ಐಶ್ವರ್ಯಾ ರೈ ಬಚ್ಚನ್ ಮನೆಯಲ್ಲಿ ಹೋಳಿ ಸಂಭ್ರಮ

ಮೋಹಕ ತಾರೆ ಶ್ರೀದೇವಿ ಹಠಾತ್ ನಿರ್ಗಮದ ಕಾರಣ ಬಾಲಿವುಡ್‍ನಲ್ಲಿ ಇನ್ನೂ ದುಃಖ ಮಡುಗಟ್ಟಿದೆ. ಇಂತಹ ಸಂದಿಗ್ಧ ಪರಿಸ್ಥಿತಿಯಲ್ಲಿ ಹಲವಾರು ತಾರೆಗಳು ಈ ಸಲ ಹೋಳಿ ಹಬ್ಬ ಆಚರಿಸಿಕೊಳ್ಳುವುದಿಲ್ಲ ಎಂದಿದ್ದರು. ಅಂತಹವರಲ್ಲಿ ಶಬಾನಾ ಅಜ್ಮಿ, ಜಾವೇದ್ ಅಕ್ತರ್ ಜೋಡಿ ಸಹ ಒಂದು. ಕೆಲವು ತಾರೆಗಳು ಸರಳವಾಗಿ ಹೋಳಿ ಹಬ್ಬ ಆಚರಿಸಿಕೊಂಡು ಸಂಭ್ರಮಿಸಿದ್ದಾರೆ.

ಗುರುವಾರ ರಾತ್ರಿ ಕಾಮದಹನ ಮಾಡಿರುವ ಫೋಟೋವನ್ನು ಹಂಚಿಕೊಂಡಿದ್ದಾರೆ ಅಮಿತಾಬ್ ಬಚ್ಚನ್. ಅಮಿತಾಬ್ ಪತ್ನಿ ಜಯಾ ಬಚ್ಚನ್, ಮಗಳು ಶ್ವೇತಾ ನಂದಾ ಬಚ್ಚನ್, ಸೊಸೆ ಐಶ್ವರ್ಯಾ ರೈ ಹಾಗೂ ಮೊಮ್ಮಗಳು ಆರಾಧ್ಯಾ ಬಚ್ಚನ್ ಭಾಗಿಯಾಗಿದ್ದರು. ಆದರೆ ಅಭಿಷೇಕ್ ಬಚ್ಚನ್ ಚಿತ್ರೀಕರಣದಲ್ಲಿ ಬಿಝಿಯಾಗಿರುವ ಕಾರಣ ಭಾಗಿಯಾಗಿಲ್ಲ.

T 2730 - the Holika has been burnt and the prayers done .. the 'tilak' colours put .. and the special sweetmeat for the occasion 'gujiya' consumed .. pic.twitter.com/ns5inXLtYS — Amitabh Bachchan (@SrBachchan) March 1, 2018 ಜಯಾ ಬಚ್ಚನ್ ಅವರು ಬಿಗ್ ಬಿಗೆ ತಿಲಕ ಇಡುತ್ತಿರುವ, ಆರಾಧ್ಯರನ್ನು ಬಿಗ್ ಬಿ ಆಶೀರ್ವದಿಸುತ್ತಿರುವ ಫೋಟೋಗಳನ್ನು ತಮ್ಮ ಟ್ವಿಟರ್ ಮೂಲಕ ಹಂಚಿಕೊಂಡಿದ್ದಾರೆ ಬಿಗ್ ಬಿ. ಸರಳ ಸುಂದರವಾಗಿ ಬಿಗ್ ಬಿ ಕುಟುಂಬ ಹೋಳಿ ಹಬ್ಬ ಆಚರಿಸಿಕೊಂಡಿದ್ದು ಸಿಕ್ಕಾಪಟ್ಟೆ ಲೈಕ್ಸ್, ರೀ-ಟ್ವೀಟ್ ಆಗುತ್ತಿದೆ.