ಕರಣ್‌ ಜೋಹರ್‌ರನ್ನು ಕೊಂಡಾಡಿದ ಆಲಿಯಾ ಭಟ್‌

ಬಾಲಿವುಡ್‌ ನಟಿ ಆಲಿಯಾ ಭಟ್‌ ಇತ್ತೀಚಿನ ಸಂದರ್ಶನವೊಂದರಲ್ಲಿ ಸಿನಿಮಾ ನಿರ್ಮಾಪಕ ಕರಣ್‌ ಜೋಹರ್‌ರನ್ನು ಸಿಕ್ಕಾಪಟ್ಟೆ ಕೊಂಡಾಡಿದ್ದಾರೆ. ಕರಣ್‌ ಜೊತೆ ನಾನು ಯಾವುದೇ ವಿಷಯವನ್ನು ಮುಕ್ತವಾಗಿ ಹಂಚಿಕೊಳ್ಳುತ್ತೇನೆ. ಅವರೊಂದಿಗೆ ಮಾತನಾಡಿದ ಮೇಲೆ ನಾನು ರಿಫ್ರೆಶ್‌ ಆಗುತ್ತೇನೆ. ಅವರೊಂದಿಗೆ ಕೆಲಸ ಮಾಡುವುದು ತುಂಬಾ ಖುಷಿ ಉಂಟು ಮಾಡುತ್ತದೆ ಎಂದು ಹೇಳಿದ್ದಾರೆ.

ಮೂಲತಃ ಆಲಿಯಾರನ್ನು ಬಾಲಿವುಡ್‌ ಲಾಂಚ್‌ ಮಾಡಿದ್ದೇ ಕರಣ್‌ ಜೋಹರ್‌. ಸ್ಟೂಡೆಂಟ್‌ ಆಫ್‌ ದ ಯಿಯರ್‌ ಸಿನಿಮಾ ಮೂಲಕ ಅವರನ್ನು ಪರಿಚಯಿಸಿದ ಕರಣ್‌, ಆಮೇಲೆ ತಮ್ಮ ಹಲವು ಸಿನಿಮಾಗಳಲ್ಲಿ ಆಲಿಯಾರಿಗೆ ಅವಕಾಶ ಕೊಟ್ಟಿದ್ದಾರೆ. ಆಲಿಯಾರ ಮೆಂಟರ್‌ ಕೂಡಾ ಆಗಿರುವ ಕರಣ್‌ ಜೋಹರ್‌ ನಿರ್ಮಾಣದ ರಾಝಿ ಸಿನಿಮಾದಲ್ಲೂ ಆಲಿಯಾ ಉತ್ತಮ ಅಭಿನಯ ತೋರಿ ಗಮನ ಸೆಳೆದಿದ್ದಾರೆ. ಇದೀಗ ಧರ್ಮ ಪ್ರೊಡಕ್ಷ ನ್ಸ್‌ನ ಕಲಂಕ್‌ ಸಿನಿಮಾದಲ್ಲೂ ಅವರಿದ್ದಾರೆ.