Doha Jewellery Exhibition: ಕೆಂಪು ದೋಹಾದಲ್ಲಿ ಕಂಗೊಳಿಸುತ್ತಿರುವ ಐಶ್ವರ್ಯಾ ರೈ

ಮಾಜಿ 'ವಿಶ್ವ ಸುಂದರಿ' ಐಶ್ವರ್ಯಾ ರೈ ಮತ್ತೆ ಮಿರಮಿರ ಮಿಂಚುತ್ತಿದ್ದಾರೆ. 'ಇಂಟರ್‌ನ್ಯಾಷನಲ್ ಜ್ಯೂವೆಲ್ಲರಿ ಹಾಗೂ ವಾಚ್ ಎಕ್ಸಿಬ್ಯೂಷನ್ ಪ್ರಚಾರ ಕಾರ್ಯದಲ್ಲಿ ಸದ್ಯಕ್ಕೆ ತಮ್ಮನ್ನು ತಾವು ತೊಡಗಿಸಿಕೊಂಡಿದ್ದಾರೆ. ಐಶ್ವರ್ಯಾ ರೈ ತಮಗೆ ಸಿಕ್ಕ ಬಿಡುವಿನ ವೇಳೆಯಲ್ಲಿ ತಮ್ಮ ಅಭಿಮಾನಿಗಳಿಗಾಗಿ ಹಲವು ಫೋಟೋಗಳನ್ನು ತಮ್ಮ ಇನ್‌ಸ್ಟಾ ಗ್ರಾಂ ಪೇಜ್‌ನಲ್ಲಿ ಹಂಚಿಕೊಂಡಿದ್ದಾರೆ.

ಕೆಂಪು ಬಣ್ಭದ ದೋಹಾದಲ್ಲಿ ನಟಿ ಐಶ್ವರ್ಯಾ ರೈ ಬಚ್ಚನ್ ಸಖತ್ ಸುಂದರಿಯಂತೆ ಕಂಗೊಳಿಸುತ್ತದ್ದಾರೆ. ಸಾಮಾನ್ಯವಾಗಿ ಕೆಂಪು ಬಣ್ಣದ ಡ್ರೆಸ್‌ಗಳಲ್ಲಿ ಸುಂದರವಾಗಿ ಕಾಣುವ ಒಂದಾನೊಂದು ಕಾಲದ 'ವಿಶ್ವ ಸುಂದರಿ' ಐಶ್ವರ್ಯಾ ರೈ, ಈ ರೆಡ್ ಕಲರ್ ದೋಹಾದಲ್ಲೂ ಕೂಡ ಸೂಪರ್ ಎನ್ನುವಂತೆ ಕಂಗೊಳಿಸುತ್ತಿದ್ದಾರೆ. ಈ ಡ್ರೆಸ್‌ನಲ್ಲಿ ಐಶ್ವರ್ಯಾ ಅವರನ್ನು ನೋಡಿದ ಅಭಿಮಾನಿಗಳು ಫುಲ್ ಫಿದಾ ಆಗಿದ್ದಾರೆ.

ಈ ಬಗ್ಗೆ ಮಾತನಾಡಿರುವ ಐಶ್ವರ್ಯಾ ರೈ ಡಿಸೈನರ್ ಮಲ್ಹೋತ್ರಾ ಅವರು "ಕೆಂಪು ಬಣ್ಣದಲ್ಲಿ ಕಂಗೊಳಿಸುವ ಏಕೈಕ ಸುಂದರಿ" ಎಂದು ಐಶ್ವರ್ಯಾ ಅವರನ್ನು ವರ್ಣಿಸಿ ಸ್ವತಃ ಅವರೂ ಕೂಡ ನಟಿ ಐಶ್ವರ್ಯಾ ರೈ ಅವರ ಫೋಟೋಗಳನ್ನು ಶೇರ್ ಮಾಡಿದ್ದಾರೆ.


