ಚುನಾವಣಾ ಕಣಕ್ಕಿಳಿಯಲು ಕಿಡ್ನಿ ಮಾರಲು ಮುಂದಾದ ಪಕ್ಷೇತರ ಅಭ್ಯರ್ಥಿ

ಅಸ್ಸಾಂ: ತಮ್ಮ ಕ್ಷೇತ್ರದ ವಿಕಾಸದ ಕನಸು ಹೊತ್ತು ಕಣಕ್ಕಿಳಿಯುತ್ತಿರುವ ಪಕ್ಷೇತರ ಅಭ್ಯರ್ಥಿಯೊಬ್ಬರು ಚುನಾವಣಾ ವೆಚ್ಚಕ್ಕಾಗಿ ಕಿಡ್ನಿ ಮಾರಲು ಮುಂದಾಗಿದ್ದಾರೆ.

ಸುಕುರ್ ಅಲಿ, ಮೊಡತಿ ಗ್ರಾಮದ ನಿವಾಸಿ. ಕೆಲ ವರ್ಷಗಳ ಹಿಂದವರು ತಮ್ಮ ಜಮೀನಿನ ಸ್ವಲ್ಪ ಭಾಗವನ್ನು ಮಾರಿ ಮತ್ತು ಕೂಲಿ ಕೆಲಸ ಮಾಡಿ, ಹಣ ಸಂಗ್ರಹಿಸಿ ಶಿಬಾಲಿ ನದಿಗೆ ಬಿದಿರಿನ ಸೇತುವೆ ನಿರ್ಮಿಸಿದ್ದರು. ಮತ್ತೀಗ ಅವರು ನಿರುದ್ಯೋಗಿಯಾಗಿದ್ದಾರೆ.

ತಮ್ಮ ಕ್ಷೇತ್ರದ ಅಭಿವೃದ್ಧಿಗಾಗಿ ಕಣಕ್ಕಿಳಿಯಲು ಬಯಸಿರುವ ಅವರು ಚುನಾವಣಾ ವೆಚ್ಚಕ್ಕೆ ಹಣ ಸಂಗ್ರಹಿಸಲು ಸಾಧ್ಯವಾಗದಾದರೆ ತಮ್ಮ ಕಿಡ್ನಿ ಮಾರುವುದಾಗಿ ಹೇಳಿದ್ದಾರೆ.

ಕೇವಲ ತಮ್ಮ ಹಿತಾಸಕ್ತಿಗಾಗಿ ರಾಜಕೀಯಕ್ಕಿಳಿಯುವ ನೇತಾರರನ್ನು ನಾನು ಚಿಕ್ಕಂದಿನಿಂದ ನೋಡಿಕೊಂಡು ಬಂದಿದ್ದೇನೆ. ಬಡವನಿಗೆ ಸಹಾಯ ಮಾಡಲು ಯಾರೂ ತಯಾರಿಲ್ಲ. ನಾನು ಈ ಸಂಪ್ರದಾಯವನ್ನು ಮುರಿಯಲು ಬಯಸುತ್ತೇನೆ. ನನ್ನ ಕನಸನ್ನು ಈಡೇರಿಸಿಕೊಳ್ಳಲು ನಾನು ಕಿಡ್ನಿ ಮಾರಲು ಕೂಡ ಹಿಂಜರಿಯುವುದಿಲ್ಲ ಎನ್ನುತ್ತಾರೆ ಅಲಿ.

ತಾವು ನೀರಿನ ಬಿಕ್ಕಟ್ಟು ಮತ್ತು ಸಾರಿಗೆ ಸಮಸ್ಯೆಯಿಂದ ರೋಸಿ ಹೋಗಿದ್ದು, ಈ ಸಮಸ್ಯೆಗಳಿಗೆ ಪರಿಹಾರ ನೀಡುವವರನ್ನು ಆಯ್ಕೆ ಮಾಡಲು ಬಯಸುತ್ತಿರುವುದಾಗಿ ಸ್ಥಳೀಯರು ಹೇಳಿದ್ದಾರೆಯ

ಅಸ್ಸಾಂನಲ್ಲಿ ಮೂರು ಹಂತಗಳಲ್ಲಿ ( ಏಪ್ರಿಲ್ 11, 18 ಮತ್ತು 23) ನಲ್ಲಿ ಮತದಾನ ನಡೆಯಲಿದೆ.