ಏಪ್ರಿಲ್‌ನಲ್ಲಿ ಮಲೈಕಾ ಅರೋರಾ-ಅರ್ಜುನ್ ಕಪೂರ್ ಮದುವೆ?

ಬೋನಿ ಕಪೂರ್ ಮೊದಲ ಪತ್ನಿ ಮೋನಾ ಶೌರಿ ಕಪೂರ್ ಮಗ ಅರ್ಜುನ್ ಕಪೂರ್ ಮತ್ತು ಮಲೈಕಾ ಅರೋರಾ ಖಾನ್ ಸಂಬಂಧದ ಬಗ್ಗೆ ಹಲವಾರು ಗಾಸಿಪ್ ಸುದ್ದಿಗಳು ಹರಿದಾಡುತ್ತಲೇ ಬಂದಿವೆ. ಇವರಿಬ್ಬರೂ ಹಲವಾರು ಸಲ ಒಟ್ಟಿರುವ ಇರುವ ಖಾಸಗಿ ಚಿತ್ರಗಳು ಆಗಾಗ ಬಿಡುಗಡೆಯಾಗಿ ಬಾಲಿವುಡ್ ವಲಯದಲ್ಲಿ ಸಂಚಲನ ಮೂಡಿಸಿದ್ದವು.

ಇದಿಷ್ಟು ಸಾಲದು ಎಂಬಂತೆ ಮುಂಬೈ ಅಂಧೇರಿಯ ಲೋಖಂಡವಾಲದಲ್ಲಿ ಅಪಾರ್ಟ್‍ಮೆಂಟ್ ಸಹ ಖರೀದಿಸಿತ್ತು ಈ ಜೋಡಿ. ಇದೀಗ ಬಂದಿರುವ ಸುದ್ದಿಯ ಪ್ರಕಾರ ಈ ಜೋಡಿ ಈಗ ತಮ್ಮ ಸಂಬಂಧವನ್ನು ಇನ್ನೊಂದು ಹಂತಕ್ಕೆ ಕೊಂಡೊಯ್ಯುತ್ತಿದೆ. ಅರ್ಥಾತ್ ಇಬ್ಬರೂ ದಾಂಪತ್ಯ ಜೀವನಕ್ಕೆ ಅಡಿಯಿಡುತ್ತಿದ್ದಾರಂತೆ.

ಇವರಿಬ್ಬರೂ ಕ್ರಿಶ್ಚಿಯನ್ ಸಂಪ್ರದಾಯದಂತೆ ಮದುವೆಯಾಗಲು ಹೊರಟಿದ್ದಾರೆ. ಏಪ್ರಿಲ್‌ನಲ್ಲಿ ಮದುವೆ ಎಂದಿವೆ ಮೂಲಗಳು. ಒಟ್ಟಾರೆ ಇಷ್ಟು ದಿನ ಹರಿದಾಡುತ್ತಿದ್ದ ಗಾಸಿಪ್ ಸುದ್ದಿ ಈಗ ನಿಜವಾಗುತ್ತಿದೆ. 1998ರಲ್ಲಿ ಅರ್ಬಾಜ್ ಖಾನ್‌ರನ್ನು ಮಲೈಕಾ ಅರೋರಾ ಖಾನ್ ವರಿಸಿದ್ದರು. ಬಳಿಕ ದಾಂಪತ್ಯದಲ್ಲಿ ಭಿನ್ನಾಭಿಪ್ರಾಯಗಳ ಕಾರಣ 2017ರಲ್ಲಿ ವಿಚ್ಛೇದನ ಪಡೆದಿದ್ದರು.

ಸದ್ಯಕ್ಕೆ ಅರ್ಜುನ್ ಕಪೂರ್ ಅಶುತೋಷ್ ಗೋವರೀಕರ್ ಅವರ ಪಾಣಿಪತ್ ಸಿನಿಮಾದಲ್ಲಿ ಅಭಿನಯಿಸುತ್ತಿದ್ದಾರೆ. ವಿಶಾಲ್ ಭಾರದ್ವಾಜ್ ಅವರ ಪಟಾಖಾ ಚಿತ್ರದಲ್ಲಿ ಐಟಂ ಸಾಂಗ್‌ನಲ್ಲಿ ಮಲೈಕಾ ಅರೋರಾ ಖಾನ್ ಕಾಣಿಸಲಿದ್ದಾರೆ. ದಬಾಂಗ್ ಮತ್ತು ದಬಾಂಗ್ 2 ಸಿನಿಮಾಗಳಲ್ಲಿ ಸೊಂಟ ಬಳುಕಿಸುವ ಮೂಲಕ ಮಲೈಕಾ ಜನಪ್ರಿಯರಾಗಿದ್ದಾರೆ.

ಸುದೀರ್ಘ ದಾಂಪತ್ಯದ ನಂತರ ಬೇರೆಯಾದ ಇವರ ದಾಂಪತ್ಯಕ್ಕೆ ಕಾರಣ ದಾಂಪತ್ಯ ದ್ರೋಹ ಎಂಬ ಸುದ್ದಿ ಇತ್ತು. ನೈಜ ಕಾರಣ ಏನೇ ಆದರೂ ಇವರಿಬ್ಬರೂ ಆಗಾಗ ಮಕ್ಕಳೊಂದಿಗೆ ಒಟ್ಟಿಗೆ ಕಾಣಿಸಿಕೊಳ್ಳುತ್ತಾರೆ. ವಿಚ್ಛೇದನದ ಬಳಿಕ ಸಂಬಂಧ ಅಂತ್ಯವಾಗುವುದಿಲ್ಲ. ಕಹಿ ಘಟನೆಗಳು ಹೆಚ್ಚು ಕಾಲ ಕೂಡ ಉಳಿಯುವುದಿಲ್ಲ. ಅವೆಲ್ಲವನ್ನು ಮರೆತು ಸ್ನೇಹದಿಂದಿರಿ ಎನ್ನುತ್ತಾರೆ ಮಲೈಕಾ.