ತಾವು ಎಲ್ಲೇ ಇರಲಿ ಅಭಿಮಾನಿಗಳನ್ನು ಮರೆಯದ ಐಶ್ವರ್ಯಾ ರೈ ಅವರು ತಮ್ಮ ಬಗ್ಗೆ ಆಗಾಗ ಅಪ್‌ಡೇಟ್ ಮಾಡುತ್ತಲೇ ಇರುತ್ತಾರೆ. ಈ ಮೂಲಕ ತಮ್ಮ ಅಭಿಮಾನಿಗಳಿಗೆ ಇನ್ನೂ ಹತ್ತಿರವಾಗುತ್ತಲೇ ಇರುವ ಐಶ್ವರ್ಯಾ ರೈ ಈಗಲೂ ತಮ್ಮ ಸೌಂದರ್ಯವನ್ನು ಹಾಗೇ ಕಾಪಾಡಿಕೊಂಡಿದ್ದಾರೆ. ಯಾವುದೇ ಇಂಟರ್‌ನ್ಯಾಷನಲ್ ಕಾರ್ಯಕ್ರಮವಿರಲಿ, ಅಲ್ಲಿ ಅವರನ್ನು ಆಮಂತ್ರಿಸಿ ಆದರಿಸುವುದು ಪಕ್ಕಾ ಎಂಬಷ್ಟು ಖ್ಯಾತಿ ಹೊಂದಿದ್ದಾರೆ.

ಮದುವೆ ಬಳಿಕ ನಟಿ ಐಶ್ವರ್ಯಾ ರೈ ಅವರು ತಮ್ಮ ನಟನಾ ವೃತ್ತಿಯನ್ನು ಸಂಪೂರ್ಣವಾಗಿ ಕೈ ಬಿಟ್ಟಿಲ್ಲ. ಆದರೆ ಸಾಕಷ್ಟು ಚೂಸಿಯಾಗಿದ್ದಾರೆ. ಇತ್ತೀಚಿಗೆ ಅವರು ಅನಿಲ್ ಕಪೂರ್ ಜತೆ ನಟಿಸಿದ 'ಫನ್ನಿ ಖಾನ್' ಚಿತ್ರವು ಬಾಕ್ಸ್ ಆಫೀಸ್‌ನಲ್ಲಿ ಅಷ್ಟೊಂದು ಸದ್ದು ಮಾಡಲಿಲ್ಲ. ಆದರೆ, ಈಗಲೂ ಅವರ ಡಿಮ್ಯಾಂಡ್ ಏನೇನೂ ಕಮ್ಮಿಯಾಗಿಲ್ಲ. ಅಚ್ಚರಿ ಎಂಬಂತೆ ಬಾಲಿವುಡ್‌ನಲ್ಲಿ ಈಗ ಸಾಕಷ್ಟು ಯುವ ನಟಿಯರು ಇದ್ದರೂ ಕೂಡ ಈಗಲೂ ಮಾಡೆಲಿಂಗ್‌ನಲ್ಲಿ ಐಶ್ವರ್ಯಾ ರೈ ಮಿಂಚುತ್ತಿದ್ದಾರೆ. ಅದಕ್ಕೆ ಕಾರಣ, ಈಗಲೂ ಅವರ ಗ್ಲಾಮರ್ ಸ್ವಲ್ಪವೂ ಕುಂದಿಲ್ಲದಿರುವುದು ಎನ್ನಬಹುದು.

ಒಟ್ಟಿನಲ್ಲಿ, ಇನ್‌ಸ್ಟಾ ಗ್ರಾಂನಲ್ಲಿ ಕೆಂಪು ಬಣ್ಣದ ದೋಹಾದಲ್ಲಿ ಕಂಗೊಳಿಸುತ್ತಿರುವ ಐಶ್ವರ್ಯಾ ರೈ ಅವರನ್ನು ಕಣ್ತುಂಬಿಕೊಳ್ಳಲು ಕಣ್ಣೆರಡು ಸಾಲದು ಎನ್ನುತ್ತಿದೆ ಸಾಮಾಜಿಕ ಜಾಲತಾಣ!