ಐಶ್ವರ್ಯಾ ರೈಯವರ ಫೇವರಿಟ್‌ ನಟ ಅಭಿಷೇಕ್‌ ಬಚ್ಚನ್‌

ಸುರ ಸುಂದರಿ ನಟಿ ಐಶ್ವರ್ಯಾ ರೈಯವರ ಮೆಚ್ಚಿನ ನಟ ಯಾರು ಗೊತ್ತೇ? ಸ್ವತಃ ಅವರ ಪತಿಯೇ ಆಗಿರುವ ನಟ ಅಭಿಷೇಕ್‌ ಬಚ್ಚನ್‌. ಹೌದು. ಜೂನಿಯರ್‌ ಬಚ್ಚನ್‌, ಐಶ್‌ ಅವರ ಫೇವರಿಟ್‌ ನಟ. ಇದನ್ನು ಅವರೇ ಹೇಳಿಕೊಂಡಿದ್ದಾರೆ. ಇತ್ತೀಚೆಗೆ ಸಂದರ್ಶನವೊಂದರಲ್ಲಿ ಮಾತನಾಡುತ್ತಿದ್ದ ಅವರು, ತಾವು ತಮ್ಮ ಮಗಳನ್ನು ತುಂಬಾ ಪ್ರೀತಿಸುತ್ತೇನೆ. ಅವಳಿಗೆ ಸ್ಟೈಲ್‌ ಮಾಡಲು ನನಗಿಷ್ಟ ಎಂದು ಹೇಳಿದ್ದಾರೆ. ಆಗ ನಿಮ್ಮ ಮೆಚ್ಚಿನ ನಟ ಯಾರು ಎಂದು ಕೇಳಿದ ಪ್ರಶ್ನೆಗೆ ಐಶ್‌, ಹಬ್ಬಿ ಅಭಿಷೇಕ್‌ ಬಚ್ಚನ್‌ ಎಂದು ಹೇಳಿದ್ದಾರೆ.

ಇತ್ತೀಚೆಗೆ ಕಾನ್ಸ್‌ ಚಿತ್ರೋತ್ಸವದಲ್ಲೂ ವಿಶೇಷವಾದ ಉಡುಪು ಧರಿಸಿ ಮಿಂಚಿದ ಐಶ್ವರ್ಯಾ ರೈ ಅಲ್ಲಿಗೆ ತಮ್ಮ ಮಗಳನ್ನೂ ಕರೆದುಕೊಂಡು ಹೋಗಿದ್ದರು. ಈಗ ಅವರು ಇನ್‌ಸ್ಟಾಗ್ರಾಮ್‌ನಲ್ಲೂ ಸಕ್ರಿಯವಾಗಿದ್ದಾರೆ.