ಡಿನ್‌ಚಕ್‌ ಪೂಜಾ ಹಾಡು ಹಾಡಿದ ಸೋನು ನಿಗಮ್‌

ಮುಂಬಯಿ: ಯೂಟ್ಯೂಬ್ ಮೂಲಕ ಪಾಪ್ಯುಲರ್‌ ಆಗಿರುವ ಡಿನ್‌ಚಕ್‌ ಪೂಜಾ ಫಾಲೋವರ್ಸ್‌ಗೆ ಶಾಕಿಂಗ್‌ ಹಾಗೂ ಸಂತಸದ ಸುದ್ದಿಯಿದೆ.

ಶಾಕಿಂಗ್‌ ಏನೆಂದರೆ ಅವರ ಯೂಟ್ಯೂಬ್‌ ಚಾನೆಲ್‌ ಪೇಜ್‌ನಲ್ಲಿದ್ದ ಎಲ್ಲಾ ವೀಡಿಯೋಗಳನ್ನು ಡಿಲೀಟ್‌ ಮಾಡಲಾಗಿದೆ. ಸಂತಸದ ಸುದ್ದಿಯಂದರೆ ಖ್ಯಾತ ಗಾಯಕ ಸೊನು ನಿಗಮ್‌ ಪೂಜಾಳ ಇತ್ತೀಚಿನ ಹಾಡನ್ನು ಹಾಡಿದ್ದಾರೆ. ವೀಡೀಯೋ ಈಗ ವೈರಲ್‌ ಆಗಿದೆ.

ಕಟ್ಟಪ್ಪ ಸಿಂಗ್ ಎಂಬವವರು ಡಿನ್‌ಚಕ್‌ ಪೂಜಾಳ ಹಾಡುಗಳಿಗೆ ಕಾಪಿರೈಟ್ ಕ್ಲೇಮ್ ಮಾಡಿರುವ ಕಾರಣ ಯೂಟ್ಯೂಬ್‌ನಲ್ಲಿದ್ದ ಆಕೆಯ ವೀಡಿಯೋಗಳನ್ನು ಡಿಲೀಟ್ ಮಾಡಲಾಗಿದೆ.


ಆಕೆಯ ವೀಡಿಯೋಗಳು ಯೂಟ್ಯೂಬ್‌ನಲ್ಲಿ ಡಿಲೀಟ್ ಆಗುತ್ತಿದ್ದಂತೆಯೇ, ಸದ್ಯ ಡಿನ್‌ಚಕ್‌ ಪೂಜಾಳ ಶೋಷಣೆಯಿಂದ ಬಚಾವಾದೆವು ಎಂದು ಹಲವರು ನಿಟ್ಟುಸಿರುಬಿಟ್ಟಿದ್ದಾರೆ.

ಆದರೆ, ಪೂಜಾಳ ಅಭಿಮಾನಿಗಳಿಗೆ ಸೋನು ನಿಗಮ್‌ ಸಂತಸ ಪಡುವ ವೀಡಿಯೋವೊಂದನ್ನು ಹರಿಬಿಟ್ಟಿದ್ದಾರೆ.

ಲಂಡನ್‌ನಲ್ಲಿರುವ ಸೋನು ಅವರ ಫೇಸ್‌ಬುಕ್‌ ಪೇಜ್‌ನಲ್ಲಿ ಡಿನ್‌ಚಕ್ ಪೂಜಾಳ ‘ದಿಲೋಂಕಾ ಸ್ಕೂಟರ್’ ಹಾಡನ್ನು ಕುಮಾರ್ ಸಾನು ಶೈಲಿಯಲ್ಲಿ ಹಾಡುವ ಮೂಲಕ ಸೋನು ನಿಗಮ್ ಅಭಿಮಾನಿಗಳನ್ನು ರಂಜಿಸಿದ್ದಾರೆ.