ಆಶಿಕಿ ಬಾಯ್‌ ಮೇಲೆ ನನಗೆ ಕ್ರಶ್‌ ಆಗಿತ್ತು ಎಂದ ಕರೀನಾ ಕಪೂರ್‌

ಬಾಲಿವುಡ್‌ ನಟಿ ಕರೀನಾ ಕಪೂರ್‌ಗೂ ಯೌವನದಲ್ಲಿಒಬ್ಬರ ಮೇಲೆ ಕ್ರಶ್‌ ಆಗಿತ್ತಂತೆ. ಆ ವ್ಯಕ್ತಿಯೇ ಆಶಿಕಿ ಸಿನಿಮಾ ಖ್ಯಾತಿಯ ನಟ ರಾಹುಲ್‌ ರಾಯ್‌. 90ರ ದಶಕದಲ್ಲಿಬಿಡುಗಡೆಯಾದ ಆಶಿಕಿ ಸಿನಿಮಾ ನೋಡಿದ ಮೇಲೆ ನಾನು ರಾಹುಲ್‌ ರಾಯ್‌ ಅವರ ಕಟ್ಟಾ ಅಭಿಮಾನಿಯಾಗಿಬಿಟ್ಟಿದ್ದೆ. ಆಗ ಅವರ ಮೇಲೆ ನನಗೆ ಎಷ್ಟೊಂದು ಕ್ರಶ್‌ ಆಗಿತ್ತೆಂದರೆ ಅವರಿಗಾಗಿಯೇ ನಾನು ಆಶಿಕಿ ಸಿನಿಮಾವನ್ನು ಬರೋಬ್ಬರಿ ಎಂಟು ಬಾರಿ ನೋಡಿದ್ದೆ. ರಾಹುಲ್‌ ರಾಯ್‌ ನನ್ನ ಮೊದಲ ಕ್ರಶ್‌ ಎಂದು ಕರೀನಾ ಕಪೂರ್‌ ಹೇಳಿದ್ದಾರೆ.

ಇದಕ್ಕೆ ಟ್ವಿಟ್ಟರ್‌ನಲ್ಲಿಪ್ರತಿಕ್ರಿಯೆ ನೀಡಿರುವ ರಾಹುಲ್‌ ರಾಯ್‌, ಐ ಆ್ಯಮ್‌ ಸ್ಪೀಚ್‌ಲೆಸ್‌ ಎಂದು ಬರೆದುಕೊಂಡಿದ್ದಾರೆ. ಕರೀನಾ ಈ ಹೇಳಿಕೆ ಕೊಟ್ಟ ಮೇಲೆ ಅವರ ಅನೇಕ ಅಭಿಮಾನಿಗಳು, ನೀವು ರಾಹುಲ್‌ ರಾಯ್‌ ಜೊತೆಗೆ ಒಂದು ಸಿನಿಮಾ ಮಾಡಿ ಎಂದು ಸಲಹೆ ಕೊಡುತ್ತಿದ್ದಾರೆ.