ರಾಯ್‌ಬರೇಲಿ: ಸೋನಿಯಾ ವಿರುದ್ಧ ದಿನೇಶ್ ಪ್ರತಾಪ್‌ ಸಿಂಗ್‌ ಫೈಟ್‌

ಹೊಸದಿಲ್ಲಿ: ಲೋಕಸಭಾ ಚುನಾವಣೆಗೆ ಸ್ಪರ್ಧಿಸಲು ಬಿಜೆಪಿಯ 16ನೇ ಪಟ್ಟಿ ಬಿಡುಗಡೆಯಾಗಿದೆ.

ಇದರಲ್ಲಿ ಪ್ರಮುಖವಾಗಿ ಸೋನಿಯಾಗಾಂಧಿ ವಿರುದ್ಧ ರಾಯ್ ಬರೇಲಿಯಲ್ಲಿ ಯಾರು ಸ್ಪರ್ಧಿಸುತ್ತಾರೆ ಎಂಬುದು ಗೊತ್ತಾಗಿದೆ.

ಉತ್ತರ ಪ್ರದೇಶದ ರಾಯ್‌ ಬರೇಲಿಯಲ್ಲಿ ಸೋನಿಯಾಗಾಂಧಿ ವಿರುದ್ಧ ಬಿಜೆಪಿಯ ದಿನೇಶ್‌ ಪ್ರತಾಪ್‌ ಸಿಂಗ್‌ ಅವರನ್ನು ಕಣಕ್ಕಿಳಿಸಲಾಗಿದೆ.

ಇದಲ್ಲದೇ ಸಮಾಜವಾದಿ ಪಕ್ಷದ ವರಿಷ್ಠ ನಾಯಕ ಮುಲಾಯುಂ ಸಿಂಗ್‌ ಯಾದವ್ ವಿರುದ್ಧ ಪ್ರೇಮ್‌ ಸಿಂಗ್ ಶಕ್ಯಾ ಕಣಕ್ಕಿಳಿಸಲಾಗಿದೆ.


ಉತ್ತರ ಪ್ರದೇಶ ಮಾಜಿ ಮುಖ್ಯಮಂತ್ರಿ ಅಖಿಲೇಶ್‌ ಯಾದವ್ ವಿರುದ್ಧ ಭೋಜ್‌ಪುರಿ ಸೂಪರ್‌ ಸ್ಟಾರ್‌ ದಿನೇಶ್‌ ಲಾಲ್‌ ಯಾದವ್‌ ನಿರ್ಹುವಾಗೆ ಟಿಕೆಟ್‌ ನೀಡಲಾಗಿದೆ.

ಈ ಬಾರಿಯ ಪಟ್ಟಿಯಲ್ಲಿ ಬಿಜೆಪಿಯ ಹಾಲಿ ಸಂಸದರಿಗೆ ಶಾಕ್‌ ಆಗಿದೆ.

ಈಶಾನ್ಯ ಮುಂಬೈನಲ್ಲಿ ಕಿರಿತ್‌ ಸೋಮಯ್ಯ ಬದಲಿಗೆ ಮನೋಜ್‌ ಕೋಟಕ್‌ರನ್ನು ಅಭ್ಯರ್ಥಿಯನ್ನಾಗಿ ಮಾಡಲಾಗಿದೆ.

ಕಿರಿತ್‌ ಸೋಮಯ್ಯ ವಿರುದ್ಧ ಶಿವಸೇನೆ ಕಿರಿಕ್‌ ತೆಗೆದ ಹಿನ್ನೆಲೆಯಲ್ಲಿ ಬದಲಾಯಿಸಲಾಗಿದೆ ಎಂದು ತಿಳಿದುಬಂದಿದೆ.