ಸೂಪರ್‌ ಸ್ಟಾರ್‌ ರಜನಿಕಾಂತ್‌ ಮತ್ತು ಬಾಲಿವುಡ್‌ ಆ್ಯಕ್ಷ ನ್‌ ಕಿಂಗ್‌ ಅಕ್ಷ ಯ… ಕುಮಾರ್‌ ಒಟ್ಟಿಗೆ ಕಾಣಿಸಿಕೊಳ್ಳುತ್ತಿರುವ ಚಿತ್ರ 2.0. ಖ್ಯಾತ ನಿರ್ದೇಶಕ ಶಂಕರ್‌ ಆ್ಯಕ್ಷನ್‌ ಕಟ್‌ ಹೇಳುತ್ತಿರುವ ಈ ಸಿನಿಮಾದಲ್ಲಿ ರಜಿನಿಕಾಂತ್‌ಗಿಂತಲೂ ಅಕ್ಷಯ್‌ಕುಮಾರ್‌ ಅವರಿಗೆ ಹೆಚ್ಚಿನ ಸಂಭಾವನೆ ನೀಡಲಾಗಿದೆ ಎಂಬ ಸುದ್ದಿ ಹರಿದಾಡುತ್ತಿದೆ.
ಕೆಲ ಮೂಲಗಳ ಪ್ರಕಾರ ಅಕ್ಷ ಯ… ಕುಮಾರ್‌ ದಿನಕ್ಕೆ ಸುಮಾರು 2 ಕೋಟಿ ರೂ. ಪಡೆಯುತ್ತಿದ್ದು, ಇದು ರಜನಿಕಾಂತ್‌ ಸಂಭಾವನೆಯನ್ನು ಮೀರಿಸಿದೆಯಂತೆ.
ಈ ಚಿತ್ರದಲ್ಲಿ ಅಕ್ಷ ಯ… ಕುಮಾರ್‌ ವಿಲನ್‌ ಪಾತ್ರದಲ್ಲಿ ಕಾಣಿಸಿಕೊಂಡಿರುವುದು ಮತ್ತೊಂದು ವಿಶೇಷ. ಈಗಾಗಲೇ ಅಕ್ಷ ಯ… ಹೊಸ ಗೆಟಪ್‌ ಚಿತ್ರದ ಬಗ್ಗೆ ಸಾಕಷ್ಟು ನಿರೀಕ್ಷೆ ಮೂಡಿಸಿದೆ. ಈ ಹಿಂದೆ ತೆರೆಕಂಡ ರೋಬೋಚ್‌ ಚಿತ್ರದ ಸಿಕ್ವೆಲ್‌ ಇದಾಗಿದ್ದು, ಸುಮಾರು 350 ರಿಂದ 400 ಕೋಟಿ ರೂ. ಬಜೆಟ್‌ನಲ್ಲಿ ನಿರ್ಮಾಣವಾಗುತ್ತಿದೆ. ಬರುವ ದೀಪಾವಳಿ ಹಬ್ಬಕ್ಕೆ 2.0 ಚಿತ್ರ ತೆರೆಗೆ ಬರುವ ನಿರೀಕ್ಷೆಯಿದೆ. ಇಬ್ಬರು ದಿಗ್ಗಜರನ್ನೂ ಒಂದೇ ಪರದೆಯ ಮೇಲೆ ನೋಡಲು ಅಭಿಮಾನಿಗಳು ತುದಿಗಾಲಲ್ಲಿ ಕಾಯುತ್ತಿದ್ದಾರೆ.
ಯೋಧರಿಗೆ ಅಕ್ಕಿ ನೆರವು
ಮೂರು ತಿಂಗಳ ಹಿಂದೆ ಅಮರ ಯೋಧರಗೆ ಗೌರವ ಸೂಚಕವಾಗಿ ಅಕ್ಷ ಯ್‌ ಕುಮಾರ್‌ ಒಂದು ಅದ್ಭುತ ಐಡಿಯೊಂದನ್ನು ಹೇಳಿದ್ದರು. ಅದೀಗ ಕಾರ್ಯರೂಪಕ್ಕೆ ಬಂದಿದೆ.
ವೆಬ್‌ಸೈಟ್‌ ಒಂದನ್ನು ಸ್ಥಾಪಿಸಿ ಆ ಮೂಲಕ ಯೋಧರ ಕುಟುಂಬಗಳಿಗೆ ಸಹಾಯ ಮಾಡ ಬಯಸುವ ಸಾರ್ವಜನಿಕರಿಂದ ಹಣ ಸಂಗ್ರಹಿಸಿ ಅದನ್ನು ಮೃತ ಯೋಧರ ಕುಟುಂಬಗಳಿಗೆ ನೀಡುವ ಯೋಜನೆ ಬಗ್ಗೆ ಅಕ್ಷ ಯ್‌ ಕುಮಾರ್‌ ಗೃಹಸಚಿವರೊಂದಿಗೆ ಮಾತುಕತೆ ನಡೆಸಿದ್ದರು.
ಇದೀಗ ಸಿಆರ್‌ಪಿಎಫ್‌ ಶೌರ್ಯದಿನಂದು ವೆಬ್‌ ಸೈಟ್‌ ಬಿಡುಗಡೆಯಾಗಿದ್ದು, ಈ ಸಂದರ್ಭದಲ್ಲಿ ಗೃಹಸಚಿವ ರಾಜನಾಥ್‌ ಸಿಂಗ್‌ ಜತೆ ನಟ ಅಕ್ಷ ಯ್‌ ಕುಮಾರ್‌ ಉಪಸ್ಥಿತರಿದ್ದರು. ವೆಬ್‌ಸೈಟ್‌ ಮೂಲಕ ಸಂಗ್ರಹವಾಗುವ ಹಣವನ್ನು ಬಲಿದಾನ ಮಾಡಿದ ವೀರ ಯೋಧರ ಪ್ರತಿ ಕುಟುಂಬಕ್ಕೆ 15 ಲಕ್ಷ ದವರೆಗೆ ಹಣ ಸಹಾಯ ಮಾಡಬಹುದಾಗಿದೆ. ವೀರ ಯೋಧರ ಕುಟುಂಬಗಳಿಗೆ ಅಕ್ಷ ಯ್‌ ಕುಮಾರ್‌ ಈವರೆಗೆ 1.09 ಕೋಟಿ ಹಣ ಸಹಾಯ ಮಾಡಿದ್ದಾರೆ.