ಸಂಜು ಪಾತ್ರ ಬಯಸಿದ್ದ ಆಮಿರ್‌ ಖಾನ್‌

ಬಾಲಿವುಡ್‌ ನಟ ಸಂಜಯ್‌ ದತ್‌ ಬಯೋಪಿಕ್‌ ಸಂಜು ಸಿನಿಮಾದ ಮುಖ್ಯ ಪಾತ್ರ ಅಂದರೆ ರಣಬೀರ್‌ ಕಪೂರ್‌ ನಿರ್ವಹಿಸುತ್ತಿರುವ ಸಂಜಯ್‌ ದತ್‌ ಪಾತ್ರವನ್ನು ನಟ ಆಮಿರ್‌ ಖಾನ್‌ ಬಯಸಿದ್ದರಂತೆ. ಆದರೆ ಅವರಿಗೆ ಈ ಸಿನಿಮಾದಲ್ಲಿ ಸಂಜಯ್‌ ದತ್‌ ಅವರ ತಂದೆ ಸುನಿಲ್‌ ದತ್‌ ಪಾತ್ರ ಮಾಡಲು ಆಫರ್‌ ಬಂದಿತ್ತಂತೆ. ಈ ಪಾತ್ರ ಮಾಡಲು ಆಮಿರ್‌ ನಿರಾಕರಿಸಿದ್ದಾರೆ.

ಈ ಬಗ್ಗೆ ಹೇಳಿಕೊಂಡಿರುವ ಆಮಿರ್‌ ಖಾನ್‌, ಸಂಜು ಸಿನಿಮಾದ ನಿರ್ದೇಶಕ ರಾಜ್‌ಕುಮಾರ್‌ ಹಿರಾನಿ ನನ್ನಲ್ಲಿಗೆ ಬಂದು ಸುನಿಲ್‌ ದತ್‌ ಪಾತ್ರ ಮಾಡುವಂತೆ ಕೇಳಿಕೊಂಡಿದ್ದರು. ತಂದೆ ಮಗನ ಬಾಂಧವ್ಯದ ಕುರಿತಾದ ಈ ಸಿನಿಮಾದಲ್ಲಿ ಸುನಿಲ್‌ ದತ್‌ ಪಾತ್ರವೂ ಚೆನ್ನಾಗಿದೆ. ಆದರೆ ಇದರಲ್ಲಿ ಸಂಜು ಪಾತ್ರ ತುಂಬಾ ಅದ್ಭುತವಾಗಿದೆ. ಆ ಪಾತ್ರ ನನಗೆ ಇಷ್ಟವಾಗಿತ್ತು. ಆದರೆ ಆ ಪಾತ್ರ ಆಗಲೇ ರಣಬೀರ್‌ ಕಪೂರ್‌ ಪಾಲಾಗಿತ್ತು. ಇದನ್ನು ನಾನು ಹಿರಾನಿಗೆ ತಿಳಿಸಿ ಸುನಿಲ್‌ ದತ್‌ ಪಾತ್ರವನ್ನು ನಾನು ಮಾಡಲಾರೆ ಎಂದು ಹೇಳಿದೆ ಎಂದು ವಿವರಿಸಿದ್ದಾರೆ.