ಹೊಸದಿಲ್ಲಿ: ಬಾಲಿವುಡ್ನ ಹಿರಿಯ ನಟ ಸನ್ನಿ ಡಿಯೋಲ್ ಮಂಗಳವಾರ ಬಿಜೆಪಿ ಸೇರಿದ್ದಾರೆ. ಪಕ್ಷದ ಕೇಂದ್ರ ಕಚೇರಿಯಲ್ಲಿ ರಕ್ಷಣಾ ಸಚಿವೆ ನಿರ್ಮಲಾ ಸೀತಾರಾಮನ್ ಮತ್ತು ರೈಲ್ವೆ ಸಚಿವ ಪಿಯೂಶ್ ಗೋಯಲ್ ಅವರು ಸನ್ನಿ ಅವರನ್ನು ಪಕ್ಷಕ್ಕೆ ಬರ ಮಾಡಿಕೊಂಡರು. ಈ ಸಂದರ್ಭದಲ್ಲಿ ಮಾತನಾಡಿದ ಸನ್ನಿ ಡಿಯೋಲ್, ''ನನ್ನ ತಂದೆ ಧರ್ಮೇಂದ್ರ ಅಟಲ್ಜಿ ಜತೆ ನಿಕಟ ಬಾಂಧವ್ಯ ಹೊಂದಿದ್ದರು. ನನಗೆ ಮೋದಿಜಿ ಕುರಿತು ಅಂತಹುದೇ ಸೆಳೆತವಿದೆ. ನನ್ನ ಕುಟುಂಬಕ್ಕೆ (ಬಿಜೆಪಿ) ಏನು ಸೇವೆ ಸಲ್ಲಿಸಬೇಕೋ ಮಾಡುತ್ತೇನೆ. ಬಾಯಲ್ಲಿ ಬಡಾಯಿ ಕೊಚ್ಚಿಕೊಳ್ಳುವುದಿಲ್ಲ, ಕೆಲಸದ ಮೂಲಕ ತೋರಿಸುತ್ತೇನೆ,'' ಎಂದು ಹೇಳಿದರು. ಸನ್ನಿ ಡಿಯೋಲ್ ತಂದೆ ಧಮೇಂದ್ರ ರಾಜಸ್ಥಾನದ ಬಿಕಾನೇರ್ನಿಂದ ಲೋಕಸಭೆಗೆ ಆಯ್ಕೆಯಾಗಿದ್ದರು. ಮಲತಾಯಿ ಹೇಮಾಮಾಲಿನಿ ಮಥುರಾ ಕ್ಷೇತ್ರದಿಂದ ಪುನರಾಯ್ಕೆ ಬಯಸಿದ್ದಾರೆ. ಬಿಜೆಪಿ ಅಧ್ಯಕ್ಷ ಅಮಿತ್ ಶಾ ಅವರನ್ನು ಸೋಮವಾರವಷ್ಟೇ ಪುಣೆಯ ವಿಮಾನ ನಿಲ್ದಾಣದಲ್ಲಿ ಸನ್ನಿ ಡಿಯೋಲ್ ಭೇಟಿ ಮಾಡಿ ಚರ್ಚಿಸಿದ್ದರು. ಪಂಜಾಬ್ನ ಗುರುದಾಸ್ಪುರ ಅಥವಾ ಚಂಡೀಗಢದಿಂದ ಬಿಜೆಪಿ ಅವರನ್ನು ಕಣಕ್ಕೆ ಇಳಿಸುವ ಸಾಧ್ಯತೆ ಇದೆ.
ಬಿಜೆಪಿ ಸೇರಿದ ಸನ್ನಿ ಡಿಯೋಲ್, ಪಂಜಾಬ್ನಿಂದ ಕಣಕ್ಕಿಳಿವ ಸಾಧ್ಯತೆ
ಬಿಜೆಪಿ ಅಧ್ಯಕ್ಷ ಅಮಿತ್ ಶಾ ಅವರನ್ನು ಸೋಮವಾರವಷ್ಟೇ ಪುಣೆಯ ವಿಮಾನ ನಿಲ್ದಾಣದಲ್ಲಿ ಸನ್ನಿ ಡಿಯೋಲ್ ಭೇಟಿ ಮಾಡಿ ಚರ್ಚಿಸಿದ್ದರು. ಪಂಜಾಬ್ನ ಗುರುದಾಸ್ಪುರ ಅಥವಾ ಚಂಡೀಗಢದಿಂದ ಬಿಜೆಪಿ ಅವರನ್ನು ಕಣಕ್ಕೆ ಇಳಿಸುವ ಸಾಧ್ಯತೆ ಇದೆ.
Vijaya Karnataka 24 Apr 2019, 5:00 am