ಅಭಿನವ್‌ ಬಿಂದ್ರಾ ಬಯೋಪಿಕ್‌ಗೆ ಭರದ ಸಿದ್ಧತೆ

ಭಾರತದ ಖ್ಯಾತ ಶೂಟರ್‌ ಅಭಿನವ್‌ ಬಿಂದ್ರಾ ಬಯೋಪಿಕ್‌ ನಿರ್ಮಾಣಕ್ಕೆ ಭರದ ಸಿದ್ಧತೆ ಆರಂಭವಾಗಿದ್ದು, ಬಿಂದ್ರಾ ಪಾತ್ರ ಮಾಡುತ್ತಿರುವ ಹಿರಿಯ ನಟ ಅನಿಲ್‌ ಕಪೂರ್‌ರವರ ಮಗ ಹರ್ಷವರ್ಧನ್‌ ಕಪೂರ್‌ ಈಗಾಗಲೇ ಪಾತ್ರಕ್ಕೆ ಅಗತ್ಯವಿರುವ ದೈಹಿಕ ತರಬೇತಿಯನ್ನು ಪಡೆಯುತ್ತಿದ್ದಾರೆ.

ಈ ಸಿನಿಮಾದಲ್ಲಿ ಅನಿಲ್‌ ಕಪೂರ್‌, ಬಿಂದ್ರಾ ಅವರ ತಂದೆಯ ಪಾತ್ರ ಮಾಡುತ್ತಿದ್ದಾರೆ. ಈ ಮೂಲಕ ಅನಿಲ್‌ ಮತ್ತು ಹರ್ಷವರ್ಧನ್‌ ಕಪೂರ್‌ ತೆರೆಯ ಮೇಲೂ ಮೊದಲ ಬಾರಿಗೆ ಅಪ್ಪ-ಮಗನಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಈ ಬಯೋಪಿಕ್‌ಗಾಗಿ ಆಳವಾದ ಸಂಶೋಧನೆ ಮಾಡಲು ನಿರ್ಧರಿಸಿರುವ ಈ ಜೋಡಿ, ಅಭಿನವ್‌ ಬಿಂದ್ರಾರ ಊರು ಚಂಡೀಗಢಕ್ಕೂ ಭೇಟಿ ನೀಡಿ, ಬಿಂದ್ರಾ ಮತ್ತು ಅವರ ಕುಟುಂಬ ಸದಸ್ಯರನ್ನು ಭೇಟಿಯಾಗಿದ್ದಾರೆ.