ಪುಲ್ವಾಮಾ ದಾಳಿ ಬಗ್ಗೆ ಸಿಎಂ ಹೇಳಿಕೆ ಗಂಭೀರ ಪರಿಗಣನೆ : ನಿರ್ಮಲಾ

ತುಮಕೂರು: 'ಪುಲ್ವಾಮಾ ದಾಳಿ ಬಗ್ಗೆ ನನಗೆ ಮೊದಲೇ ಮಾಹಿತಿ ಇತ್ತು' ಎಂಬ ಸಿಎಂ ಕುಮಾರಸ್ವಾಮಿ ಹೇಳಿಕೆಯನ್ನು ಇಲಾಖೆ ಗಂಭೀರವಾಗಿ ಪರಿಗಣಿಸಲಿದೆ' ಎಂದು ರಕ್ಷಣಾ ಸಚಿವೆ ನಿರ್ಮಲಾ ಸೀತರಾಮನ್‌ ತಿಳಿಸಿದರು.

ಚಿಂತಕರ ಚಾವಡಿಯಲ್ಲಿ ಭಾನುವಾರ ಪ್ರಶ್ನೆಯೊಂದಕ್ಕೆ ಪ್ರತಿಕ್ರಿಯಿಸಿ,''ಸೇನೆಯ ಮೇಲೆ ನಂಬಿಕೆ ಇರಿಸಿ ಸಂಪೂರ್ಣ ಸ್ವಾತಂತ್ರ್ಯ ನೀಡಿದ್ದಕ್ಕೆ ಪ್ರತಿಫಲವನ್ನು ಸೇನೆ ದೇಶಕ್ಕೆ ನೀಡಿದೆ,'' ಎಂದರು.

ಪಿಎಂ ವ್ಯಕ್ತಿ ಯಾರು?

ನೆಲಮಂಗಲದ ಸಂವಾದದಲ್ಲಿ ಸಚಿವೆ ನಿರ್ಮಲಾ''ಹತ್ತಾರು ನಾಯಕರಿರುವ ಮಹಾಘಟ್‌ಬಂಧನ್‌ನಲ್ಲಿ ಪ್ರಧಾನಿ ಅಭ್ಯರ್ಥಿ ಯಾರು,'' ಎಂದು ಪ್ರಶ್ನಿಸಿದರು.

'' ಮೋದಿ ಗುಜರಾತ್‌ಗೆ ಮಾತ್ರ ಸೀಮಿತ. ಸಂಸದರಾಗಲೂ ಅರ್ಹರಿಲ್ಲ ಎಂದಿದ್ದ ಪ್ರತಿಪಕ್ಷಗಳ ನಾಯಕರಿಗೆ ವಿಶ್ವದಲ್ಲಿ ಭಾರತ ಗೌರವ ಎತ್ತಿ ಹಿಡಿದಿರುವ ಮೋದಿ ಕಾರ‍್ಯ ಸಹಿಸಿಕೊಳ್ಳಲಾಗುತ್ತಿಲ್ಲ,'' ಎಂದು ಟೀಕಿಸಿದರು.