ಮದುವೆ ಎಂದರೆ ನಾಚಿಕೊಳ್ಳುವ ಆಲಿಯಾ ಭಟ್‌

ಬಾಲಿವುಡ್‌ ನಟಿ ಆಲಿಯಾ ಭಟ್‌ಗೆ ಮದುವೆ ಬಗ್ಗೆ ಕೇಳಿದರೆ ನಾಚಿಕೆಯಾಗುತ್ತದಂತೆ. ಅದರಲ್ಲೂ ರಣಬೀರ್‌ ಕಪೂರ್‌ ಜೊತೆಗಿನ ಸಂಬಂಧದ ಬಗ್ಗೆ ಏನು ಕೇಳಿದರೂ ನನಗೆ ತುಂಬಾ ನಾಚಿಕೆಯಾಗುತ್ತದೆ ಎಂದು ಸ್ವತಃ ಅವರೇ ಹೇಳಿಕೊಂಡಿದ್ದಾರೆ. ಇತ್ತೀಚೆಗೆ ಅವರ ತಂದೆ ಮಹೇಶ್‌ ಭಟ್‌ ಅವರು ಆಲಿಯಾ ಭಟ್‌ ಮತ್ತು ರಣಬೀರ್‌ ಕಪೂರ್‌ ನಡುವಿನ ಸಂಬಂಧವನ್ನು ಒಪ್ಪಿಕೊಂಡಿದ್ದರು.

ಈ ಬಗ್ಗೆ ಆಲಿಯಾ ಬಳಿ ಕೇಳಿದಾಗ ಅವರು, ನೀವು ಭವಿಷ್ಯದ ಬಗ್ಗೆ ಯಾಕೆ ಪ್ರಶ್ನೆ ಕೇಳುವಿರಿ. ವರ್ತಮಾನದಲ್ಲಿ ಬದುಕಿ. ನನಗೆ ಈ ಬಗ್ಗೆ ಮಾತನಾಡಲು ಇಷ್ಟವಿಲ್ಲ. ರಣಬೀರ್‌ ಕಪೂರ್‌ ಜೊತೆಗೆ ನನ್ನ ಮದುವೆ ಬಗ್ಗೆ ಮಾತನಾಡಲು ನನಗೆ ನಾಚಿಕೆಯಾಗುತ್ತದೆ. ನನ್ನ ತಂದೆಯೇ ನನ್ನ ಪ್ರಪಂಚ ಎಂದು ಉತ್ತರಿಸಿದ್ದಾರೆ. ಆಲಿಯಾ ಮತ್ತು ರಣಬೀರ್‌ ಸದ್ಯಕ್ಕೆ ಬ್ರಹ್ಮಾಸ್ತ್ರ ಸಿನಿಮಾದಲ್ಲಿ ಒಟ್ಟಿಗೆ ನಟಿಸುತ್ತಿದ್ದಾರೆ.