ದಿಗ್ವಿಜಯ್‌ ಸಿಂಗ್‌ ರೋಡ್‌ಶೋನಲ್ಲಿ ಮೊಳಗಿದ ಮೋದಿ ಘೋಷಣೆ

ಭೋಪಾಲ್‌: ಮಧ್ಯಪ್ರದೇಶದ ಕಾಂಗ್ರೆಸ್‌ ಹಿರಿಯ ನಾಯಕ, ಭೋಪಾಲ್‌ ಲೋಕಸಭಾ ಕ್ಷೇತ್ರದ ಅಭ್ಯರ್ಥಿ ದಿಗ್ವಿಜಯ್‌ ಸಿಂಗ್‌ ಅವರ ರೋಡ್‌ ಶೋನಲ್ಲಿ ಮೋದಿ ಪರ ಘೋಷಣೆ ಮೊಳಗಿದ ಪ್ರಸಂಗ ಬುಧವಾರ ನಡೆಯಿತು.

ಭೋಪಾಲ ನಗರದ ಜೈನ್‌ ದೇಗುಲದ ಬಳಿ ದಿಗ್ವಿಜಯ್‌ ಅವರು ರೋಡ್‌ ಶೋ ನಡೆಸುತ್ತಿದ್ದಾಗ ಗುಂಪಿನಲ್ಲಿದ್ದ ಕೆಲವರು ''ಮೋದಿ-ಮೋದಿ'' ಎಂದು ಘೋಷಣೆ ಮೊಳಗಿಸಿದರು. ಕೂಡಲೇ ಅಲ್ಲಿದ್ದ ಕಾಂಗ್ರೆಸ್‌ ಕಾರ್ಯಕರ್ತರು ಮತ್ತು ಬೆಂಬಲಿಗರು ಘೋಷಣೆ ಕೂಗಿದವರನ್ನು ಹುಡುಕಾಡಿ, ಹಿಡಿಯಲು ಯತ್ನಿಸಿದರು. ಅಷ್ಟರಲ್ಲಿ ಅವರು ಅಲ್ಲಿಂದ ಕಾಲುಕಿತ್ತರು. ಇದರಿಂದ ಕೆಲಕಾಲ ಗೊಂದಲದ ಸ್ಥಿತಿ ನಿರ್ಮಾಣವಾಯಿತು. ನಗರದ ಕೊಟ್ವಾಡಿ ಠಾಣೆಯಲ್ಲಿ ಈ ಸಂಬಂಧ ಪ್ರಕರಣ ದಾಖಲಾಗಿದೆ.