ಏಂಜಲೀನಾ ಜೋಲಿಗೆ ಹೊಸ ಬಾಯ್‌ಫ್ರೆಂಡ್‌

ಹಾಲಿವುಡ್‌ ನಟಿ ಏಂಜಲೀನಾ ಜೋಲಿ ಅವರು ಬ್ರಿಟಿಷ್‌ ನಟ ಟಾಮ್‌ ಹಿಡಲ್‌ಸ್ಟನ್‌ರನ್ನು ಪ್ರೀತಿಸುತ್ತಿದ್ದಾರೆ ಎಂದು ಸುದ್ದಿಯಾಗಿದೆ. ಟಾಮ್‌ರ ಸಹನಟಿ ಕ್ರಿಸ್‌ ಹೆಮ್ಸ್‌ವರ್ತ್‌ ಈ ವಿಷಯ ತಿಳಿಸಿದ್ದು, ಅವರಿಬ್ಬರ ನಡುವಿನ ಪ್ರೇಮ ಸಂಬಂಧಕ್ಕೆ ನಾನೇ ಮಧ್ಯವರ್ತಿಯಾಗಿದ್ದೆ ಎಂದು ಹೇಳಿದ್ದಾರೆ.

ಇತ್ತೀಚೆಗೆ ನಡೆದ ಪ್ರಶಸ್ತಿ ಪ್ರದಾನ ಸಮಾರಂಭವೊಂದರಲ್ಲಿ ಜೋಲಿ, ನಟಿ ಕ್ರಿಸ್‌ ಬಳಿ ತನಗೆ ಟಾಮ್‌ ಮೇಲೆ ಲವ್‌ ಆಗಿದೆ ಎಂದು ಹೇಳಿದ್ರಂತೆ. ಅದಕ್ಕೆ ಕ್ರಿಸ್‌, ಟಾಮ್‌ಗೂ ನಿಮ್ಮ ಮೇಲೆ ಆಸಕ್ತಿಯಿದೆ ಎಂದು ಪ್ರತಿಕ್ರಿಯಿಸಿದ್ದಾರೆ. ಟಾಮ್‌ ಕೂಡಾ ತನ್ನನ್ನು ಪ್ರೀತಿಸುತ್ತಿರುವ ವಿಷಯ ತಿಳಿದು ಅವರು ಖುಷಿಯಾಗಿದ್ದಾರಂತೆ. ಬ್ರಾಡ್‌ ಪಿಟ್‌ರಿಗೆ ವಿಚ್ಛೇದನ ನೀಡಿದ ಬಳಿಕ ಸಿಂಗಲ್‌ ಆಗಿದ್ದ ಜೋಲಿ ಸದ್ಯಕ್ಕೆ ತಮ್ಮ ಹೊಸ ಬಾಯ್‌ಫ್ರೆಂಡ್‌ ಟಾಮ್‌ರಲ್ಲಿ ತಮ್ಮ ಪ್ರೀತಿಯನ್ನು ಕಾಣುತ್ತಿದ್ದಾರೆ.