ಪ್ರಿಯಾಂಕಾ ಚೋಪ್ರಾ ನಿಕ್‌ ಮದುವೆಗೆ ಉಮೇದ್‌ ಭವನ್‌ ಅರಮನೆ ಸಜ್ಜು

ಬಾಲಿವುಡ್‌ ನಟಿ ಪ್ರಿಯಾಂಕ ಚೋಪ್ರಾ ಮತ್ತು ಅಮೆರಿಕನ್‌ ಗಾಯಕ ನಿಕ್‌ ಜೊನಾಸ್‌ ಮದುವೆಗೆ ಜೋಧ್‌ಪುರದ ಉಮೇದ್‌ ಭವನ್‌ ಅರಮನೆ ವಿಶೇಷ ವಿದ್ಯುದ್ದೀಪಗಳಿಂದ ಕಂಗೊಳಿಸುತ್ತಿದೆ. ಇಂದಿನಿಂದ ಅಂದರೆ ನವೆಂಬರ್‌ 29 ರಿಂದ ಡಿಸೆಂಬರ್‌ 3 ರವರೆಗೆ ಈ ಅರಮನೆ ಪ್ರಿಯಾಂಕ ಚೋಪ್ರಾ ಕುಟುಂಬಕ್ಕೆ ಬುಕ್‌ ಆಗಿದೆ. ಈ ಅವಧಿಯಲ್ಲಿ ಪ್ರವಾಸಿಗರಿಗೆ ಇಲ್ಲಿ ಯಾವುದೇ ರೂಮ್‌ ಲಭ್ಯವಿರುವುದಿಲ್ಲ ಎಂದು ಉಮೇದ್‌ ಭವನ್‌ ಅರಮನೆ ಪ್ರಕಟಿಸಿದೆ.

ಈ ಐಷಾರಾಮಿ ಅರಮನೆಯ 64 ಲಗ್ಷುರಿಯಸ್‌ ರೂಮ್‌ಗಳ ಒಂದು ದಿನದ ವೆಚ್ಚವೇ ಸುಮಾರು ಎರಡೂವರೆ ಲಕ್ಷ ಆಗುತ್ತದಂತೆ. ಅಂದರೆ ಐದು ದಿನಗಳ ಕಾಲ ನಡೆಯುವ ಪ್ರಿಯಾಂಕ ಮದುವೆಯ ವಸತಿ ವೆಚ್ಚವೇ ಸುಮಾರು 3.2 ಕೋಟಿ ರೂ. ಆಗುತ್ತದೆ ಎಂದು ಅಂದಾಜಿಸಲಾಗಿದೆ. ಸಂಪೂರ್ಣ ರಾಯಲ್‌ ಶೈಲಿಯಲ್ಲಿಯೇ ನಡೆಯಲಿರುವ ಈ ಮದುವೆಗೆ ಬರುವ ಗಣ್ಯ ಅತಿಥಿಗಳಿಗೆ ಉಮೇದ್‌ ಭವನ್‌ ಒಳಗಡೆಯೇ ಸ್ಪೆಷಲ್‌ ಹೆಲಿಪ್ಯಾಡ್‌ ನಿರ್ಮಿಸಲಾಗಿದೆ. ಡಿಸೆಂಬರ್‌ 2 ರಂದು ಮದುವೆ ನಡೆಯಲಿದ್ದು ಇಂದಿನಿಂದ ಮೆಹೆಂದಿ, ಸಂಗೀತ್‌, ಅರಶಿನ ಶಾಸ್ತ್ರ ಕಾರ್ಯಕ್ರಮಗಳು ಆರಂಭವಾಗಲಿವೆ.