ಬಿಜೆಪಿಗೆ ಬಹುಮತ ಕಷ್ಟ: ಮೈತ್ರಿ ಪಕ್ಷಗಳ ನೆರವು ಅಗತ್ಯ ಬೀಳಬಹುದು ಎಂದ ರಾಮ್‌ ಮಾಧವ್‌

ಹೊಸದಿಲ್ಲಿ: ಕೇಂದ್ರದಲ್ಲಿ ಸರಕಾರ ರಚಿಸಲು ಬಿಜೆಪಿಗೆ ಮೈತ್ರಿ ಪಕ್ಷಗಳ ಅಗತ್ಯ ಬೀಳಲಿದೆ....

ಹೀಗೆಂದು ಸಮೀಕ್ಷೆ ನೀಡಿದ್ದು ಯಾವುದೇ ಮಾಧ್ಯಮ ಸಮೀಕ್ಷೆಯಲ್ಲ. ಬದಲಿಗೆ ಬಿಜೆಪಿಯ ರಾಮ್‌ ಮಾಧವ್‌.

ಈ ಬಾರಿಯ ಲೋಕಸಭಾ ಚುನಾವಣೆಯಲ್ಲಿ ಬಿಜೆಪಿ ಸ್ಪಷ್ಟ ಬಹುಮತ ಪಡೆಯುವ ಸಾಧ್ಯತೆ ಇದೆ. ಆದರೂ ಮೈತ್ರಿ ಪಕ್ಷಗಳ ಬೆಂಬಲ ಅಗತ್ಯ ಬೀಳುವ ನಿರೀಕ್ಷೆಯೂ ಇದೆ ಎಂದು ಹೇಳಿದ್ದಾರೆ.

ಕಳೆದ ಬಾರಿಯಂತೆ ಸ್ಪಷ್ಟ ಬಹುಮತ ದೊರೆಯುವ ಸಾಧ್ಯತೆಗಳು ತುಂಬಾ ಕಡಿಮೆ ಇದೆ. ಇಲ್ಲವೇ ಇಲ್ಲ ಎಂದು ಹೇಳುವುದಿಲ್ಲ. ಬಹುಮತ ದೊರೆತರೂ ದೊರೆಯಬಹುದು. ಆದರೆ ಕೊನೆಯ ಕ್ಷಣದ ಆಟ ಯಾರೂ ಬಲ್ಲವರು ಎಂದು ತಿಳಿಸಿದ್ದಾರೆ.

ಕಳೆದ ಬಾರಿ ಹಲವು ರಾಜ್ಯಗಳಲ್ಲಿ ಬಿಜೆಪಿ ಉತ್ತಮ ಸಾಧನೆ ಮಾಡಿತ್ತು. ಈ ಬಾರಿ ನಮ್ಮ ರಣತಂತ್ರವನ್ನು ಬದಲಾಯಿಸಿದ್ದೇವೆ. ನೋಡೋಣ ಇನ್ನು ಎರಡು ವಾರದಲ್ಲಿ ಎಲ್ಲವೂ ಕಣ್ಣ ಮುಂದೆಯೇ ಕಾಣಲಿದೆ ಎಂದು ರಾಮ್‌ ಮಾಧವ್‌ ಹೇಳಿದರು.