ಮೇ 5ಕ್ಕೆ ವಿಲನ್‌ ಸಿನಿಮಾ ನಾಯಕಿ ಆ್ಯಮಿ ಜಾಕ್ಸನ್‌ ಎಂಗೇಜ್‌ಮೆಂಟ್‌

ಸ್ಯಾಂಡಲ್‌ವುಡ್‌ನ ದಿ ವಿಲನ್‌ ಸಿನಿಮಾದ ನಾಯಕಿ ಮತ್ತು ಬ್ರಿಟಿಷ್‌ ಮಾಡೆಲ್‌ ಆ್ಯಮಿ ಜಾಕ್ಸನ್‌ ಮೇ 5ರಂದು ತಮ್ಮ ಬಾಯ್‌ಫ್ರೆಂಡ್‌ ಜಾರ್ಜ್‌ ಪನಯಿಟೊ ಅವರೊಂದಿಗೆ ನಿಶ್ಚಿತಾರ್ಥ ಮಾಡಿಕೊಳ್ಳಲಿದ್ದಾರೆ. ಲಂಡನ್‌ನಲ್ಲಿರುವ ಈ ಜೋಡಿಯ ಮನೆಯಲ್ಲಿ ಅದ್ಧೂರಿ ನಿಶ್ಚಿತಾರ್ಥ ಸಮಾರಂಭ ನಡೆಯಲಿದ್ದು, ಅದರ ಇನ್ವಿಟೇಷನ್‌ ಕಾರ್ಡ್‌ ಕೂಡಾ ರೆಡಿಯಾಗಿದೆ.

ಕಳೆದೆರಡು ವರ್ಷಗಳಿಂದ ಪನಯಿಟೊ ಅವರೊಂದಿಗೆ ಡೇಟಿಂಗ್‌ನಲ್ಲಿದ್ದ ಆ್ಯಮಿ ಕಳೆದ ವರ್ಷ ತಮ್ಮಿಬ್ಬರ ಸಂಬಂಧವನ್ನು ಅಧಿಕೃತವಾಗಿ ಪ್ರಕಟಿಸಿ ಶೀಘ್ರದಲ್ಲೇ ನಿಶ್ಚಿತಾರ್ಥವಾಗುವುದಾಗಿ ಹೇಳಿದ್ದರು. ಇತ್ತೀಚೆಗಷ್ಟೇ ಅವರು ಸೋಷಿಯಲ್‌ ಮೀಡಿಯಾದಲ್ಲಿ ತಾನು ಗರ್ಭಿಣಿ ಎಂಬ ವಿಷಯವನ್ನೂ ತಿಳಿಸಿದ್ದರು.