ಮೋದಿಯದು ದ್ವೇಷ, ತಮ್ಮದು ಪ್ರೀತಿ ಎಂದ ರಾಹುಲ್‌

ಶಿಮ್ಲಾ: ''ಪ್ರಧಾನಿ ನರೇಂದ್ರ ಮೋದಿ ಅವರು ನನ್ನ ಹಾಗೂ ನನ್ನ ಕುಟುಂಬದ ಬಗ್ಗೆ ದ್ವೇಷ ಕಾರುತ್ತಾರೆ. ಅದಕ್ಕೆ ಪ್ರತಿಯಾಗಿ ನಾನು ಅವರಿಗೆ ಪ್ರೀತಿಯನ್ನೇ ನೀಡುತ್ತೇನೆ,'' ಎಂದು ಕಾಂಗ್ರೆಸ್‌ ಅಧ್ಯಕ್ಷ ರಾಹುಲ್‌ ಗಾಂಧಿ ಶುಕ್ರವಾರ ಹೇಳಿದ್ದಾರೆ.

ಹಿಮಾಚಲ ಪ್ರದೇಶದ ಉನಾದಲ್ಲಿ ಪ್ರಚಾರ ರಾರ‍ಯಲಿ ನಡೆಸಿದ ರಾಹುಲ್‌, ''ಮೋದಿ ಅವರು ನನ್ನ ಬಗ್ಗೆ , ದಿವಂಗತ ಮಾಜಿ ಪ್ರಧಾನಿಗಳಾದ ಇಂದಿರಾ ಗಾಂಧಿ ಮತ್ತು ರಾಜೀವ್‌ ಗಾಂಧಿ ಅವರ ಬಗ್ಗೆ ದ್ವೇಷದ ಭಾವನೆ ಹರಡಬಹುದು. ಆದರೆ ಅದಕ್ಕೆ ಪ್ರತಿಯಾಗಿ ನಾನು ಪ್ರೀತಿಯಿಂದಲೇ ಉತ್ತರಿಸುತ್ತೇನೆ,'' ಎಂದರು. ರಾಜಕಾರಣವನ್ನು ಕಬಡ್ಡಿ ಕ್ರೀಡೆಗೆ ಹೋಲಿಸಿದ ರಾಹುಲ್‌, ಮೋದಿ ಅವರು ತಮ್ಮ ಕೋಚ್‌ ಎಲ್‌.ಕೆ. ಆಡ್ವಾಣಿ ಅವರಿಗೆ 'ಕಪಾಳಮೋಕ್ಷ' ಮಾಡಿದರು ತರಾಟೆಗೆ ತೆಗೆದುಕೊಂಡರು.

ಚೌಕಿದಾರ್‌ ಚೋರ್‌ ಹೈ' ಘೋಷಣೆ ಉಲ್ಲೇಖಿಸಿದ ಅವರು, ರಫೇಲ್‌ ಒಪ್ಪಂದ ವಿಷಯದಲ್ಲಿ ಉದ್ಯಮಿ ಅನಿಲ್‌ ಅಂಬಾನಿ ಅವರ ಹಿತರಕ್ಷಣೆ ಪರ ಕೆಲಸ ಮಾಡಿದರು ಎಂದು ದೂರಿದರು.