ಓಶೋ ಪಾತ್ರದಲ್ಲಿ ಆಮಿರ್‌ ಖಾನ್‌

ಭಾರತದ ಅಧ್ಯಾತ್ಮ ಗುರು ಓಶೋ ರಜನೀಶ್‌ ಅವರ ಜೀವನಗಾಥೆಯಿರುವ ಸರಣಿ ಚಿತ್ರದಲ್ಲಿ ಬಾಲಿವುಡ್‌ ನಟ ಆಮಿರ್‌ ಖಾನ್‌ ಓಶೋ ಅವರ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಶಕುನ್‌ ಬಾತ್ರ ಈ ಸರಣಿ ಸಿನಿಮಾ ನಿರ್ಮಿಸುತ್ತಿದ್ದು, ಈಗಾಗಲೇ ಈ ಕುರಿತಂತೆ ಆಮಿರ್‌ ಖಾನ್‌ರನ್ನು ಸಂಪರ್ಕಿಸಿದ್ದಾರೆ ಎಂದು ಹೇಳಲಾಗುತ್ತಿದೆ.

ಈ ಸಿನಿಮಾದಲ್ಲಿ ಆಮಿರ್‌ ಖಾನ್‌, ಓಶೋ ಜೀವನದ ವಿವಿಧ ಮಜಲುಗಳನ್ನು ಪರಿಚಯ ಮಾಡಿಕೊಡಲಿದ್ದಾರೆ. ಈ ಸಿನಿಮಾವನ್ನು ಚಲನಚಿತ್ರವನ್ನಾಗಿಸುವ ಯೋಚನೆಯನ್ನೂ ಶಕುನ್‌ ಬಾತ್ರ ಮಾಡಿದ್ದಾರಂತೆ. ಆದರೆ ಈ ಬಗ್ಗೆ ಇನ್ನೂ ಅಧಿಕೃತ ಮಾಹಿತಿ ಸಿಕ್ಕಿಲ್ಲ. ಓಶೋ ಬಯೋಪಿಕ್‌ನಲ್ಲಿ ನಟಿ ಆಲಿಯಾ ಭಟ್‌, ಮಾ ಆನಂದ್‌ ಶೀಲಾ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.