ಲೋಕಸಭೆ ಚುನಾವಣೆ: ಆಜಂಗಢದಿಂದ ಅಖಿಲೇಶ್‌ ಯಾದವ್‌ ಸ್ಪರ್ಧೆ

ಹೊಸದಿಲ್ಲಿ: ಸಮಾಜವಾದಿ ಪಕ್ಷ (ಎಸ್‌ಪಿ) ಮುಖ್ಯಸ್ಥ ಲೋಕಸಭೆ ಚುನಾವಣೆ 2019ರಲ್ಲಿ ಸ್ಪರ್ಧಿಸುವುದು ಧೃಡವಾಗಿದೆ. ಉತ್ತರ ಪ್ರದೇಶದ ಆಜಂಗಢ ಲೋಕಸಭಾ ಕ್ಷೇತ್ರದಿಂದ ಅಖಿಲೇಶ್‌ ಕಣಕ್ಕಿಳಿಯಲಿದ್ದಾರೆ.

ಲೋಕಸಭೆ ಚನಾವಣೆ 2014ರಲ್ಲಿ ಅಖಿಲೇಶ್‌ ಅವರ ತಂದೆ ಮುಲಾಯಂ ಸಿಂಗ್‌ ಯಾದವ್‌ ಆಜಂಗಢ ಕ್ಷೇತ್ರದಿಂದ ಲೋಕಸಭೆಗೆ ಆಯ್ಕೆಯಾಗಿದ್ದರು. ಇದೀಗ ತಂದೆಯ ಕ್ಷೇತ್ರದಲ್ಲಿ ಮಗ ಅಖಿಲೇಶ್‌ ಸ್ಪರ್ಧೆಗೆ ಸಿದ್ಧತೆ ನಡೆಸಿದ್ದಾರೆ. ಎಸ್‌ಪಿ ಮುಖಂಡ ಆಜಂ ಖಾನ್‌ ರಾಮ್‌ಪುರ ಕ್ಷೇತ್ರದಿಂದ ಲೋಕಸಭೆಗೆ ಸ್ಪರ್ಧಿಸುತ್ತಿದ್ದಾರೆ. ಒಟ್ಟಾರೆ 19 ಅಭ್ಯರ್ಥಿಗಳಿಗೆ ಟಿಕೆಟ್‌ ನೀಡಿದ್ದು, ಒಟ್ಟು 37 ಕ್ಷೇತ್ರಗಳಲ್ಲಿ ತನ್ನ ಅಭ್ಯರ್ಥಿಗಳನ್ನು ಕಣಕ್ಕೆ ಇಳಿಸಲಿದೆ.

ಅಖಿಲೇಶ್‌ ಯಾದವ್‌, ರಾಮ್‌ಗೋಪಾಲ್‌ ಯಾದವ್‌, ಡಿಂಪಲ್‌ ಯಾದವ್‌, ಜಯಾ ಬಚ್ಚನ್‌ ಮತ್ತಿತರು ಸ್ಟಾರ್‌ ಪ್ರಚಾರಕರು ಎಂದು ಎಸ್‌ಪಿ ಘೋಷಣೆ ಮಾಡಿದೆ. 2014ರಲ್ಲಿ ಎಸ್‌ಪಿ 4 ಸೀಟು ಗೆದ್ದಿತ್ತು. 80 ಲೋಕಸಭೆ ಕ್ಷೇತ್ರಗಳನ್ನು ಹೊಂದಿರುವ ಉತ್ತರ ಪ್ರದೇಶದಲ್ಲಿ ಬಹುವರ್ಷಗಳ ಶತ್ರುತ್ವವನ್ನು ಮರೆತು ಒಂದಾಗಿರುವ ಎಸ್‌ಪಿ ಮತ್ತು ಬಿಎಸ್‌ಪಿ ಪಕ್ಷಗಳು ಮೈತ್ರಿಯಾಗಿ ಚುನಾವಣೆ ಎಂದುರಿಸುತ್ತಿವೆ.