ಮುರಿದು ಬಿತ್ತು ನಟಿ ದಿಯಾ ಮಿರ್ಜಾ ಐದು ವರ್ಷಗಳ ದಾಂಪತ್ಯ ಬದುಕು

ಬಾಲಿವುಡ್‌ನ ಅತ್ಯಂತ ಮೋಹಕ ತಾರೆಗಳಲ್ಲಿ ನಟಿ ದಿಯಾ ಮಿರ್ಜಾ ಸಹ ಒಬ್ಬರು. ತಮ್ಮ ನಟನಾ ಕೌಶಲ್ಯ, ಸದಾ ಉಲ್ಲಾಸ ಉಕ್ಕುವಂತೆ ಇರುವ ದಿಯಾ ತನ್ನ ಅಭಿಮಾನಿಗಳಿಗೆ ಶಾಕ್ ನೀಡಿದ್ದಾರೆ. ತಮ್ಮ ಐದು ವರ್ಷಗಳ ದಾಂಪತ್ಯ ಜೀವನಕ್ಕೆ ತಿಲಾಂಜಲಿ ನೀಡಿದ್ದಾರೆ.

ಸಾಮಾಜಿಕ ಮಾಧ್ಯಮದಲ್ಲಿ ಬಲವಾದ ಅಭಿಪ್ರಾಯಗಳನ್ನು ಪ್ರತಿಪಾದಿಸುತ್ತಾ ಕ್ರಿಯಾಶೀಲವಾಗಿರುವ ದಿಯಾ ಮಿರ್ಜಾ ಮತ್ತವರ ಪತಿ ಸಾಹಿಲ್ ಸಂಘಾ ಪರಸ್ಪರ ಒಪ್ಪಿಗೆ ಮೇರೆಗೆ ವಿಚ್ಛೇದನ ಪಡೆದಿದ್ದಾರೆ. ಈ ಮೂಲಕ ಐದು ವರ್ಷಗಳ ದಾಂಪತ್ಯ ಜೀವನ ಮುರಿದು ಬಿದ್ದಿದೆ.

ಚಿತ್ರ ನಿರ್ಮಾಪಕರಾಗಿರುವ ಸಾಹಿಲ್ ಸಂಘಾರನ್ನು ಅಕ್ಟೋಬರ್ 18, 2014ರಲ್ಲಿ ವರಿಸಿದ್ದರು ದಿಯಾ ಮಿರ್ಜಾ. ಮದುವೆಗೂ ಮುನ್ನ ಈ ಜೋಡಿ ಒಟ್ಟು ಆರು ವರ್ಷಗಳ ಕಾಲ ಡೇಟಿಂಗ್‌ನಲ್ಲಿದ್ದರು.

ತನ್ನ ವಿಚ್ಚೇದನದ ಬಗ್ಗೆ ದಿಯಾ ಟ್ವಿಟರ್‌ನಲ್ಲಿ ಈ ರೀತಿ ಬರೆದುಕೊಂಡಿದ್ದಾರೆ. "ಸುಮಾರು 11 ವರ್ಷಗಳ ಕಾಲ ನಮ್ಮ ಬದುಕನ್ನು ಹಂಚಿಕೊಂಡೆವು ಮತ್ತು ಒಟ್ಟಿಗೆ ಇದ್ದೆವು. ಇದೀಗ ಪರಸ್ಪರ ಒಪ್ಪಿಗೆ ಮೇರೆಗೆ ದೂರವಾಗುತ್ತಿದ್ದೇವೆ" ಎಂದಿದ್ದಾರೆ. [ಹೇಗಿದ್ರು.. ಹೇಗಾದ್ರು ಗೊತ್ತಾ.. ವೈರಲ್‌ ಆಗ್ತಿದೆ 10 ಇಯರ್ ಚಾಲೆಂಜ್]

ಲಗೆ ರಹೊ ಮುನ್ನಾಭಾಯ್, ಹನಿಮೂನ್ ಟ್ರಾವೆಲ್ಸ್ ಪ್ರೈ.ಲಿ, ಶೂಟೌಟ್ ಅಟ್ ಲೋಖಂಡವಾಲ, ಓಂ ಶಾಂತಿ ಓಂ, ಸಲಾಂ ಮುಂಬೈ, ಸಂಜು ಮುಂತಾದ ಸಿನಿಮಾಗಳಲ್ಲಿ ಅಭಿನಯಿಸಿದ್ದಾರೆ ದಿಯಾ ಮಿರ್ಜಾ.