ಬಟ್ಟೆ ಕದ್ದ ಜನಪ್ರಿಯ ನಟಿ ಪ್ರಿಯಾಂಕಾ ಚೋಪ್ರಾ! ಫೋಟೋದಿಂದ ಬಯಲಾಯ್ತು ಸತ್ಯ

ಆನ್‌ಲೈನ್‌ನಲ್ಲಿ ಒಂದಲ್ಲ ಒಂದು ಟ್ರೆಂಡ್‌ ಸೃಷ್ಟಿ ಆಗುತ್ತಲೇ ಇರುತ್ತದೆ. ಕೆಲವು ದಿನಗಳಿಂದ 'How It Started and How It's Going' ಎಂಬ ವಿಷಯ ಜಾಲ್ತಿಯಲ್ಲಿದೆ. 'ಹೇಗೆ ಶುರುವಾಯಿತು ಮತ್ತು ಅದು ಈಗ ಹೇಗಿದೆ' ಎಂಬುದನ್ನು ವಿವರಿಸುವ ಯಾವುದೇ ವಿಷಯಗಳ ಎರಡು ಫೋಟೋ ಶೇರ್ ಮಾಡಿಕೊಳ್ಳುತ್ತಿದ್ದಾರೆ ನೆಟ್ಟಿಗರು. ಈ ಸಾಲಿಗೆ ನಟಿ ಪ್ರಿಯಾಂಕಾ ಚೋಪ್ರಾ ಕೂಡ ಸೇರಿಕೊಂಡಿದ್ದಾರೆ. ಈ ವೇಳೆ ಅವರು ಬಟ್ಟೆ ಕದ್ದ ಪ್ರಸಂಗ ಬಹಿರಂಗ ಆಗಿದೆ!

ಪ್ರಿಯಾಂಕಾ ಕೂಡ ಇನ್‌ಸ್ಟಾಗ್ರಾಮ್‌ನಲ್ಲಿ ಎರಡು ಫೋಟೋ ಶೇರ್‌ ಮಾಡಿಕೊಂಡಿದ್ದಾರೆ. ಒಂದರಲ್ಲಿ ಅವರ ಪತಿ ನಿಕ್‌ ಜೋನಸ್‌, ಮತ್ತೊಂದರಲ್ಲಿ ಪ್ರಿಯಾಂಕಾ ಇದ್ದಾರೆ. ಇಬ್ಬರೂ ಧರಿಸಿರುವ ಬಟ್ಟೆ ಒಂದೇ! ಅದನ್ನು ಸ್ವತಃ ಪ್ರಿಯಾಂಕಾ ಒಪ್ಪಿಕೊಂಡಿದ್ದಾರೆ. ಗಂಡನ ಬಟ್ಟೆಯನ್ನು ಕದ್ದಿರುವುದು ಹೌದು ಎಂದು ಅವರು ಒಪ್ಪಿಕೊಂಡಿದ್ದಾರೆ. 'ನಿಮ್ಮ ಬಟ್ಟೆಗಳನ್ನು ಕದಿಯಲು ಖುಷಿ ಆಗುತ್ತದೆ' ಎಂದು ಕ್ಯಾಪ್ಷನ್‌ ಕೂಡ ನೀಡಿದ್ದಾರೆ.

ಸಿನಿಮಾ ಲೋಕದಲ್ಲಿ ಪ್ರಿಯಾಂಕಾ ದೊಡ್ಡ ಸಾಧನೆ ಮಾಡಿದ್ದಾರೆ. ಘಟಾನುಘಟಿ ಬಾಲಿವುಡ್‌ ಸ್ಟಾರ್‌ಗಳ ಜೊತೆ ತೆರೆಹಂಚಿಕೊಂಡ ಬಳಿಕ ಅವರು ಹಾಲಿವುಡ್‌ಗೂ ಕಾಲಿಟ್ಟರು. ಈಗ ತಮ್ಮ ಬದುಕಿನ ಬಗ್ಗೆ ಜನರಿಗೆ ಇನ್ನಷ್ಟು ಮಾಹಿತಿ ನೀಡಲು ಪ್ರಿಯಾಂಕಾ ಸಿದ್ಧರಾಗಿದ್ದಾರೆ. ಅಂದರೆ, ಅವರ ಬಯೋಗ್ರಫಿ ಶೀಘ್ರದಲ್ಲೇ ಬಿಡುಗಡೆ ಆಗಲಿದೆ. ಈ ಪುಸ್ತಕಕ್ಕೆ ಅವರು 'ಅನ್‌ಫಿನಿಶ್ಡ್‌' ಎಂದು ಹೆಸರು ಇಟ್ಟಿದ್ದಾರೆ.

also read: ಆತ್ಮಕಥೆ ಬರೆದ ನಟಿ ಪ್ರಿಯಾಂಕಾ ಚೋಪ್ರಾ; ಇದರಲ್ಲಿ ಮುಚ್ಚಿಡಬಹುದಾದ ವಿಷಯ ಯಾವುದು?

'ನನ್ನ ಜೀವನದ ಬಗ್ಗೆ ನನ್ನದೇ ಪದಗಳಲ್ಲಿ ಈ ಪುಸ್ತಕ ವಿವರಿಸಲಿದೆ. ನನ್ನ ಬಗ್ಗೆ ಜನರು ಅಂದುಕೊಂಡಿರುವುದು ಏನು ಮತ್ತು ನಿಜವಾಗಿ ನನ್ನ ವ್ಯಕ್ತಿತ್ವ ಏನು ಎಂಬ ಬಗ್ಗೆ ಇದರಲ್ಲಿ ಮಾಹಿತಿ ಇರಲಿದೆ. ಒಂದು ಕಥೆಯ ರೀತಿಯಲ್ಲಿ ಜನರು ಇದನ್ನು ನೋಡಬಹುದು. ನಾನು ಪಟ್ಟಿರುವ ಕಷ್ಟಗಳ ಬಗ್ಗೆ ಯಾವಾಗಲೂ ಮೌನವಾಗಿದ್ದೆ. ಆದರೆ ಈ ಪುಸ್ತಕದ ಮೂಲಕ ಅದನ್ನು ಚರ್ಚಿಸಲಿದ್ದೇನೆ' ಎಂದು ಅವರು ಹೇಳಿದ್ದಾರೆ.

also read: ದೊಡ್ಡ ಹಗರಣದಲ್ಲಿ ಕೇಳಿಬಂತು ದೀಪಿಕಾ-ಪ್ರಿಯಾಂಕಾ ಹೆಸರು! ಮುಂಬೈ ಪೊಲೀಸರಿಂದ ತನಿಖೆ