ನನಗೆ ಓಶೋ ರಜನೀಶರ ಆಪ್ತ ಶಿಷ್ಯೆ ಮಾ ಆನಂದ್‌ ಶೀಲಾ ಪಾತ್ರ ಮಾಡುವ ಅವಕಾಶ ಸಿಕ್ಕಿದರೆ ಸಂತೋಷ ಪಡುವೆ ಎಂದು ಬಾಲಿವುಡ್‌ ನಟಿ ಆಲಿಯಾ ಭಟ್‌ ಹೇಳಿದ್ದಾರೆ. ಅವರ ಬಯೋಪಿಕ್‌ನಲ್ಲಿ ಅವರ ಪಾತ್ರ ಮಾಡಲು ನಾನು ಸೂಕ್ತ ಎಂದು ಅವರಿಗೇ ಅನಿಸುತ್ತಿದ್ದರೆ ಅದು ನನಗೆ ಸಿಕ್ಕಿದ ಗೌರವವೆಂದು ಭಾವಿಸುತ್ತೇನೆ. ಆ ಸಿನಿಮಾ ನಿರ್ಮಾಣವಾದರೆ ಅದರಲ್ಲಿ ನಟಿಸಲು ನಾನು ತುಂಬಾ ಸಂತೋಷ ಪಡುತ್ತೇನೆ ಎಂದು ಆಲಿಯಾ ತಿಳಿಸಿದ್ದಾರೆ.

ಈ ಮೊದಲು ಮಾ ಆನಂದ್‌ ಶೀಲಾ ಪಾತ್ರವನ್ನು ಪ್ರಿಯಾಂಕಾ ಚೋಪ್ರ ಮಾಡಲಿದ್ದಾರೆ ಎಂದು ಹೇಳಲಾಗಿತ್ತು. ಈ ಬಗ್ಗೆ ಇತ್ತೀಚೆಗೆ ಪ್ರತಿಕ್ರಿಯಿಸಿದ್ದ ಆನಂದ್‌ ಶೀಲಾ, ನನ್ನ ಬಯೋಪಿಕ್‌ನಲ್ಲಿ ನನ್ನ ಪಾತ್ರ ಮಾಡಲು ಆಲಿಯಾ ಭಟ್‌ ಸೂಕ್ತವಾಗುತ್ತಾರೆ ಎಂದು ಹೇಳಿದ್ದಾರೆ. ಮಾತ್ರವಲ್ಲದೆ, ತಮ್ಮ ಅನುಮತಿ ಇಲ್ಲದೆ ತಮ್ಮ ಬದುಕಿನ ಬಗ್ಗೆ ಸಿನಿಮಾ ಮಾಡಲು ಮುಂದಾಗಿದ್ದ ಪ್ರಿಯಾಂಕಾ ಚೋಪ್ರಾ ವಿರುದ್ಧ ಲೀಗಲ್‌ ನೋಟಿಸ್‌ ಕೂಡ ಕಳಿಸಿದ್ದರು.

ಆಸ್ಕರ್‌ನಲ್ಲಿ ನಿರಾಸೆ ಮೂಡಿಸಿದ್ದ 'ಗಲ್ಲಿ ಬಾಯ್‌' ಚಿತ್ರಕ್ಕೆ 65ನೇ ಅಮೆಜಾನ್‌ ಫಿಲ್ಮ್‌ಫೇರ್‌ ಅವಾರ್ಡ್ಸ್‌ನಲ್ಲಿ ಪ್ರಶಸ್ತಿಗಳ ಸುರಿಮಳೆ!

ಇನ್ನು ಸಿನಿಮಾ ವಿಚಾರಕ್ಕೆ ಬಂದರೆ ಸದ್ಯಕ್ಕೆ ಆಲಿಯಾ ಭಟ್ ಟಾಲಿವುಡ್‌ನ ಆರ್‌‍ಆರ್‌ಆರ್ ಸಿನಿಮಾದಲ್ಲಿ ಅಭಿನಯಿಸುತ್ತಿದ್ದಾರೆ. ಈ ಚಿತ್ರದಲ್ಲಿ ರಾಮ್ ಚರಣ್‌ಗೆ ಜೋಡಿಯಾಗಿ ಕಾಣಿಸಲಿದ್ದಾರೆ. ಇದರ ಜೊತೆಗೆ ಬಾಲಿವುಡ್‌ನ ಸಡಕ್ 2, ಗಂಗೂಬಾಯ್ ಕಥಿಯಾವಾಡಿ, ಬ್ರಹ್ಮಾಸ್ತ್ರ ಸಿನಿಮಾಗಳಲ್ಲೂ ಅಭಿನಯಿಸುತ್ತಿದ್ದಾರೆ.

'65ನೇ ಅಮೇಜಾನ್ ಫಿಲ್ಮ್‌ಫೇರ್‌ ಅವಾರ್ಡ್ಸ್‌ 2020'ರ ವಿಜೇತರ ಲಿಸ್ಟ್‌ ಇಲ್ಲಿದೆ