ಐಶ್ವರ್ಯಾ ರೈಯವರು ತಮ್ಮ ಮಗಳು ಆರಾಧ್ಯಾ ಬಚ್ಚನ್‌ರನ್ನು ಸಂತೋಷಗೊಳಿಸುವ ಯಾವುದೇ ಕ್ಷ ಣವನ್ನೂ ಮಿಸ್‌ ಮಾಡಿಕೊಳ್ಳುವುದಿಲ್ಲ. ಇತ್ತೀಚೆಗೆ ಅವರು ಎಲ್ಲಾ ತಾಯಂದಿರಂತೆ ತಾವು ಕೂಡಾ ಮಗಳ ಸ್ಕೂಲ್‌ ಡೇ ಕಾರ್ಯಕ್ರಮಕ್ಕೆ ಹೋಗಿ ಮಗಳ ಪಠ್ಯೇತರ ಚಟುವಟಿಕೆಗಳನ್ನು ಆಸಕ್ತಿಯಿಂದ ನೋಡುತ್ತಿದ್ದರು. ಮಗಳ ಡಾನ್ಸ್‌ ಅನ್ನು ಮೊಬೈಲ್‌ನಲ್ಲಿ ಚಿತ್ರೀಕರಿಸಿಕೊಳ್ಳುತ್ತಿದ್ದ ಅವರು ಇದಕ್ಕಿದ್ದಂತೆ ಎದ್ದು ನಿಂತು ಮಗಳ ಕೈ ಹಿಡಿದು ಡಾನ್ಸ್‌ ಮಾಡಲಾರಂಭಿಸಿದರು. ಬದ್ರಿ ಕಿ ದುಲ್ಹನಿಯಾ ಸಿನಿಮಾ ಹಾಡಿಗೆ ಕುಣಿಯುತ್ತಿದ್ದ ಈ ತಾಯಿ ಮಗಳ ಜೋಡಿ ನೋಡಿ ಎಲ್ಲರೂ ಜೋರಾಗಿ ಚಪ್ಪಾಳೆ ತಟ್ಟಿದರು.
ಇವರಿಬ್ಬರನ್ನು ನೋಡಿ ಅಲ್ಲೇ ಇದ್ದ ಆಮಿರ್‌ ಖಾನ್‌ರ ಮಗ ಅಜಾದ್‌ ಕೂಡಾ ವೇದಿಕೆಯೇರಿ ಅವರೊಂದಿಗೆ ಡಾನ್ಸ್‌ ಮಾಡಲು ಆರಂಭಿಸಿದ. ಕೆಂಪು ಮತ್ತು ನೀಲಿ ಬಣ್ಣದ ಡ್ರೆಸ್‌ ಧರಿಸಿದ್ದ ಆರಾಧ್ಯಾ ಮತ್ತು ಅಜಾದ್‌ ಮುದ್ದು ಮುದ್ದಾಗಿ ಕಾಣುತ್ತಿದ್ದರಂತೆ. ಈ ಕುರಿತ ವಿಡಿಯೋ ಈಗ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ.