ಬಾಲಿವುಡ್‌ಗೆ ಕಾಲಿಟ್ಟ ಅಮಿತಾಭ್ ಬಚ್ಚನ್ ಮೊಮ್ಮಗ ಅಗಸ್ತ್ಯ ನಂದಾ: ಶುಭ ಹಾರೈಸಿದ ಬಿಗ್ ಬಿ

ಒಂದ್ಕಾಲದಲ್ಲಿ ‘ದಿ ಆರ್ಚೀಸ್’ (The Archies) ಕಾಮಿಕ್ ಬುಕ್ ಸೆನ್ಸೇಷನ್ ಹುಟ್ಟುಹಾಕಿತ್ತು. ಟೀನೇಜ್ ಹುಡುಗ - ಹುಡುಗಿಯರಲ್ಲಿ ಹೊಸ ಕ್ರೇಜ್ ಹುಟ್ಟುಹಾಕಿತ್ತು. ಇದೀಗ ಇದೇ ‘ದಿ ಆರ್ಚೀಸ್’ ಕಾಮಿಕ್ ತೆರೆ ಮೇಲೆ ಬರಲು ರೆಡಿಯಾಗುತ್ತಿದೆ. ಝೋಯಾ ಅಖ್ತರ್ ನಿರ್ದೇಶನದಲ್ಲಿ ‘ದಿ ಆರ್ಚೀಸ್’ ಸಿನಿಮಾ ತಯಾರಾಗುತ್ತಿದೆ. ‘ದಿ ಆರ್ಚೀಸ್’ ಚಿತ್ರದ ಫಸ್ಟ್ ಲುಕ್ ಇಂದು ಬಿಡುಗಡೆಯಾಗಿದೆ. ವಿಶೇಷ ಅಂದ್ರೆ, ‘ದಿ ಆರ್ಚೀಸ್’ ಚಿತ್ರದ ಮೂಲಕ ಬಾಲಿವುಡ್‌ನ ಬಿಗ್ ಬಿ ಅಮಿತಾಭ್ ಬಚ್ಚನ್ (Amitabh Bachchan) ಅವರ ಮೊಮ್ಮಗ ಅಗಸ್ತ್ಯ ನಂದಾ (Agastya Nanda) ಚಿತ್ರರಂಗಕ್ಕೆ ಪದಾರ್ಪಣೆ ಮಾಡುತ್ತಿದ್ದಾರೆ. ಅಮಿತಾಭ್ ಬಚ್ಚನ್ ಫೇಸ್‌ಬುಕ್ ಪೋಸ್ಟ್
ಇಂದು ‘ದಿ ಆರ್ಚೀಸ್’ ಚಿತ್ರದ ಫಸ್ಟ್ ಲುಕ್ ಬಿಡುಗಡೆಯಾಗಿದೆ. ‘ದಿ ಆರ್ಚೀಸ್’ ಚಿತ್ರದ ಪೋಸ್ಟರ್‌ಅನ್ನು ಫೇಸ್‌ಬುಕ್‌ನಲ್ಲಿ ಹಂಚಿಕೊಂಡ ಅಮಿತಾಭ್ ಬಚ್ಚನ್ ತಮ್ಮ ಮೊಮ್ಮಗ ಅಗಸ್ತ್ಯ ನಂದಾಗೆ ಶುಭ ಹಾರೈಸಿದ್ದಾರೆ.

‘’ಮತ್ತೊಬ್ಬ ಮಗನ ಉದಯ. ನನ್ನ ಮೊಮ್ಮಗ.. ಅಗಸ್ತ್ಯ ನಿನಗೆ ನನ್ನ ಆಶೀರ್ವಾದಗಳು. ಲವ್ ಯೂ’’ ಎಂದು ಅಮಿತಾಭ್ ಬಚ್ಚನ್ ಫೇಸ್‌ಬುಕ್‌ನಲ್ಲಿ ಬರೆದುಕೊಂಡಿದ್ದಾರೆ.

ಬಣ್ಣ ಹಚ್ಚಿದ ಸುಹಾನಾ ಖಾನ್: ಮಗಳ ಕುರಿತಾಗಿ ಭಾವುಕ ಪೋಸ್ಟ್ ಹಂಚಿಕೊಂಡ ಶಾರುಖ್ ಖಾನ್
‘ದಿ ಆರ್ಚೀಸ್’
ರೀಮಾ ಕಾಗ್ತಿ ಮತ್ತು ಝೋಯಾ ಅಖ್ತರ್ ಅವರ ‘ದಿ ಆರ್ಚೀಸ್’ ಚಿತ್ರದ ಮೂಲಕ ಅಮಿತಾಭ್ ಬಚ್ಚನ್ ಹಾಗೂ ಜಯಾ ಬಚ್ಚನ್ ಅವರ ಮೊಮ್ಮಗ ಅಗಸ್ತ್ಯ ನಂದಾ, ಶ್ರೀದೇವಿ ಹಾಗೂ ಬೋನಿ ಕಪೂರ್ ಪುತ್ರಿ ಖುಷಿ ಕಪೂರ್, ಶಾರುಖ್ ಖಾನ್ ಹಾಗೂ ಗೌರಿ ಖಾನ್ ಪುತ್ರಿ ಸುಹಾನಾ ಖಾನ್ ಬಣ್ಣದ ಲೋಕಕ್ಕೆ ಪದಾರ್ಪಣೆ ಮಾಡುತ್ತಿದ್ದಾರೆ.

‘ದಿ ಆರ್ಚೀಸ್’ ಚಿತ್ರದಲ್ಲಿ ಸುಹಾನಾ ಖಾನ್ (Suhana Khan), ಖುಷಿ ಕಪೂರ್ (Khushi Kapoor), ಅಗಸ್ತ್ಯ ನಂದಾ ಜೊತೆಗೆ ಮಿಹಿರ್ ಅಹುಜಾ, ಡಾಟ್, ಯುವರಾಜ್ ಮೆಂಡಾ, ವೇದಾಂಗ್ ರೈನಾ ಅಭಿನಯಿಸುತ್ತಿದ್ದಾರೆ. 2023ರಲ್ಲಿ ‘ದಿ ಆರ್ಚೀಸ್’ ನೆಟ್‌ಫ್ಲಿಕ್ಸ್‌ನಲ್ಲಿ ಪ್ರಸಾರವಾಗಲಿದೆ.

ನಟ ಶಾರುಖ್ ಖಾನ್ ಮಗಳು ಸುಹಾನಾ ಖಾನ್ ಫೋಟೋ ವೈರಲ್; ಇದು ಬಾಲಿವುಡ್‌ಗೆ ಎಂಟ್ರಿ ನೀಡುವ ತಯಾರಿಯೇ?
ಸುಹಾನಾ ಖಾನ್‌ ಬಗ್ಗೆ ಶಾರುಖ್ ಖಾನ್ ಪೋಸ್ಟ್
ಮಗಳ ಮೊದಲ ಸಿನಿಮಾ ‘ದಿ ಆರ್ಚೀಸ್’ ಫಸ್ಟ್ ಲುಕ್ ನೋಡಿದ ಕಿಂಗ್ ಖಾನ್ ಶಾರುಖ್ ಸೋಷಿಯಲ್ ಮೀಡಿಯಾದಲ್ಲಿ ಭಾವುಕ ಪೋಸ್ಟ್ ಹಂಚಿಕೊಂಡಿದ್ದಾರೆ. ‘’ಸುಹಾನಾ.. ನೀನು ಎಂದಿಗೂ ಪರಿಪೂರ್ಣವಾಗುವುದಿಲ್ಲ ಎಂಬುದನ್ನು ನೆನಪಿಡು. ಆದರೆ, ನೀನು ನೀನಾಗುವ ಮೂಲಕ ಪರಿಪೂರ್ಣವಾಗುವುದಕ್ಕೆ ಹತ್ತಿರವಾಗಬಹುದು. ನಟಿಯಾಗಿ ನಿನ್ನಲ್ಲಿ ದಯೆ ಇರಲಿ. ಶಿಳ್ಳೆ ಚಪ್ಪಾಳೆಗಳು ನಿನ್ನದಲ್ಲ. ಪರದೆ ಮೇಲಿನ ನಿನ್ನ ಪಾತ್ರದ ಭಾಗ ಮಾತ್ರ ನಿನಗೆ ಸೇರುತ್ತದೆ. ನೀನು ಇಲ್ಲಿಯವರೆಗೂ ಬಹಳ ದೂರ ಬಂದಿದ್ದೀಯಾ. ಆದರೆ, ಜನರ ಹೃದಯಕ್ಕಿರುವ ದಾರಿಗೆ ಅಂತ್ಯವಿಲ್ಲ. ಮುಂದೆ ಹೆಜ್ಜೆ ಇಡು, ನಿನ್ನಿಂದ ಸಾಧ್ಯವಾದಷ್ಟು ಜನರ ಮೊಗದಲ್ಲಿ ನಗು ಮೂಡಿಸು. ಲೈಟ್ಸ್, ಕ್ಯಾಮರಾ, ಆಕ್ಷನ್!’’ ಎಂದು ಫೇಸ್‌ಬುಕ್‌ನಲ್ಲಿ ಪೋಸ್ಟ್ ಹಾಕಿದ್ದಾರೆ ಶಾರುಖ್ ಖಾನ್.

Fill this survey and get a chance to win an attractive gift