗೆ ಆಯ್ಕೆಯಾಗಿದ್ದಾರೆ.

ಇದರಲ್ಲಿ ಉತ್ತರ ಪ್ರದೇಶ, ಪಶ್ಚಿಮ ಬಂಗಾಳದಿಂದ ತಲಾ 11 ಅಭ್ಯರ್ಥಿಗಳು ಆಯ್ಕೆಯಾಗಿದ್ದಾರೆ.

16ನೇ ಲೋಕಸಭೆಯಲ್ಲಿ 64, 15ನೇ ಲೋಕಸಭೆಯಲ್ಲಿ 52 ಮಹಿಳಾ ಸಂಸದರು ಇದ್ದರು.

ಮಹಿಳೆಯರಿಗೆ ಶೇಕಡ 33ರಷ್ಟು ಮೀಸಲಾತಿ ನೀಡುವ ಕಾನೂನು ಬಾಕಿ ಉಳಿದಿದೆ.