'ಮೈನೆ ಪ್ಯಾರ್ ಕಿಯಾ' ಖ್ಯಾತಿಯ ನಟಿ ಭಾಗ್ಯಶ್ರೀ ಪತಿ ಅರೆಸ್ಟ್

ಜನಪ್ರಿಯ ಬಾಲಿವುಡ್ ತಾರೆ ಭಾಗ್ಯಶ್ರೀ (ಮೈನೆ ಪ್ಯಾರ್ ಕಿಯಾ ಖ್ಯಾತಿಯ) ಪತಿ ಹಿಮಾಲಯ ದುಸ್ಸಾನಿ ಬಂಧನಕ್ಕೊಳಗಾಗಿದ್ದಾರೆ. ಜೂಜು ಪ್ರಕರಣದ ಭಾಗವಾಗಿ ಮುಂಬಯಿಯಲ್ಲಿನ ಅಂಬೋಲಿ ಪ್ರದೇಶದ ಪೊಲೀಸರು ದುಸ್ಸಾನಿಯನ್ನು ಅರೆಸ್ಟ್ ಮಾಡಿದ್ದಾರೆ.

ಸ್ಥಳೀಯ ನ್ಯಾಯಾಲಯದಲ್ಲಿ ಅವರನ್ನು ಹಾಜರುಪಡಿಸಿದ ಬಳಿಕ ಜಾಮೀನಿನ ಮೇಲೆ ಬಿಡುಗಡೆ ಮಾಡಿದರು. ಇತ್ತೀಚೆಗೆ ಸಬರ್ಬನ್ ಜೋಗೇಶ್ವರಿ ಪ್ರದೇಶದಲ್ಲಿ ಜೂಜಾಡುತ್ತಿದ್ದ ಕೆಲವು ಆರೋಪಿಗಳನ್ನು ಪೊಲೀಸರು ವಶಕ್ಕೆ ಪಡೆದಿದ್ದರು.

ಅವರನ್ನು ವಿಚಾರಣೆ ನಡೆಸಿದಾಗ ದಸ್ಸಾನಿ ಸಹ ಈ ಜಾಲದಲ್ಲಿ ಭಾಗಿಯಾಗಿದ್ದಾರೆಂದು ಗೊತ್ತಾಗಿದೆ. ಹಾಗಾಗಿ ಪೊಲೀಸರು ಅವರನ್ನು ವಶಕ್ಕೆ ಪಡೆದಿದ್ದರು. 1992ರಲ್ಲಿ ದಸ್ಸಾನಿ 'ಪಾಯಲ್' ಎಂಬ ಸಿನಿಮಾ ಮೂಲಕ ಚಿತ್ರೋದ್ಯಮಕ್ಕೆ ಅಡಿಯಿಟ್ಟರು. [ನನ್ನ ಗಂಡನ ಹೆಸರಿಡಿದು ಇದುವರೆಗೂ ಕರೆದಿಲ್ಲ: ನಟಿ ಭಾಗ್ಯಶ್ರೀ]

ಇದಿಷ್ಟೇ ಅಲ್ಲದೆ ನಿರ್ಮಾಪಕರಾಗಿ, ಉದ್ಯಮಿಯಾಗಿ ಒಳ್ಳೆಯ ಹೆಸರು ಸಂಪಾದಿಸಿದ್ದಾರೆ. ಇತ್ತೀಚೆಗೆ ಭಾಗ್ಯಶ್ರೀ ದಸ್ಸಾನಿ ಪುತ್ರ ಅಭಿಮನ್ಯು 'ಮರ್ದ್ ಕೋ ದರ್ದ್ ನಹಿ ಹೋತಾ' ಎಂಬ ಸಿನಿಮಾ ಮೂಲಕ ಬಾಲಿವುಡ್‌ಗೆ ಪರಿಚಯವಾಗಿದ್ದಾರೆ.