ಪ್ರಿಯಕರನ ಆಕಸ್ಮಿಕ ಸಾವು; ಸಂಜಯ್ ದತ್ ಪುತ್ರಿ ಪೋಸ್ಟ್ ವೈರಲ್

ಬಾಲಿವುಡ್ ಮುನ್ನಾಭಾಯ್ ಸಂಜಯ್ ದತ್ ಬಗ್ಗೆ ಹೊಸದಾಗಿ ಪರಿಚಯ ಅಗತ್ಯವಿಲ್ಲ. 'ಕೆಜಿಎಫ್: ಚಾಪ್ಟರ್ 2' ಸಿನಿಮಾ ಮೂಲಕ ಸ್ಯಾಂಡಲ್‌ವುಡ್‌ಗೂ ಅಡಿಯಿಡುತ್ತಿದ್ದಾರೆ ಸಂಜಯ್ ದತ್. ಒಂದಿಲ್ಲೊಂದು ವಿವಾದಗಳು ಸಂಜುಗೆ ತಪ್ಪಿದ್ದಲ್ಲ. ಇದೀಗ ಇವರ ಕುಟುಂಬದಲ್ಲಿ ಅಚಾನಕ್ ಆಗಿ ವಿಷಾದ ಒಂದು ಸಂಭವಿಸಿದೆ.

ಸಂಜಯ್ ದತ್ ಮಗಳು ತ್ರಿಷಾಲಾ ದತ್ ಪ್ರಿಯಕರ ಮೃತಪಟ್ಟಿದ್ದಾನೆ. ಈ ವಿಷಾದನೀಯ ಸಂಗತಿಯನ್ನು ಅವರು ಟ್ವಿಟರ್‌‍ನಲ್ಲಿ ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದ್ದಾರೆ. ತುಂಬಾ ಭಾವನಾತ್ಮಕವಾಗಿ ಪೋಸ್ಟ್ ಮಾಡಿದ್ದಾರೆ. [ಸಂಜಯ್‌ದತ್‌ ಫೋಟೊದಿಂದ ಸಿಕ್ಕಿ ಬಿದ್ದ ಆಟೊ ಚಾಲಕ]

"ಇಂದು ನನ್ನ ಹೃದಯ ಛಿದ್ರವಾಯಿತು. ನನ್ನನ್ನು ತುಂಬಾ ಪ್ರೀತಿಸಿದ ನಗು ಇನ್ನು ನೆನಪು ಮಾತ್ರ. ಇದನ್ನು ನೆನಪಿಸಿಕೊಂಡರೆ ಸಾಕು ನನ್ನ ಹೃದಯ ಸ್ತಬ್ಧವಾದ ಅನುಭವ ಆಗುತ್ತದೆ. ನನ್ನ ಬಗ್ಗೆ ನನಗಿಂತಲೂ ಹೆಚ್ಚಿನ ಕಾಳಜಿಯನ್ನು ನೀನು ತೆಗೆದುಕೊಂಡೆ. ನಿನಗೆ ಧನ್ಯವಾದಗಳು. ನನ್ನ ಜೀವನದಲ್ಲಿ ಎಂದೂ ಇಲ್ಲದಷ್ಟು ಸಂತಸ ನೀನು ನನಗೆ ನೀಡಿದೆ" ಎಂದಿದ್ದಾರೆ.

"ನಿನ್ನ ಪ್ರೀತಿಯನ್ನು ಪಡೆದ ನಾನು ಈ ಜಗತ್ತಿನಲ್ಲೇ ಎಲ್ಲರಿಗಿಂತ ಅದೃಷ್ಟವಂತ ಹುಡುಗಿ ಎಂದು ಭಾವಿಸುತ್ತೇನೆ. ನಿನ್ನವಳಾಗಿದ್ದಕ್ಕೆ ತುಂಬಾ ಖುಷಿಪಟ್ಟಿದ್ದೇನೆ. ನೀನು ನನ್ನಲ್ಲಿ ಶಾಶ್ವತವಾಗಿ ಬದುಕಿರುತ್ತೀಯ. ನೀನು ಎಲ್ಲಿಗೂ ಹೋಗಿಲ್ಲ. ಮತ್ತೆ ನಿನ್ನನ್ನು ಭೇಟಿಯಾಗುವ ಕ್ಷಣಕ್ಕಾಗಿ ನಾನು ಎದುರು ನೋಡುತ್ತಿದ್ದೇನೆ. ನಿನ್ನನ್ನು ಎಷ್ಟು ಮಿಸ್ ಆಗುತ್ತಿದ್ದೇನೋ ನನಗೆ ಮಾತ್ರ ಗೊತ್ತು. ಇಂದಿಗಿಂತ ನಾಳೆ ನಿನ್ನನ್ನು ನಾನು ಇನ್ನೂ ಹೆಚ್ಚು ಪ್ರೀತಿಸುತ್ತೇನೆ, ಪ್ರೀತಿಸುತ್ತಲೇ ಇರುತ್ತೇನೆ" ಎಂದು ಎಮೋಷನಲ್ ಆಗಿ ಟ್ವೀಟ್ ಮಾಡಿದ್ದಾರೆ.

ತ್ರಿಷಾಲಾ ಟ್ವೀಟ್ ನೋಡಿ ಎಲ್ಲರೂ ಶಾಕ್ ಆಗಿದ್ದಾರೆ. ತ್ರಿಷಾಲಾ ಇಟಾಲಿಯನ್ ಯುವಕನ ಜತೆಗೆ ಕೆಲವು ಕಾಲದಿಂದ ಪ್ರೀತಿಯಲ್ಲಿದ್ದರು. ಮದುವೆ ಸಹ ಆಗೋಣ ಎಂದು ಕನಸು ಕಂಡಿದ್ದರು. ಆದರೆ ಈಗ ವಿಧಿಯಾಟ ಈ ರೀತಿ ಮಾಡಿದೆ. ಸಂಜಯ್ ದತ್ ಮೊದಲ ಪತ್ನಿ ರಿಚಾ ಶರ್ಮಾ ಮಗಳು ತ್ರಿಷಾಲಾ ದತ್. ಇವರಿಂದ ಸಂಜಯ್ ದತ್ ಬಹಳ ಸಮಯದಿಂದ ದೂರ ಉಳಿದಿದ್ದಾರೆ.