ಆಲಿಯಾ ಭಟ್‌ ಡಿಫರೆಂಟ್ ಬ್ಯಾಗ್‌ ನೋಡಿ ಪಕಪಕ ನಗಾಡಿದ ಟ್ರಾಲಿಗರು

ಕ್ಯೂಟ್ ಬೆಡಗಿ ಆಲಿಯಾ ಭಟ್ ಅಭಿನಯದ ಬಗ್ಗೆ ಯಾರೂ ಬೆರಳು ತೋರಿಸುವಂತಿಲ್ಲ. ಬಾಲಿವುಡ್‌ನ ಟಾಪ್ ನಟಿಯರಲ್ಲಿ ಒಬ್ಬರು ಎಂಬ ಬಗ್ಗೆ ಎರಡು ಮಾತಿಲ್ಲ. ಕೇವಲ ನಟಿಯಾಗಿ ಅಷ್ಟೇ ಅಲ್ಲ, ಸ್ಟೈಲ್ ದಿವಾ ಎಂದೂ ಕರೆಸಿಕೊಂಡಿದ್ದಾರೆ.

ಆಗಾಗ ವಿಚಿತ್ರ ಉಡುಗೆ ತೊಡುಗೆ ಮೂಲಕ ಗಮನಸೆಳೆಯುತ್ತಿರುತ್ತಾರೆ ಆಲಿಯಾ ಭಟ್. ಇತ್ತೀಚೆಗೆ ಕೊರಳಿಗೆ ಎರಡು ಬ್ಯಾಗ್ ನೇತು ಹಾಕಿಕೊಂಡು ಏರ್‌ಪೋರ್ಟ್‌ನಲ್ಲಿ ಕಾಣಿಸಿಕೊಂಡಿದ್ದರು ಆಲಿಯಾ. ವೈಟ್ ಟಾಪ್, ಡಾರ್ಕ್ ಬ್ಲೂ ಜೀನ್ಸ್‌ ತೊಟ್ಟಿದ್ದ ಆಲಿಯಾ ಮೇಕಪ್ ಇಲ್ಲದೆ ಸರಳವಾಗಿ ಕಾಣಿಸಿಕೊಂಡಿದ್ದರು.

ಎಲ್ಲರ ಗಮನಸೆಳೆದದ್ದು ಮಾತ್ರ ರೆಡ್ ಸೈಡ್ ಪ್ಯಾಕ್ ಬ್ಯಾಗ್‍. ಯಾಕೆಂದರೆ ಈ ಬ್ಯಾಗ್ ಬೆಲೆ ಸುಮಾರು ₹ 6 ಲಕ್ಷ ಎನ್ನಲಾಗಿದೆ. ಆದರೆ ಟ್ರಾಲಿಗರು ಮಾತ್ರ ಇದ್ಯಾವುದನ್ನೂ ಲೆಕ್ಕಕ್ಕೆ ತೆಗೆದುಕೊಳ್ಳದೆ ನಾನಾ ರೀತಿ ಟ್ರಾಲ್ ಮಾಡಿ ಆಲಿಯಾರನ್ನು ಗೋಳು ಹೊಯ್ದುಕೊಂಡಿದ್ದಾರೆ.

"ನೋಡಕ್ಕೆ ಕೊಳಕು ಬ್ಯಾಗ್ ಮಾರುವವರಂತೆ ಇದ್ದಾರೆ" ಎಂದು ಕೆಲವರು ಕಾಮೆಂಟ್ ಮಾಡಿದ್ದಾರೆ. "ದೊಡ್ಡದಾದ ಒಂದೇ ಬ್ಯಾಗ್ ತಗೋಬಹುದಿತ್ತು, ಈ ರೀತಿ ಎರಡು ಬ್ಯಾಗ್ ಹಾಕಿಕೊಂಡು ಒಳ್ಳೆ ಕಾರ್ಟೂನ್ ತರಹ ಕಾಣ್ತಿದ್ದೀರಾ" ಎಂದು ಕಾಮೆಂಟ್ ಮಾಡಿದ್ದಾರೆ.

ಬಸ್ ಕಂಡಕ್ಟರ್ ಬ್ಯಾಗ್ ಎಂದು ಕೆಲವರು, ಕಳಂಕ್ ಬ್ಯಾಗ್ ಎಂದು ಇನ್ನೂ ಕೆಲವರು ಕಾಲೆಳೆದಿದ್ದಾರೆ. ಪರ್ಸ್ ತುಂಬಾ ಸ್ಟೈಲ್ ಆಗಿದೆ. ದಿನದಿಂದ ದಿನಕ್ಕೆ ಇವರು ಕಾರ್ಟೂನ್ ತರಹ ಆಗುತ್ತಿದ್ದಾರೆ. ಈ ಫೋಟೋ ನೋಡುತ್ತಿದ್ದರೆ ನಗು ತಡೆದುಕೊಳ್ಳಲಿಕ್ಕೆ ಆಗ್ತಾ ಇಲ್ಲ ಎಂಬ ಕಾಮೆಂಟ್‌ಗಳು ಹರಿದು ಬಂದಿವೆ.