‘ಮೋದಿ’ ವೆಬ್‌ ಸಿರೀಸ್‌ಗೂ ಬ್ರೇಕ್‌ ಹಾಕಿದ ಆಯೋಗ

ಹೊಸದಿಲ್ಲಿ: ಪ್ರಧಾನಿ ನರೇಂದ್ರ ಮೋದಿ ಅವರ ಜೀವನಾಧರಿತ ಚಲನಚಿತ್ರದ ಬಳಿಕ ಈಗ ವೆಬ್‌ ಸಿರೀಸ್‌ಗೂ ಚುನಾವಣಾ ಆಯೋಗ ಬ್ರೇಕ್‌ ಹಾಕಿದೆ. ಚುನಾವಣೆ ಮುಗಿಯುವವರೆಗೂ ಮೋದಿ ಅವರ ಜೀವನಾಧರಿತ 'ಮೋದಿ-ಎ ಜರ್ನಿ ಆಫ್‌ ಕಾಮನ್‌ ಮ್ಯಾನ್‌' ಶೀರ್ಷಿಕೆಯ ವೆಬ್‌ ಸೀರೀಸ್‌ ಪ್ರಸಾರ ಮಾಡದಂತೆ 'ಎರೋಸ್‌ ನೌ' ಸಂಸ್ಥೆಗೆ ಆಯೋಗ ಆದೇಶಿಸಿದೆ. ''ಈ ಧಾರವಾಹಿ ಸರಣಿಯು ಪ್ರಧಾನಿ ನರೇಂದ್ರ ಮೋದಿಯವರ ಬದುಕನ್ನೇ ಆಧರಿಸಿರುವುದರಿಂದ, ಅವರು ಈ ಬಾರಿ ಚುನಾವಣೆಗೆ ಅಭ್ಯರ್ಥಿಯಾಗಿರುವುದರಿಂದ ಚುನಾವಣೆ ಮುಗಿಯುವವರೆಗೂ ಅದನ್ನು ಪ್ರಸಾರ ಮಾಡುವಂತಿಲ್ಲ. ಇದರ ಪ್ರಸಾರದಿಂದ ನೀತಿ ಸಂಹಿತೆ ಉಲ್ಲಂಘನೆಯಾಗುತ್ತದೆ,'' ಎಂದು ಚುನಾವಣಾ ಆಯೋಗ ಹೇಳಿದೆ. ಏ. 12 ರಂದು ತೆರೆ ಕಾಣಬೇಕಿದ್ದ 'ಪ್ರೈಮ್‌ ಮಿನಿಸ್ಟರ್‌ ನರೇಂದ್ರ ಮೋದಿ' ಚಿತ್ರಕ್ಕೂ ಚುನಾವಣಾ ಆಯೋಗ ತಡೆ ನೀಡಿತ್ತು.