ಮಾಜಿ ಗಂಡನ ಮದುವೆ ಬಳಿಕ ಮತ್ತೆ ಲವ್ವಲ್ಲಿ ಬಿದ್ದ ಅಮಲಾ ಪೌಲ್

ಹೆಬ್ಬುಲಿ ಹುಡುಗಿ ಅಮಲಾ ಪೌಲ್‌ ಈಗ ಅಡಾಯ್‌ ಸಿನಿಮಾದ ಮೂಲಕ ಸೌತ್‌ ಸಿನಿ ದುನಿಯಾದಲ್ಲಿ ಸಿಕ್ಕಾಪಟ್ಟೆ ಸದ್ದು ಮಾಡುತ್ತಿದ್ದಾರೆ. ಈಗ ಅವರು ಮತ್ತೆ ರಿಲೇಶನ್‌ಶಿಪ್‌ನಲ್ಲಿರುವುದಾಗಿ ಹೇಳುವ ಮೂಲಕ ಮತ್ತೊಂದು ಬಾರಿ ಸುದ್ದಿಯಾಗುತ್ತಿದ್ದಾರೆ.

ಹೌದು, ಅಡಾಯ್‌ ಸಿನಿಮಾಗೆ ಸಂಬಂಧಪಟ್ಟಂತೆ ಸಂದರ್ಶನವೊಂದರಲ್ಲಿ ಮಾತನಾಡುತ್ತಾ ' ನನ್ನ ಸಿನಿಮಾದ ಸ್ಕ್ರಿಪ್ಟ್‌ನ್ನು ನನಗೆ ಬೇಕಾದ ವ್ಯಕ್ತಿಯೊಬ್ಬರು ಕೇಳುತ್ತಾರೆ. ಆಮೇಲೆ ನಾನು ಅವರ ರಿಯಾಕ್ಷನ್‌ಗಾಗಿ ಕಾಯುತ್ತೇನೆ. ಅವರು ಓಕೆ ಮಾಡಿದಾಗ ನಾನು ಪಾತ್ರಕ್ಕಾಗಿ ಮಾನಸಿಕವಾಗಿ ಮತ್ತು ದೈಹಿಕವಾಗಿ ತಯಾರಾಗುತ್ತೇನೆ'ಎಂದಿದ್ದಾರೆ ಅಮಲಾ.

ಆ ವ್ಯಕ್ತಿಯ ಹೆಸರನ್ನು ಪ್ರಸ್ತಾಪ ಮಾಡದ ಅಮಲಾ 'ಒಬ್ಬ ತಾಯಿ ತನ್ನ ಮಕ್ಕಳಿಗಾಗಿ ತನ್ನ ವೈಯಕ್ತಿಕ ಬದುಕನ್ನು ತ್ಯಾಗ ಮಾಡುತ್ತಾಳೆ. ಅದೇ ರೀತಿ ನನ್ನ ಪಾಟ್ರ್ನರ್‌ ತಮ್ಮ ಕೆಲಸಕ್ಕೆ ರಾಜಿನಾಮೇ ನೀಡಿ ನನಗೆ ಪ್ರೋತ್ಸಾಹ ನೀಡುತ್ತಿದ್ದಾರೆ. ಇದೊಂದು ಪ್ರಾಮಾಣಿಕ ಪ್ರೀತಿ ಎಂದು ಹೇಳುತ್ತಾರವರು.

ಇನ್ನು ಅಮಲಾ ಈ ಹಿಂದೆ ನಿರ್ದೇಶಕ ವಿಜಯ್‌ ಅವರನ್ನು ವಿವಾಹವಾಗಿದ್ದರು. ಅದಾಗಿ ಒಂದೇ ವರ್ಷದಲ್ಲಿ ಇಬ್ಬರೂ ವಿಚ್ಛೇದನ ಪಡೆದು ದೂರವಾಗಿದ್ದರು. ಈಗ ಅಮಲಾ ವ್ಯಕ್ತಿಯೊಬ್ಬರೊಂದಿಗೆ ರಿಲೇಶನ್‌ಶಿಪ್‌ನಲ್ಲಿರುವುದಾಗಿ ಹೇಳಿಕೊಂಡಿದ್ದು, ಇದಕ್ಕೆ ತಮಿಳು ಚಿತ್ರರಂಗ ಯಾವ ರೀತಿ ಪ್ರತಿಕ್ರಿಯೆ ನೀಡುತ್ತದೋ ಕಾದು ನೋಡಬೇಕಿದೆ.