ಶಾಕಿಂಗ್‌..! ಬಾಲಿವುಡ್‌ನ ಮತ್ತೊಂದು ಕಾಮಕಾಂಡ ಬಯಲು ಮಾಡಿದ ನಟಿ ಶೆರ್ಲಿನ್‌ ಚೋಪ್ರಾ!

ಡ್ರಗ್ಸ್‌ ಪ್ರಕರಣದಲ್ಲಿ ಬಾಲಿವುಡ್‌ನ kwan ಟ್ಯಾಲೆಂಟ್‌ ಮ್ಯಾನೇಜ್‌ಮೆಂಟ್‌ ಕಂಪನಿಯ ಕೈವಾಡ ಇರುವುದು ಈಗ ಬಯಲಾಗಿದೆ. ಅಷ್ಟೇ ಅಲ್ಲದೆ, ಈ ಕಂಪನಿಯ ಸಂಸ್ಥಾಪಕನೇ ಅಸಭ್ಯವಾಗಿ ನಡೆದುಕೊಂಡಿದ್ದಾನೆ ಎಂಬುದನ್ನು ನಟಿ ಶೆರ್ಲಿನ್‌ ಚೋಪ್ರಾ ವಿವರಿಸಿದ್ದಾರೆ. ಅವರು ನೀಡಿದ ಒಂದು ಸ್ಫೋಟಕ ಹೇಳಿಕೆ ಈಗ ಎಲ್ಲೆಡೆ ವೈರಲ್‌ ಆಗಿದೆ.

'ಒಂದು ಪ್ರಮುಖ ಟ್ಯಾಲೆಂಟ್ ಏಜೆನ್ಸಿಯ ಮ್ಯಾನೇಜಿಂಗ್‌ ಡೈರೆಕ್ಟರ್‌ರನ್ನು ಭೇಟಿ ಮಾಡಲು ಹೋಗಿದ್ದೆ. ಅವನು ನನ್ನನ್ನು ಮೇಲಿಂದ ಕೆಳಗೆ ನೋಡಲು ಶುರುಮಾಡಿದ. ಏನಾಯ್ತು ಸರ್‌? ನಾನು ಸರಿಯಾಗಿ ಬಟ್ಟೆ ಧರಿಸಿಲ್ಲವೇ ಎಂದು ಕೇಳಿದೆ. ಅದಕ್ಕೆ ಪ್ರತಿಕ್ರಿಯಿಸಿದ ಆತ, ಹಾಗೇನೂ ಇಲ್ಲ.. ನಿಮ್ಮ ಸ್ತನಗಳು ನಿಜವೇ? ನಾನು ಅದನ್ನು ಮುಟ್ಟಬಹುದೇ ಎಂದು ಪ್ರಶ್ನಿಸಿದ್ದ' ಎಂಬ ಶಾಕಿಂಗ್‌ ಸತ್ಯವನ್ನು ಶೆರ್ಲಿನ್‌ ಬಹಿರಂಗ ಪಡಿಸಿದ್ದಾರೆ.

'ನಿಮಗೆ ಮದುವೆ ಆಗಿದೆ ತಾನೆ? ನಿಮ್ಮ ಹೆಂಡತಿಯ ಸ್ತನಗಳನ್ನು ಸ್ಪರ್ಶಿಸಿ ರಿಯಲ್‌ ಹೌದೋ ಅಲ್ಲವೋ ಎಂಬುದನ್ನು ಪರೀಕ್ಷೆ ಮಾಡಿಕೊಳ್ಳಿ' ಎಂದು ಖಡಕ್‌ ಉತ್ತರ ನೀಡಿದ ಶೆರ್ಲಿನ್‌ ಚೋಪ್ರಾ ಅಲ್ಲಿಂದ ಹೊರಟು ಬಂದರಂತೆ. ಸುದ್ದಿ ವಾಹಿನಿಯೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಅವರು ಈ ವಿಚಾರ ಹೇಳಿಕೊಂಡಿದ್ದು, ಅದೇ ವಿಡಿಯೋವನ್ನು ಸೋಶಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಆ ವ್ಯಕ್ತಿಯ ಹೆಸರು ಅನಿರ್ಬನ್‌ ಎಂದು ಅವರು ಹೇಳಿದ್ದಾರೆ.

also read: ಬಾಲಿವುಡ್‌ ಕಾಮಕಾಂಡ! ಮಹೇಶ್‌ ಭಟ್‌, ಊರ್ವಶಿ ರೌಟೇಲಾ, ಮೌನಿ ರಾಯ್‌ಗೆ ಮಹಿಳಾ ಆಯೋಗ ನೋಟಿಸ್‌!

'ಆತನ ವರ್ತನೆಯಿಂದ ನನಗೆ ಶಾಕ್‌ ಆಯಿತು. ಒಬ್ಬ ವ್ಯಕ್ತಿ ಇಂಥ ಕೆಟ್ಟ ಪ್ರಶ್ನೆ ಕೇಳಲು ಹೇಗೆ ಸಾಧ್ಯ? ನನ್ನ ದೇಹದ ಅಂಗ ನಿಜ ಇರಬಹುದು ಅಥವಾ ನಕಲಿ ಆಗಿರಬಹುದು. ನಿಮಗೆ ಅದರಿಂದ ಏನು ಸಮಸ್ಯೆ? ನೀವು ಒಬ್ಬ ಮಹಿಳೆ ಜೊತೆಯಲ್ಲಿ ಈ ರೀತಿ ನಡೆದುಕೊಳ್ಳಬಾರದು. ನಿಮ್ಮ ಗುಪ್ತಾಂಗಗಳನ್ನು ಯಾರಾದರೂ ಮುಟ್ಟಿದರೆ ನಿಮಗೆ ಇಷ್ಟ ಆಗಬಹುದು. ಯಾವುದೇ ಮಹಿಳೆಗೆ ಇದೆಲ್ಲ ಸರಿ ಎನಿಸುವುದಿಲ್ಲ. ನನ್ನ ದೇಹದ ಅಂಗಗಳ ಗಾತ್ರಕ್ಕೂ ನನ್ನ ಪ್ರತಿಭೆಗೂ ಏನು ಸಂಬಂಧ?' ಎಂದು ಖಡಕ್‌ ತಿರುಗೇಟು ನೀಡಿದ್ದನ್ನು ಶೆರ್ಲಿನ್‌ ನೆನಪಿಸಿಕೊಂಡಿದ್ದಾರೆ.

also read: 'ನನ್ನೆದುರು ಬಟ್ಟೆ ಬಿಚ್ಚಿದರೆ ಸಿನಿಮಾ ಅವಕಾಶ ಕೊಡ್ತೀನಿ' ಎಂದಿದ್ದ ಜನಪ್ರಿಯ ನಿರ್ದೇಶಕ!